حين يلتقيان

بارت 30

مساء الفل حبايبي شلونكم شخباركم😍

تصويت+ تعليق رئيكم يهمني

الكاتبه (Mayar )

الدكتوره_ مبروك ماما بنتكم حامل اول شهر انتبهو زين عليها

قمر_ 😲 انصدمت مدا اصدك ملاك حامل يربي هسه تفرح رحت للغرفه شفتها كاعده كلتلي قمر اني ليش هنا

قمر _ اني فقدتي الوعي واحنه جبناج لهنا

ملاك_ اهاا

قمر_ يي وأخيرا راح اصير خاله

ملاك_ شنو قصدج

قمر_ ألف مبروك حبيبتي انتي حامل

ملاك_ ضليت صافنه وكلت صدك يعني ابني وابن حيدر هسه ببطني كمشت بطني وكمت ابجي واحجي حيدر وينك هسه انت لو يمي مو جان شفت الفرح بعينك حيدر ليش هيج عفتني انت مو منتظر هاي اللحظه تذكر مره من كتلي شوكت اصير أب هاي انت راح اصير اب بس انت مو هنا انت جوه التراب

قمر_ كافي يعمري تبجين ميصير تعبين روحج مو زين على الطفل

ملاك_ قمر فدوه اريد اروح يم حيدر ماريد اعيش اريد الحكه

قمر_ بالكوه سكتناها ورحنه للبيت وكتلهم لعيال ملاك كلهم فرحو وباركولها خطيه هاي أكثر فرحه فروحها بعد وفاه حيدر وأمه كامت تبجي وحنين كالت

حنين _ ياريت هسه حيدر يشاركنه فرحتنه اووف وكمت ابجي

ملاك_ رحت لغرفتي ابجي واعاتب حيدر واكول ربي ليش اني مو مثل البنات ليش حيدر مالحك يشوف ابنه يعني شنو ابني راح يصير يتيم وينك حيدر ليش تيتم ابنك مو خطيه حيدر ارجع فدوه والله دا اتعذب بدونك

حنين_ اني صرت كل يوم انام يم ملاك نخاف عليها وهيه حته بنومها تصيح ودكول حيدر وينك ومن درت بروحها حامل تفز بنص الليل وكامشه بطنها وادكول ابني لحد يموته أريده حيدر يردون يكتلون ابنك شلون الصارت بيها حاله نفسيه مرت الأيام وشويه تغييرت ملاك

ملاك_ مرت الأيام وبيوم جنت كاعده بالمطبخ سمعنه الباب اندكت كامت حنين حته تشوف منو وفتحت الباب وسمعت كالت تفضلو تفضلو اجتي يمي بالمطبخ وسالتها كالت

حنين_ ولج ملاك الحكي اجتي مره جبيره وياها هذا الولد تذكري هذا الي كمشج من ايدج من جنتي انتي وحيدر الله يرحمه مخطوبين بعدكم همه اجو كتلهم تفضلو لأن المره كالت عيني جايين خطابه

ملاك_ شنو معقوله وره شويه عمتي صاحت حنين كلتلها جيبي عصير راحت واني وكفت وره الباب سمعت هاي المره ادكول والله احنه جايين نخطب ملاك لابني علي والله خوش ولد واذا تريدون سالي عنه واحنه ميحتاج نسأل عنكم وعن ملاك مبين الكتاب من عنوانه خوش بنيه

ملاك _ ضجت حيل دخنت ادخن جنت لابسه شال فتحت الباب وطبيت وكفت وحاجيت أمه وكتلها باعي سمعي زين خاله اني من بعد حيدر ما ازوج وتريديني ازوج هذا واشرت عليه وكتله لو تموت ما اخذك وبعدين سمعته وتعاني احجي لاعب على البنات لعب المدرسه كلها تعرفه وتعرف قصصه وبعدين سمعت من البنات أمه ميته انتي منو الله أكبر حته انتي متخافين الله عيب استحو