EAST UNIVERSITY

Chapter 31

Autumn's POV

Matapos akong makapagbihis ay agad akong pumunta sa main building ng Legacy. Isa itong simpleng malaking silid kung saan minsan nagaganap daw ang mga aktibidad sa loob ng Legrand Legacy. Naipakilala na ako ni Dad sa iba noong nakaraang araw pero hindi pa lahat ay nakakaalam.  Balak ni Dad na ipaalam ito sa lahat sa darating kong kaarawan sa susunod na linggo. 

"You look tired." komento ni Yuan ng maupo ako sa harap nito. 

Agad kong inihiga ang ulo ko sa lamesang nasa harapan namin dahil sa sobrang pagod. Simula kaninang madaling araw pa kami nagsasanay at walang pahinga kaya naman naubos ang lahat ng lakas ko. Dahan-dahan akong tumango sa naging tanong nito.

"I think my body will collapse any time soon. " pagrereklamo ko,natawa naman ito dahil sa sinabi ko. 

"Magpahinga ka muna kahit ilang minuto tapos kumain ka para bumalik ang lakas mo. " paalala nito. Tumango naman ako sa sinabi ng doctor ko.Masasabi kong naging maganda na din ang samahan sa pagitan namin ni Yuan. He's been good to me since he came. Palagi din nitong ipinapaalala sa akin na huwag abusuhin ang sarili ko. Minsan kapag nagiging pasaway ako ay kulang na lang ay pagtulungan nila ako ni Kuya Night na sermonan. Seems like I'm having a  twin overprotective brothers. 

"Akala ko nasa hospital ka?"tanong ko. Tumigil naman ito sa binabasa niya at nakangiting tumingin sa akin.

"Wala namang major operation ngayon kaya pwede akong umalis anytime. " sagot nito. Tumayo ito mula sa pagkakaupo niya.

"Where are you going?"I asked.

"Getting you a food." sagot nito bago umalis sa harapan ko. Huminga naman ako ng malalim dahil sa pagod na nararamdaman ko.

God! Bakit parang binugbog ang katawan ko?! 

"Damn that Lucas!" i groaned silently. Tuwing makikita ko ang damuhong 'yon ay tila nagkakaroon ako ng lakas para bugbugin siya kaya hindi ko mapipigilan ang sarili ko tuwing nasa training kami.

"Don't over train yourself Autumn, masama ang masobrahan. You need to take a break kahit five  minutes lang everytime na nasa training ka. " ani ni Yuan at inilapag ang pagkain sa harap ko.

 

"Sinabihan na rin kita na uminom ka palagi ng tubig." dagdag pa nito.  Nagsisimula na naman po siyang manermon.

"Yes Doc." sagot ko na lang at nagsimula ng kainin ang ibinigay na pagkain nito. 

"Saan mo ba inilalagay ang mga kinakain mo?" Naningkit ang mga mata ko dahil sa tanong nito.

"What?"

"You're eating too much pero ang payat payat mo." He answered.

"Are you ins——"

"Autumn! " hiyaw ng kapatid ko bago ko pa matapos ang sasabihin ko. Kapapasok pa lang nito sa main building ng Legacy.

At heto na naman po ang isa pa.  Agad naman itong naupo sa tabi ko at agad na inagaw ang kutsang hawak ko at isinubo ito sa bibig niya. Sinamaan ko naman ito ng tingin dahil sa ginawa nito.

"Get some food,Night. Hindi para sayo ang pagkain na 'yan." saway ni Yuan sa kanya ngunit hindi ito pinansin ng kapatid ko. Abnormal talaga ang isang ito. 

"I'm hungry dude.  Ikaw ba ang kumuha ng pagkain ng babaeng ito?  Dapat ikinuha mo na rin ako." reklamo ng kapatid ko.

"You can get your own food, Night." walang ganang sagot ni Yuan. Agad namang humawak si Kuya Night sa dibdib niya at nagdrama na tila ba nasasaktan ito habang nasa bibig ang kutsara.