شكرا لخذلانك 💜

part2

part2
سيما تجري:تووليييب 😭
حضنو بعض وقعدو يبكو"سيما وتوليب علاقتهم قويه هلبا كأنهم من نفس البطن يفهمو على بعض بسرعه يحسو ببعض وقت وحده منهم تتوجع الثانيه تحس بيها علاقتهم كانت اقوا من رابط الدم واكبر من كلمه صداقه كانو ديما مع بعض مكالمات مسجات التواصل بينهم ماينقطعش ومن لما سافرت توليب وهما كل وحدا فقدت جزء من قلبها انطفى مكان في حياتهم سيما اكتئبت وكرهت كل شي يخصهم وكل مكان يجمعهم حتا قرايتها كانت بتوقفها لولا حد مدلها يد المساعده ووقف جنبها"
توليب:استحشتك يافرخه
سيما:مش مصدقه انك قدامي بعد الوقت هدا كله 😢😢
توليب:اشش خلاص ماتبكيش خطيبك يقتلنا 😁
سيما:قداش متغيره
توليب ابتسمت
احمد:هااي عرفينا يامصيبه
توليب:هدي سيما وهدا احمد الهم 🙄
سيما سلمت عليه:اهلا وسهلا تشرفنا
احمد:تسلمي والف مبروك
سيما:الله يبارك فيك شكرا
توليب حضنت مرت خالها وبناتها
سيرين:الحمد لله عالسلامه
توليب:الله يسلمك منو!
حميده:هدي مرت معتصم
توليب:اشيه اهلا بيك بالجودة
خشو والتمو كلهم عليها يسألو ويهدرزو
ميسم:تعرفي لو ماعندناش علم انك جايه مستحيل نعرفك
توليب:الدرجه هدي متغيرة
حميده:هلبا يابنيتي
توليب:شن اموركم
حميده:الحمد لله شفتي وخيينك
توليب اضايقت:لا جيت من الفندق طول
حميده:يهديك الله يابنيتي شوفيهم تو بيجو بعدين
توليب هزت راسها:ان شالله مالا خالي وين ومعتصم حتا هوا
حميده:خالك في الخدمه ومعتصم في تونس بيروح غدوة
توليب:اها كويس ايي احكولي شن دايرين في حياتكم
ميسم:فاتك هلبا انا تزوجت وعندي ولد
توليب:واضح عليك من صبغه شعرك 😂
ميسم:خزي باردة
توليب:وشن ثاني
ميسم:ومعتصم عنده بنت وبابا تزوج ثاني
توليب شهقت:والله 😱
حميده:خزي عليك تفاولي عليا يابنت الكلب
ميسم:نبصر ياماما اهدي
توليب:نوضي من وجهي
سيما مقعمزة قدامها وتشوفلها
توليب:خيرك
سيما:ممكن نقعدو بروحنا
حميده سخفت على بنتها اللي من سنين حالها مش تمام:اركبو لدارك
سيما شدت يدها وركبو لدارها اللي كانو اغلب وقتهم فيها
خشت توليب وتتفرج كل شي قاعد زي ماهوا الزيانه اللي فيها زوز كراسي السرير اللي عليه زوز مخاد مجموعه الباندا اللي جمعو فلوسهم باش ياخدوها حتا رسماتهم مزال معلقات عالحيط دموعها نزلو وتلفتت:مزال كيف ماهيا
سيما:كل مانستاحشك نحكي معاهم نحسك جنبي ريحتك فيهم شي في قلبي مات من لما مشيتي
توليب حضنتها:اسفه عارفه اني كنت انانيه في قراري بس ماقدرتش نقعد هنا بعد اللي صار
flash back
سيما:تولي هيا نوضي ماما قريب تركبلك بالعصا
توليب:سهريني للفجر وقولي نوضي
سيما:مابردك هيا انا بننزل نوتي الفطور الحقيني
دوشت وغيرت لبستها وقامت شعرها نزلت تجري
مصطفى:علاش تجري يابنت
تولب:اووو خالو تي وينك بديت زي هلال العيد
مصطفى:قليلة حيا
توليب:حالك بهي
مصطفى:الحمد لله امشي افطري
قعمزت توليب عالسفرة:خيرك حاطه هلبا مش انا وانتي بس
قص عليها
حسن:تبي تاكلي بروحك
توليب:نحساب الكل فطر
معتصم جبدلها التوكه طاح شعرها:خليك هكا مشفشفه على حقيقتك 😂
حسن يشوفلها وساكت
توليب:مابردك هات
حسن:ديريلي نفص
توليب:اهو قدامك حرك ايديك
حسن:وقحه
سيما تحاول تدارك الامر:اهو انا تو ندير النفاص انتي صبيلهم عصير
توليب:بهي
معتصم:مش قتلك ديريلي قهوة انا
توليب:ومش قتلك احلم
رن هاتفها لقاته خوها:نعم
ايهم:امتا بتروحي
توليب:شي مايخصكش
ايهم:بهي ياقليلة الادب كان ماربيتك انا والعشيه بنجيك نروح بيك
سكرت في وجهه واضايقت
معتصم:خيره معاك
توليب:كالعادة يعني ووقفت
سيما:قعمزي كملي فطورك
توليب:الحمد لله اعطيني
مدلها معتصم ربطه شعرها:مادوريشي
توليب:عادي ومشت
حسن:خيرها
معتصم:خوها زي الخرا
سيما:ديما لازم يفسد علينا نكرهه
حسن لاحظ معتصم اضايق هلبا
سيما خشت للمطبخ
حسن:وانت خيرك مضايق هلبا
معتصم:بنت عمتي شن خيرك مضايق
حسن:تحبها!
