حين يلتقيان

بارت 28

مساء الخبير شلونكم حبايب كلبي 😍

رمضان كريم عليكم وعساكم من العواده

تصويت+تعليق رئيكم يهمني

الكاتبه (Mayar )

حيدر_ منو هذا 😠😠

ملاك_ عكدت حواجبي ورحت حته اشوف شفت الموبايل الي جنت اراسل بيه عصام كتله اكعد خلي افهمك ماكو داعي للتعصيب

حيدر_ ملاك هذا منو هذا منو حبيبج القديم كولي جنتي عندج علاقه وياه لو لا

ملاك_ هسه خلي افهمك

حيدر_ ملااااك يي لو لا

ملاك_ يي جان بس

حيدر_ يي مو ادكليله حبيبي وضوه عيوني تخونيني ملاك موو اني الج بسيطه

ملاك_ تعال حيدر اوكف بس خلي افهمك طلع وهو عيونه حمر كعدت ابجي واكول الله لاينطيك يا عصام يا حقيير حته وره مازوجت جبتلي مشاكل ضليت ابجي ساعه وبعدين كمت رحت لبست شالي وعباتي ورحت لبيت عيالي حته اشوف حيدر وافهمه رحت لغرفتنه وشفته ماكو رحت نزلت العمتي وسالتها وكالت

ام حيدر_ يا يمه شبي  حيدر ضايج طبع منا عصبي ومالي راح يروح لسوك الكراده وراح هو شبي شو ضايج شنو متعاركين

ملاك_ لا عمه ماكز شي سلامتج بس هيج مجرد سؤال رحت للغرفه واني أفكر يربي شلون اكله وشوكت يجي ضليت افتر بالغرفه ماعرف شبيه وكلبي ياذيني وره ساعه جنت كاعده على الجربايه سمعت صووت انفجاار قريب فتحت عيوني ونزلت ركض كتلها

ملاك_ عمه عمه هاي شنو

ام حيدر_ والله مادري يعمن يمكن انفجار

ملاك_ اني راح افتح الباب وأسأل رحت فتحت الباب وحاطه الشال على راسي فات ولد كتله عفيه خويه هذا وين الانفجار

الولد_ خيتي هذا الانفجار صار بسوك الكراده

ملاك_ سديت الباب ولطمت على صدري واجتي عمتي وحنين سألني كالن هاا وين صار واني كتلهن ولج حنين حيدر راح من بين ايديه

حنين_ ولج احجي وين صااار الانفجار

ملاك_ ولج حنين راح وهو ضايج مني يمه سوده عليه ولج راح لسوك والانفجار صار بسوك الكراده احجي واني ابجي وعمتي كامت تلطم وكعدت بالكاع تبجي واني ابجي واحجي

ملاك_ ولج حنين مات حيدر من وراي اني السبب ولك حيدر ليش رحت وعفتني وبعد مادري وكعت بالكاع صاار ظلام بعد كلشي مشفت

ام حيدر_ ولج يمه ملاك كومي حنين وديها الغرفتها وكامت تبجي ولك وليدي سند ضهري شلون تروح وتعوفني

حنين_ وديت ملاك واني ابجي واشهك ورحت دكيت على بابا وابويه أخذ عمومتي وراحو يدورون بس مالكو بس جثث وجرحى ناقليهم للمستشفى راحو للمستشفى مالكوه والجثث مامعروفه لأن محرتكه مفحمه