شكرا لخذلانك 💜

part 6

part6
توليب قامت راسها:خليني في همي توا جاي تتفلسف بالانجليزي من قالك انا اجنبيه حمار 🙄
سامي ضحك:حتا انا ليبي يا حلوة وقعمز جنبها
توليب:شن تبي
سامي:نبي نساعدك ليبين زي بعض وواضح انك جايه بروحك وماتعرفي حد صح!
توليب هزت راسها ودموعها مزال ينزلو
سامي:بهي غير اهدي انتي جايه هاربه ولا كيف
توليب:لا عندي منحه بنقرا هنا بس مسافرة بروحي عاحسابي
سامي:اممم يعني ماعندكش حتا مكان تقعدي فيه
توليب:لا
سامي:قداش سنه كليتك
توليب بصوت هادي:انا معادش نبي نرجع ليبيا
سامي:علاش
شافتله وسكتت
سامي:بهي تجي معاي
توليب:لا طبعا انا مانعرفكش
سامي ضحك:بهي بتقعدي هنا لامتا
توليب:بنحاول نكلم دكتورتي لانها قتلي رح تعطيني مكان اقامة
سامي:تمام هاك هاتفي فيه نت واموره تمام كلميها
توليب خشت عالفيس طلعت ايميلها وبعتتلها ومن حسن حظها لقتها فاتحه نت
حسناء"اهلا
توليب"انا توليب وصلت لميلانو
حسنا"اووه اسفه حبيبتي انا قعدا ماسافرتش صارلي شويه تلخبيط في اوراقي تبيلي اسبوعين ثانيات باش نجي
توليب"كيف 😱
حسنا"اسفه حبيبتي ياريتك قلتيلي قبل تسافري انتي مش سافرتي عاحسابك
توليب"ايه
حسنا"تمام اطلبي من اي تاكسي ياخدك لفندق لحد مانجي انا
توليب سكرت النت وعطاته هاتفه ورجعت تبكي
سامي:ياسر من البكا شن قالتلك
توليب:قعدا في ليبيا وتبي اسبوعين باش تجي
سامي:بهي والحل توا تبيني نسيبك هنا والله ماهي صايرة
توليب:مش واثقه فيك من الاخير بهي
سامي:بهي اهو نعطيك حل انا عيلة عمي مقيمين هنا ومعاهم الجنسيه نتصل بيهم قدامك ويجو تمشي معاهم تقعدي الاسبوعين هادو عندهم لين تجي دكتورتك وبعدها براحتك
توليب:اتصل بيهم توا هي
قام هاتفه واتصل فيديو:سلام
جاته صورت بنت شقرا وجميله:اهلا بولد العم امتا وصلت
سامي:قبل شويه قاصدك في خدمة
جيهان:امر عيوني ليك
سامي:معاي بنت المفروض جايه بمنحه هنا بس دكتورتها ماجتش وماتعرفش البلاد وماتبيش تجي معاي خايفه تجي انتي تاخديها لحوشكم
جيهان:ترا نشوفها
وجهلها الكاميرا
جيهان:هااي ياحلوة
توليب:اهلين
جيهان:غلطي لما ماوثقتيش في سام رهو احسن شخص ممكن تقابليه بس يلا انا توا جايه وناخدك لحوشنا موافقه
توليب:تمام موافقه
جيهان:اوك ياعسل استنيني
سامي:منورة
وفعلا بعد نص ساعه وصلت جيهان:انا جيت
سامي:علاش عطلتي
جيهان:زحمه الطريق هيا يا ...اسمك
توليب بصوت شبه مسموع:اسمي توليب
سامي قعد يشوفلها
جيهان:اسمك جميل تدوي انجليزي ?