معتصم:ارعى وناض طلع للمربوعه
حسن قعد يشوف وكمل ياكل
توليب تمسح في دموعها:مش عارفه علاش يكرهني يعامل فيا تقول قاتله حد من عيلته
سيما:طز فيه مادوريشي
توليب:خوي رهو
سيما:وكان اهو عندك ياسين ربي يخليهولك
توليب:يارب
بعد العصر غيرت ونزلت تستنا في خوها في الجنان
حسن:خيرك مقعمزة هنا
توليب:عندك مانع
حسن:انتي علاش لسانك هكا
توليب:وخيره لساني
حسن:طويل وديما واخده اسلوب الهجوم
توليب:هدي انا هكا وعاجبتهم
حسن:وانا مش عاجبتني
توليب:فيش حد خدي رايك
حسن:بس قالو قلبك ابيض وطيبه
توليب رن عليها ايهم:مش مهم وطلعت روحت
حسن ضحك عاجنب وطلع روح
فاتت ايام توليب وسيما امتحانات نصفيه يمشو للكليه وبعدها يروحو عند سيما يقرو مع بعض
في يوم مقعمزات يراجعو بدو يسمعو في عياط
توليب:بسم الله شن فيه
سيما: صوت رانيا اختي نزلو يجرو
رانيا:ضربني ياماما كله من خواته حسبي الله ونعم الوكيل فيهم
حميده:بهي غير اهدي ولدك بتهبليه بكري يبكي
رانيا:حقير
سيما:خيرك
رانيا: خليني في همي
توليب تأشر لمرت خالها بمعنى خيرها
حميده:اركبو كملو قرايتكم خلي اختك ترتاح
ميسم:مسكينه
سيما:خيرها
ميسم:تعاركت مع حماواتها ضربها راجلها وجابها هنا
توليب:كسرة في ايده الحيوان
كملو قرايه وروحت توليب في الليل
دانيه:عاش من شافك
توليب:باردة ره
دانيه:ان شالله تجيبي معدل بس
توليب:بادن الله وين ماما
دانيه:قعدت تستنا لين رقدت
خش ايهم:شن يافرخه نسجلوك في كتيب عيلة خالي
توليب ماعندهاش مزاج تتعارك معاه جت بتركب شدها بقوة
ايهم:لما نخرفلك تردي طول
توليب:نحي يدك واحترم روحك انا ماشيه نقرا وبوي عنده علم وموافق
ايهم:عارف وفاهم شن في راسك ماشيه تتسهوكي مع الفرخ معتصم
توليب ضحكت: كل واحد يشوف للناس بعين طبعه 😉
ايهم قام يده بيضربها
عزيز:بالك تتحشم وتحترم نفسك
ايهم:شن يابوي ماتسمعش فيها
عزيز:لما نموت انا دير ماتبي فيهم توا وانا عايش ماتدخلش فيهم وبعد تشوفهم دارو غلط تعالا تكلم
ايهم دفها بقوة وركب لداره
توليب بدموع:علاش يكرهني ويعامل فيا هكا
عزيز:مادوريشي
دانيه:هوا هكا طبعه يا توتو
توليب:لا مش هكا خيرك انتي يتعامل معاك كويس ويحترم فيك
دانيه:لاني اكبر منه بس
توليب:ركبت لدارها وقعدت تبكي بعدها غسلت وجها وفتحت الفيس وقعدت تتصفح لين قابلها معتصم ولد خالها داير بوست صورة هوا وحسن وكاتب"نورت ليبيا برجعت الغالي 🤩"
قعدت سرحانه تتفرج عليه وتشوف لملامحه وضحكته لحيه المحدده وسوده بكل وثقته خشت عايميله وقعدت تشوف في صوره لين نعست وبدو عيونها يتسكرو وبدون ماتحس طاحت ايدها بالهاتف وماحستش بالعمله اللي دارتها 🤦‍♀️ end back
نرجعو للحاضر
مقعمزة توليب عالسرير
سيما راقده على رجلها ومزال تبكي:قعدت ايام حابسه روحي في دار مانطلعش لحد نبكي بس استنيتك هلبا كل مايرن الجرس نقول تولي رجعت تهسترت تعبت قعدت ايام في العيادة وقفت قيدي كرهت كل شي حاولو معاي هلبا بس غيابك دمرني
توليب:بعدين شن صار
