إيمان :لازم تقوليلهم عشان مينفعش تشيلي الهم لوحدك علي الاقل اختك وتتصرفوا سوا
رغداء:حاضر
ايمان:يلا قومي بينا وبكرا باذن الله تعالي هننزل ونروح نجيب لبس انتي حاولي بس تصلي اول ما تروحي
رغداء: حاضر
وبعد ماروحوا
رغداء:شهد انا عاوزه اقولك حاجه بس متغيريش تعبيرات وشك عشان انا متخضش انا مخضوضه لوحدي
شهد:فيه ايه؟انتي عملتي ايه؟
رغداء:انا عندي سرطان في الدم (Leukemia)
شهد :هو انتي بتهزري عشان عملتي مصيبه ولا ايه عشان افهم بس
رغداء عيطت ووريتها التحاليل الي عملتها وحكتلها انها عرفت دا يوم الفرح وانها لازم تبتدي العلاج فاسرع وقت بس هي مش مستعده لدا
شهد عيطت كتير...
رغداء:هو انا بقولك عشان تعيطي دانا قولت هتسنديني دا تندميني
شهد:لا متندميش خلاص انا همسح دموعي بس احنا لازم نقول لبابا وماما
رغداء:لااااا انا مش عاوزه حد يعرف
شهد :مينفعش احنا عيلتك ولازم نسندك فالوقت دا وكل واحد مننا اكيد هيساعدك بحاجه
رغداء:انا خايفه
شهد:طب قومي معايا ومتخافيش
ومسكت ايديها وخرجوا...
منال(والدة رغداء):تعالوا اتفرجوا معانا دا المسرحيه جميله اوي
سمير(والد رغداء):دا من اجمل المسرحيات بتاعت زمان الي مفيش زيها
شهد:بابا ..ماما.. رغداء عاوزه تقولكم حاجه
سمير ومنال:خير فيه ايه دخلتكم دي مش مطمناني.
شهد اشارت لرغداء بالكلام...
رغداء بتوتر : انا فاخر فتره كنت تعبانه وانتوا كنتم ملاحظين دا قبل الفرح وانا عملت تحاليل واستلمتها يوم الفرح وعرفت اني... اني عيانه وعندي سرطان في الدم ..بس متقلقوش الدكتور طمني ان نسبة الشفا هتكون كويسه باذن الله وكتير جالهم وخفوا..
الصمت عم في المكان....
حاول سمير ان يهداء منال
سمير حضن رغداء وقال:ان شاء الله تخفي ي حبيبتي وهتكوني جميله زي مانتي دا اختبار من ربنا لينا وهنعديه كلنا خليكي قويه كدا
شهد:رغداء المفروض تبداء علاج في اسرع وقت
منال:انتي لازم تبدائي علاج
رغداء:انا كنت خايفه اقول عشان كدا انا مش مستعده اني اخد كيماوي ولا شعري يقع
سمير :خلاص سيبوها علي راحتها ..حبيبتي متاخريش لان كل الوقت مش في صالحنا عشان ترجعي لحياتك بسرعه وتخلصي من الاختبار دا
أنت تقرأ
بداية جديدة -New beginning ❤
Historia Cortaلا أحد يستطيع إرجاع الزمن إلى الخلف وبدء حياة جديدة، ولكنّه يستطيع الآن أن يضع بداية جديدة ليسطر نهاية جديدة. لا تقف في بداية الطريق إن وجدت صخرة، فهذه جزء من جسر ستبنيه يوماً لمستقبلك . وجهتُكَ ليست مكاناً تصلُ إليه إنّما هي طريقة جديدة ترى بها الأ...