توليب:ايه
جيهان:مليح بكل هي مشينا
سامي:كلميني لما توصلي وبالله ردي بالك منها
جيهان:ماتوصيش وطلعو
بعد وقت وصلو لفيلا صغيرة عادورين حلوة وفي منطقه هاديه بكل
جيهان:تفضلي الحوش حوشك
خشت توليب متحشمه وخايفه هلبا
نزلو مرا وراجل الواضح اما وبوها
جيهان:عندنا ضيفه ياعيلة
جمال:منو
جيهان:صديقتي من ليبيا جايه بمنحه وبتقعد عندنا اسبوعين لين تنظم امورها
امل:اهلا وسهلا بيها انستينا
توليب:شكرا
ركبو مع بعض
جيهان نحت جاكيتها وقعمزت عاسرير:احم طبعا احنا لينا فوق عشرة سنين هنا يعني واخدين الجنسيه اهلي وانا لاني ولدت هنا بابا جمال وماما امل عندي خو ثاني بس ساكن في ماليزيا
توليب:بالجودة بيكم
جيهان:وانتي
توليب ارتاحتلها:انا توليب جايه هنا بمنحه بس مش ناويه نروح ليبيا بصراحه تقدري تقولي اني هاربه
جيهان:وااو علاش
توليب:اهلي رافضين سفري
جيهان:امك ولا بوك
توليب بكت:امي وبوي توفو قبل شهر ونص
جيهان بحزن:الله يرحمهم بس من رافض سفرك
توليب:خوي وعمي وكانو بيزوجوني لولد عمي
جيهان:عليك عقليات بهي من ساعدك تجي هنا
توليب:خالي وبابا قبل يتوفى
جيهان:اها بهي يا توتو من اليوم اعتبريني صاحبتك بصراحه انا ماله هنا يعني صح الحياة حلوة وحريه وعندي صديقات بس محتاجه حد ليبي يفهم عليا
توليب ابتسمت:تمام وشكرا هلبا لاستضافتكم ليا
جيهان:ولا يهمك ياحلوة تعالي نفضيلك جيهة من دولابي ستفي لبسك ودوشي وارتاحي
توليب:تمام
سامي اتجه لشقته اللي شاريها هوا وصاحبه فتح الباب وخش لوح شنطته ورقد عالصالون بتعب
طلع احمد من الدار:اووو قلبي امتا جيت
سامي:توا
احمد:تاعب
سامي:بكل
احمد:نريحك
سامي:ديرلي قهوة نصحصح بيها لانه عندي خدمة
احمد:تمام ومشي للمطبخ
خش سامي دوش وطلع يشرب في القهوة ويفكر في قرايته اللي مسيبها ليه شهور
احمد:فاش تفكر
سامي:الكليه
احمد:انت في الامتاز صح
سامي:اها
احمد:خلاص كمل
فات الاسبوع الاول وتوليب مندمجه مع جيهان وحبتها هلبا
نظمتلها امورها وخدتلها هاتف ثاني
توليب بعتت"سلام دكتورة بتجي الاسبوع الجاي
حسنا"باذن الله بس عندي ليك خبر مش تمام
توليب"ان شالله خير
حسنا"العيله اللي كنت عااساس بنخليك معاهم صارلهم ظرف ورجعو للبلاد
توليب"ياربي كيف بيصير فيا توا وبدت تبكي
خشت جيهان:خيرك توتو
توليب:حظي وعارفاته عارفه اني بعد ايام رح نرجع لبلادي مكسورة ويشمتو فيا كلهم
جيهان:غير خيرك احكي
توليب:المكان اللي مفروض نمشيله الاسبوع الجاي ماصارش منه وين بنقعد انا رح نضيع في الشوارع
جيهان ضحكت وجت جنبها:وانا وين مشيت ياهبلة اهو حوشنا كبير اقعدي معانا فيه ديار فاضيات حطي فيهم بضاعتك واقعدي لامتا ماتبي
توليب:بس
جيهان قعمزت:تعرفي انتي مش ناويه تستقري هنا
توليب:بهي
جيهان:امك وبوك توفو واحنا معانا الجنسيه يعني نقدرو نتبنوك باش تاخدي الجنسيه في 5سنين
توليب:بس اهلك مش رح يوافقو
جيهان:ماعليك فيهم انا نقنعهم
توليب:ان شالله خير
نزلت جيهان:عيلتي نبي نقلكم شي
جمال:قولي
جيهان:توتو ماصارش من مكان اقامتها وهيا المفروض بداية الشهر تبدا جامعتها
جمال:وبهي
جيهان:هيا مش مقررة ترجع لبلادها فااقترحت انه نتبنوها باش تاخد الجنسيه في 5سنين
"الكلام واقعي رهو ما نقولش فيه من راسي اي حد يتبناه مواطن ايطالي بعد 5سنين ياخد الجنسيه"
امل:شن تقولي انتي بلاش هبال
جيهان:بابا
جمال:احنا مانعرفوهاش البنت