سيما:بابا اصر اني نرجع للكليه عااساس ممكن نحصل صاحبات ويتغير جوي اول يوم مشيت طول لمكانا اللي نقعدو فيه شفت اسمائنا اللي كتبناهم عالكرسي واذكرت لما تعاركنا مع البنات وخديناه قعدت نبكي هلبا نتفاجئ بحدا حط يده على كتفي شفت شاب طويل عيونه عسليات يهبلو لحية خفيفه وابتسامته شاقه وجهه قعد يهدي فيا ويحساب نبكي على حبيبي انا قتله انت مش عارف شي ومشيت غسلت وجهي وخشيت للقاعه ننصدم بيه دكتورنا الجديد تحشمت على وجهي واعتذرت منه بعد المحاضرة ومن يومها بدينا اصدقاء وحكيتله السبب وساعدني هلبا قواني وخلاني نرجع نقرا ونحب كل شي وكان واثق انك في يوم بترجعي قعدنا 3سنين اصحاب وفي تخرجي اعترفلي بحبه كملنا سنتين علاقه حب وبعدها خطبني وقعد يبني في حوشه واهو توا بنبدا مرته
توليب:حلو بكل الشكر ليا طبعا
سيما:خرفي مهبوله
توليب:ههههه وربي استاحشتك يابنت تعرفي لو مش عاخاطرك والله معاد نرجع للبلاد الجربه هدي
سيما:مانسيتيش
توليب:نسيت بس الجرح مزال هوا هوا انتي عارفه يومها قداش خسرت في لحظه تحطم كل شي قعدت جثه بس
سيما:ربي يرحمهم
توليب سرحت واذكرت يومها: تعيط وتبكي وهيا تشوف في اغلى شخصين قدامها في تابوت وماشيين للقبر معادش عندها حد
سيما:بتشوفيهم
توليب:مش عارفه توا عرسك والدنيا بتزحم مش عارفه كيف بنتواجه مع الكل
سيما:عارفاتك قويه وقدها
توليب:المشكله احمد لازم يقعد معاي وجنبي
سيما باستغراب:علاش! وبعدين منو يكون هدا
توليب:صديق بس
سيما:بس شنو
توليب:لازم يقعد معاي وخلاص ماتسأليش اكثر
سيما:لا بن
قص عليها مكالمه عاهاتف توليب فيديو ومكتوب "sam"
سيما:منو هدا ثاني
توليب:حانحكيلك عاكل شي
سيما:احنا اخر مرة حكينا قبل شهور وقلتيلي انك قعدا عند عيله ليبيه مقيمين صح
توليب:ايه
سيما:وهدا منو
توليب:هدا......
سيما:يعني
توليب:بعدين نحكيلك بس خليني ننزل نشوف احمد
سيما:تمام بري بس وراك لين تحكيلي كل شي
توليب:تمام ونزلت دور عليه
حميده:من دوري
توليب'?:الولد اللي جي معاي
حميده:شفته بكري برا مع ولاد الشارع
توليب:اها وطلعت احمد
رد عليها:نعم
توليب:شن الجو عجبك
احمد:نوعا ما
توليب:تو يجي معتصم وتقعد معاه
احمد:عندهم ولد واحد
توليب:ايه
احمد:كويس انا مرات نمشي
توليب شدت يده:لا ارجوك ماتقولش بتمشي تقعد في مكان ثاني انت وعدته بتقعد جنبي لين نروحو او هوا يجي
احمد:اوف بهي امسحي دموعك بلا شورخ
توليب:تفو كلب
احمد:بري خشي فكيني منك بنرجع نلعب كوره المفرخ جوهم مليح
توليب:تمام بعدين تعالا مانبوش نوقفو عالخدمه
احمد:واااك ندمتيني
توليب:اقلب عليا رن هاتفها ثاني
احمد ضحك:ردي عليه ومشي
سكرت مكالمه الفيديو واتصلت صوت:الو
سام:ليش ماترديش تعرفي من امتا نتصل
توليب:تعبانين وهاتفي صامت
سام باعصاب:تبعتيلي مسج نقعد مشغول انا
توليب:تقدر تكلم احمد ببساطه
سام:خير امك تدوي هكا
توليب:شي
سام:اووف ياربي مازلتي مضايقه من نفس القصه
توليب:اها
سام:انا قتلك عندي هلبا مرضى المفروض تفهميني وماتزعليش
توليب:مش زعلانه انسا
سام:بهي شن دايرة شن صار معاك احكيلي
توليب:ماعنديش نيه نحكي بتجي!
سام:عالخدمة
توليب طارتلها:تمام انا بنسكر توا
سام:مزال ما طوط طوط طوط قعد يشوف للهاتف ويستوعب انها سكرت عليه الخط
سيما:احم
توليب:تعرفي جعانه بكل
سيما:هههه قعدا كيف ماانتي تعرفيش تكدبي وتحبي تتهربي
توليب حضنتها:نحبك يافرخه
سيما:غدوة بنطلعو نعرفك على ختيبي
توليب:بهي ياختيبي انتي هيا نخشو
سيما:هيا تفضلي
كيف بيخشو
شخص:توليب
تلفتو و يتبع