Paano mo naisasapuso ang mga alaala?
Maraming mga tao, bagay at pagkakataon na nakakapukaw ng atensyon, pero bilang lang ang nanatili.
Lima, sampu, dalawampung taon... Matapos nito, ano pang naaalala mo?
Naalala mo pa ba 'yung talon sa puso mo, nu'ng inaya ka niyang sumayaw sabay sa tugtog ng plaka?
O 'yung ganda ng kanyang ngiti nu'ng nilutuan mo siya ng paborito niyang afritada nu'ng bertdey niya?
Sarap tamasain, lalo kapag nanunuot sa'yo 'yung ligaya.
Eh 'yung sakit nu'ng bigla siyang umalis nang walang paalam?
Hindi maganda, pero bakit nakatatak pa, nanunuot rin sa pagkatao mo, sa'yong bawat hibla.
Napatawad mo na ba siya?
Ang malaking sugat, gumaling man at maging peklat, 'di masasawalambahala ang bakas.
Paano ka nga ba mamimili kung anong alaala lang ang babakas?
Maraming maaaring kalimutan, maraming maaaring sariwain.
Pero lahat, sa puso mo, mababalikan.
Samakatuwid, 'yung mga alaalang gusto mong manatili sa'yo? Masaya o malungkot, sa'yo rin nakasalalay.
Sa'yo ang desisyon.
Alalahanin ang ligaya.
Palagpasin na ang sakit.
Ikaw na, oo, ikaw nga ang bahala.
BINABASA MO ANG
The Reunion
RomanceRoland and Joey, old flames ending in a bad breakup, meet again after twenty years in the night of their high school reunion. With the evening coming too soon to a close, can they mend what was broken in their history or leave all the pain alone, li...