جيهان:عادي اسأل عليها معارفك في ليبيا يا بابا البنت وحيده ورح ضيع منا لو سيبناها في الشارع جامعتها خمسه سنين كيف بتعيش
جمال:تمام نسأل عليها وعلى عيلتها لو طلعت كويسه نتبنوها وخليها تقعد معانا مافيش داعي تطلع بعد اسبوع
جيهان نقزت:يس احلى بابا end back
سيما:هدا علاش خديتي الجنسيه في اقل من عشرة سنين
توليب:ايه
سيما:العيله ناس كويسين
توليب:هلبا ساعدوني ووقفو معاي وعمو جمال سجلني في الكليه ودارلي سواق وجيجي طبعا ليها الفضل في شكلي الحالي
سيما:الله احكيلي
flash back
بدت الجامعه وطلعت انا وجيهان خديت لبس جديد
جيهان:امم انتي مش محجبه
توليب:ايه
جيهان:شعرك تاعب بكل شن رايك نرفعك لكوافير ونغيرولك اللوك
تولب:بس
جيهان:ارجوك ارجوك
توليب:تمام
جيهان:يس هيا شدت يدها ومشت تجري
"اللغه لعربيه فصحى يعني يحكو ايطالي"
جيهان:مرحبا ايها الوسيم
ليو:اوو اهلا بالجميلة
جيهان:انها رفيقتي وكما ترى شعرها وبشرتها متعبان ارجوك اهتم بها لاجلي
ليو:حسنا
قصلها شعرها خلاه لكتافها وغيرلها لونه دارلها اقنعه وعالجلها بشرتها
ليو:قولي لها ان تذهب الي مركز عنايه بالبشرة
جيهان:حسنا عزيزي الي اللقاء
توليب:ماعطيناش فلوس
جيهان:مادوريشي هدا ديما نتعامل معاه وبابا يخلص فيه من الشركة
توليب:اها وتوا وين
جيهان:توا بنرفعك لمركز باش تصلحي بشرتك لانها تعبانه وبنسجلك معاي في النادي لازم تكوني رشيقه زيني
توليب:اوك
جيهان بصوت عالي:سااااام ياجميل
كان يتمشى تلفت:مهبولة
جيهان مشت تجري وحضناته:استحشتك خيرك معاش تجينا
توليب قعدت بعيد متحشمه
جيهان:تعالي
سامي يشوفلها:شن امورك
توليب:تمام وشكرا عاللي درته معاي
سامي:ولا يهمك شن صار في الجامعه
جيهان:ماصارش من الانتقاله بتقعد معانا وبندبرلها ملعوب باش تاخد جنسيه
سامي:بهي كويس
جيهان:امم حاساتك تبي تعزمنا عالعشا واحنا بنوافقو
سامي ضحك:هي تفضلو
مشو لمطعم وطلبو وجيهان وسامي مابطلوش حكي بس توليب سرحانه طول الوقت وتفكر في عيلتها اختها سيما شن صاير فيهم
جيهان:وين احمد
سامي:مشي لصاحبه
جيهان ضحكت:صاحبه ولا 😂😂
سامي:ضمي فمك
جيهان:امم كملت كورس التركي
سامي:ايه وبنسجل في الجديد
جيهان:حتا اني بنخش معاك شن رايك توتو تجي معانا
توليب:كيف
جيهان:بنسجلو في كورس لغه تتعلمي لمده سنه وبعدها يعطوك شهادة
توليب:عادي احسن نبي نتعلم ايطاليه
جيهان:تمام وانت
سامي:فرنساوي باذن الله
جيهان:خلاص انا معاك وتوتو ايطالي شوف احمد
بعد اسبوع سجلت في الجامعه وبدت حياتي تمشي تعودت عالبلاد وبديت نحفظ في الشوارع ومجتهدة في قرايتي باش نحصل معدل كويس يأهلني نشتغل في مكان مليح وبديت شبه كل يوم نتلاقو انا وسامي واحمد تعودت عليهم هلبا احمد اندمج معاي بسرعه بس سامي نحسه متحفظ ديما ورزين هلبا حتا الضحكة تطلع بالسيف
في يوم كملت توليب الكورس بكري طلعت قعمزت برا تستنا في جيهان
سامي قعمز جنبها:كملتي
توليب:ايه وانت
سامي:ماحضرتش انا
توليب:علاش
سامي:عندي خدمة برا
توليب:اها
سامي:شن صار معاك انتي و عمي
توليب:بنكملو اوراقنا الاسبوع الجاي
سامي:كويس
توليب:عادي نسألك سؤال ماتفهمنيش غلط
سامي:تفضلي
توليب:جيهان وانت تحبو بعض
سامي:اه قصدك ماحكتلكش
توليب:لا
سامي:اسئليها بهي تو تحكيلك على علاقتنا
توليب:انا سألتك انت
سامي ضحك:وانا نبيها تجاوبك هيا
توليب:تمام نبي نروح انا
سامي:شويه جيجي قريب تكمل وتطلع
قعدنا نستنو وطلعت
احمد:تمشي معاي بنحضر فيلم جديد?
