حين يلتقيان

بارت 23

هلوو شلونكم يروحي 😍

وهذا بارت مثل ماوعدتكم

تصويت + تعليق رئيكم يهمني

الكاتبه (Mayar )

قمر_ اني ضليت صافنه مصدومه هسه هذا ديهدد لو ديراضيني زين هسه اني شسوي والله خايفه اوووف يعني لازم ارجع عود اني ردت اعذبه بس يله اتعذب بما فيه بس والله بعدني ماشفي غليلي منه بس شسوي حطيت الموبايل وطلعت رحت سلمت على عمتي وعمي وكالت عمتي

ام فهد_ يي يمه قموره احنه جايين حته نرجع ورده البيت واني ادري أبني غلطان

قمر_ عمه بس ابنج متسلط واني ما أطيق العيشه وياه واني كتله طلكني ليش مطلك
ام فهد_ لا يمه انشاء الله متوصل للطلاك واني ادري أبني عصبي حييل واني دكلجياها غلطان واذا مد ايده بعد عليج نكسرلهيا بس يمه فدوه رجعي الخاطرنه مالنه خاطر عندج

قمر_ عمه لعيونج الحلوه راح أرجع لخاطرج بس مو الخاطره عفتهم وكمت رحت للمطبخ

سعد_ يله قمر امشي بدلي حته ترحين ويانه والله البيت كئيب بدونج خوب فهد كضه عمره ضايج بس كلمه وحده اكللجياها الله يساعدج عليه

ملاك_ سعد بالله هسه شحاجيك يعني هسه انت دتقنعها علمود ترجع لو دتكرها بفهد

سعد_ اكل نعل انتي اني حجيت الصدك هو فهد دومه ضايج بس الصراحه يحبها لأن حسيته مكسور وروحه تلوب على شي من قمر ماموجوده

سعد_ ملاك شوفي شراح اكول القمر اجلطها 😂قمر بس هاا بويه فهد محظرلج كتله يزوعج العافيه بيها انتي بس امشي ويانه وشوفي وكال اذا تعاركت وياها وضرتها وكالت وديني الاهلي ياخذج يخطفج ببيت المزرعه وهناك يشبعج كتل ويحبسج طبعا اني حظرتله البيت كال للاحتياط بس شنو جبرني احظرلهيا لأن تدرين ماكدر ارفضله طلب بس اني حبيت احذرج لأن انسانيتي متقبل واني مجرب ايد فهد شلون قويه من يضرب بويه مو جف تريله واني اظن اعرف لأن ظايكتها

قمر_ هااا سعد تحجي صدك الله عليك كول الصدك اذا هيج والله ما ارجع انت ماشيف ضربه فهد شلونها وبعدين اني ماتايها اله علمود يضربني هسه شلون شسوي وهو جماله هددني اذا مارجعت ينتقم مني

سعد_ اوكفي اوكفي شنو هددج اني اول شي جنت دا اشاقه ناصب عليج والله العظيم ردت اشوف ردت فعلج ثاني شي شنو هددج

قمر_ هاا لا هيج ماكو شي أنسى

سعد_ يله نروح

ملاك_ راحت قمر وياهم واني رحت كملت شغل البيت ورحت الغرفتي وكعدت اراسل الحب مالي وبعدين كمت كملت دروسي ورحت نمت وصار الصبح وبالطريق من دروح للمدرسه شفت فاطمه الحقيره اني بعنادها كمشت ايد حيدر وصرت امشي هيه باوعت عليه وراحت دنك حيدر وكال

حيدر_ لو كل يوم هاي يمنه جان اني بخير اذا كل مشوفيها تلزمين ايدي لعد كل يوم خلي نشوفها