توليب:عادي
احمد:وانتي فرخه
جيهان:لا انا وسامي عندنا مشوار
احمد:تمام نتلاقو بعدين
end back
خشت علينا ميسم هيا وولدها:شن تحكو انتم امي قالت ليكم من العشيه هنا
توليب:حشريه
ميسم:خزي باردة تعالى ياماما سلم على خالتك
قمته وقعدت نبوس فيه
وسيم مسح وجهه:نحي عاش تبوسيني
سيما:يحبش من يبوسه هدا قالك نبي نكبر نبدا راجل زي بابا
توليب:اياه 😂بهي شن رايك انه البوسه تخليك تكبر بسرعه
وسيم:حاق 😻
توليب:ايه ديما بوس اي بنت رح تكبر بسرعه وتبدا عندك لحيه زي خالو
وسيم يصفق:بنبدا كبير ماما
ميسم:زيدي العبيله بدماغه
توليب:احسن خلي يبدالك صايع ايي احكولي عالعيله من تزوج ثاني
ميسم:قولي من قعد كلنا تزوجنا تقريبا معاش فيه الا ياسين وحتا هوا عنده موضوع قال لامي الفترة اللي فاتت
توليب:كويس
ميسم:طبعا اختك دانيه تزوجت ولد عمك الكبير بس طلع ماشالله ومعيشها عيشه اميرات وديما سفر وجو وايهم تزوج اساور بنت خالي وعندهم توأم بنات وانا تزوجت قريب ماما
توليب:كويس
ميسم:وانتي مش ناويه تتزوجي وترتاحي حقا بتستقري هنا ولا بترجعي
توليب:لا بنرجع قعدة هنا شهر بس
ميسم:ااه خسارة جايبتلك عريس قبل
توليب:ريحي روحك وشدي فرخك هاك
رقدنا بعد هدرزة طويله وضحك الساعه 2خشتلنا
سيرين:توليب تعالي
سيما:شن تبي توا الساعه2اللطف
سيرين:غير تعالي معاي بنوريلك حاجه
توليب مستغربه بس نزلت لما وصلت للصاله شافت
معتصم:ام لسان منورة بلادنا
نزلت تجري نقزت في رقبته:عصومي استحشتك
معتصم:مش اكثر مني وربي يافرخه مكانك هكا كبره
قعدو ساعات يهدرزو ويضحكو وماصارش من النوم
معتصم:اشيه الفرخه موليه طرف اجنبي الشعر والجسم
توليب:تحشم على وجهك مرتك واقفه
معتصم:لالا سيرين زابطه الوضع ولا حبي 😉
سيرين تضحك
معتصم:هي انا بنركب ندوش ونرقد هالساعتين بش نلهو بعرس الاستاذة سيما
سيرين:تصبحو عاخير وركبت معاه
توليب:انا نعست بكل هيا نرقدو
سيما:هداكا الولد ما شفتاش من المغرب
توليب:احمد خميرة نوم يرقد حتا يومين على بعضهم عادي
سيما:جو محلاه لكن
توليب ضحكت:ارقدي ارقدي
في حوش معتصم
سيرين:توقعتك توصل بكري شويه تجيب لوجي معاك
معتصم:حصلت قعدنا نرتبو في البضاعه وبعدين حتا لو وصلت بكري ماكنتش بنجيبها
سيرين:علاش
معتصم:لاني مستاحشك هلبا وبنتك ماتعرفش ترقد وتريح 🙄
سيرين:حرام عليك
معتصم باسها:نحبك انا
سيرين:مزال تحبني زي قبل
معتصم:تي نموت فيك ناسيه كيف طيحتيني من اول ضحكه وجبتيني على وجهي
سيرين:حبيبي ربي يخليك ليا
معتصم:وليا ياقلبي تعالي نتفاهمو في دارنا هي
في مكان ثاني اول مرة نحكو عليه
ايهم يلعب في بنته:حبيبت بابا السمحه
اساور:ماتبيش تمشيلها
ايهم:منو
اساور:اختك شن منو
ايهم:سكريه الموضوع هدا انا اختي دانيه بس
اساور:بس توا اكيد بتتلاقو في العرس
ايهم:لاتسلمي عليها ولا تدوي معاها وبناويتي ماتخليهاش تحط يدها عليهم توليب ماتت من يوم اللي هربت من هنا وسافرت اكيد دايرة العار شن بيطلع منها يعني
اساور:وبلكي ظالمها
ايهم:هيا كلمه ماتقعديش تناقشي
اساور:بس والله مانقدر موقف اخي عليه نسلم عالناس كل وهيا نفوتها وفي النهاية بنات خوها هادو مانقدرش نشدهم عليها
ايهم:ديري رايك انا بنطلع توا بعدين نجي نرفعكم غادي
باس بناته وطلع
توليب فاقت الصبح فطرت ونزلت
حميدة:وين ماشيه
توليب:عندي مشوار نبي نشوف شركة تنسيق بنجيبها تنظم الجنان
حميده:تعرفي الطريق
توليب:لالا اهو فيه سواق بيرفعني
حميده:بهي ردي بالك على روحك بنيتي
توليب:تمام وطلعت
احمد:هي مشينا
توليب:هيا
مشو للشركة وقعدو يستنو موعدهم
احمد:اووف عليك ملل مافيش طرف عليه العين
توليب:😒😒
احمد:مابيخك
سكرتيرة:تفضلو استاد يوسف يستنا فيكم
خشو
يوسف:اوووف اصدقائي نورتو ليبيا
احمد:اهلا
توليب:كيف الحال
يوسف:ميه ميه شن اخباركم وامتا جيتو
توليب:لينا ايام هنا
يوسف:معاكم الدكتور
توليب:لالا عنده شغل
يوسف:امم اكيد جاييني في موضوع
توليب:ايه عندنا عرس وتبو شركتكم تنظمه تحت اشرافي
يوسف:تأمري امر قوليلي قداش تبي عدد العاملين. وتبيهم شباب ولا بنات
توليب:نبي عشرين خليلي 7شباب والباقي بنات
يوسف:تمام اعطوني المكان بالزبط وبعد ساعتين يكونو عندك
توليب:تمام قداش حسابك
يوسف:خليها لبعد تكمل مناسبتكم وقوليلي عجبك شغلهم ولا لا
توليب:تمام نستاذنو توا نبعتلكم الموقع عالواتس
يوسف:تمام سلامتك
روحو وقعدت تستنا فيهم
احمد:نبي نحضر العرس انا
توليب:قعمز هنا بنركب نغير ونجي
سيما:شن صار
توليب:اهو نستنا فيهم
غيرت لبست توته كحله اديداس وقامت شعرها ونزلت لقتهم كيف وصلو
احمد:هي تعالي يامعلمه
توليب بدت توري فيهم مكانات الزينة وتختار في الورد والالوان هيا وسيما والطاولات
احمد:وين مفرخ جيرانكم كانو يغيرولي في جوي
سيما:اليوم خميس يمشو لخوالهم تو غدوة يجو
توليب:علقها فوق قيمها اكثر
عامله:وين نحطها هادي
توليب:غادي بعد يكملو المنصه حطيها جيهة اليمين
شخص:نورتي ليبيا
تلفتت توليب و .....يتبع