شكرا لخذلانك 💜

part14

part14
نشوف في سامي يضحك ووحدا مقعمزة جنبه على يد الصالون ويدها شعره انا شياطين الدنيا كلها حضرت قدامي في لحظتها
جنات:خيرك طالق لحيتك وحطت يدها عليها
خشيت ولبست وجه البرود بالسيف
اول ماشافني عدل تقعميزته وسكت
انا:سلام
جنات:اهلين بالعروسه كيف حالك ومدت يدها
انا وزنتها من فوق لتحت وسلمت عليها بروس صوابعي:اهلا كويسه
جيهان تضحك:وين قعدتي ياما فاتك
انا فهمت قصدها:قعدت مع عمو نشوف في شغله ماحلاه
جيهان:ايه صح
سامي:جعانه!
انا شبحتله بغل:هلبا 😒
سامي:خديتي الدوا
جنات:خيرها شن مريضه
انا:ايه بسلامتي خدوني بالعين شكله
جنات:سلامتك
انا:سلمك
حطو الغدا كلينا ومشو جيهان وجنات يغسلو في الماعين
سامي:تعالي نوريلك داري
انا:مش توا
ناهد:اركبي بنتي ماحد براني
ركبت معاه وانا بنتفجر خلاص
سامي:هدي مملكة راجلك كنت نقعد فيها اكثر اوقاتي
انا نشوف بدون ولا كلمه
سامي قرب بيحضني
وقفته:شن المهزلة اللي كانت
سامي:احم شنو
انا:ماديرش روحك مش فاهمني
سامي:هدي بنت عمي و عادي كنا نهدرزو ونتفكرو في ايام زمان
انا:وايدها شن وصلها لشعرك ولحيتك
سامي:ما
انا:ما شنو ها ماتختبرش غيرتي يا ساام لاني وربي نحرقها قدام عيونك وطلعت وسيبته
جيهان عالدروج:قتلتيه ولا مزال
انا:اسكتي انتي كيف تسمحيلها تقرب منه هكا
جيهان:شن دخلي انا كان هوا سامحلها
انا:تو يشوف
جيهان:سلمها اللي تغار على راجلها وجهك احمر بكل
انا:اووف هيا ننزلو
امل:شن جو العروسه
انا:تمام بتسافر قالت
امل:حلو
جنات:مواليد كم ياتوليب
انا:97
جنات:امممم صغيرة على سامي
انا:🙄 وخديته
جنات:تتفكري ياعميمه زمان لما كنتو تقولو جنات لسامي هههه
ناهد:اي لما كنتو صغار
جنات:اي هوا كان ديما معاي من دون الصغار لين مشت فينا لبعض
انا:اممم ياروحي جيت وخديت مكانك 😉 معليشي عاد ماكنتش نعرف انه بيموت فيا
جيهان ضحكت
جنات:ماتندريش عالنصيب
انا:والله عندي راجل ليك ماشالله عمره 55تقريبا يمشي معاك بما انك كبرتي وماجاكش النصيب
جنات طارتلها سكتت
نزل سامي:امي انا بنمشي نشوف الشباب
ناهد:بهي وليدي سلامتك
سامي:توليب تعالي
جيهان:شن تبيها
سامي:الهي في روحك
انا طلعت معاه:نعم
سامي:مش قصدي نضايقك عسلي
انا:ضايقتني وفات
سامي:هيا هكا طبعا من قبل عادي متعودين عليها
انا:وتوا حضرتك متزوج تتعود تحترم نفسها
سامي:حاضر ياروحي معاش نقرب جيهتها بكل
انا:ولا تهدرز معاها
سامي:حاضر اضحكي ممكن
انا ابتسمت:ها ماكملتش كلمتي الا وهوا يبوس فيا
قطع علينا صوت:اشيه على عيلة ايطاليا صياعه في الهواء الطلق هكا لا حشم لا شي شي
انا شديت في سام
ولد عمه سراج:جايين بنسلمو عليك الحق
سامي:بري خشي
خشيت نجري وقلبي بيطلع عليك لقطه بايخه 🙈
سراج:حالك بهي مافيش داعي نسألك 😅
سامي:انبح شن الجو
سراج:مليح بكل بهي تفكرتنا
سامي:والله خدمة فوق راسي
سراج:اممم واضح وخيرك ماجيتش درت عرسك هنا ولا الحكومة
سامي:ايوة بالزبط
سراج:ريتها حكومة كل حبيب
سامي:الهى في روحك بلا عفس
مشي لعمامه سلم عليهم وكسد مع ولاد عمه لليل
خش للحوش:عويله
ناهد:خش هنا
سامي:جعان بكل
ناهد:اهو تو نحطلك
انا:ارتاحي عميمه تو نديرله انا ومشيت للمطبخ
جنات:جو انا فالحه قدام عزوزتي
جيهان:لا هدي غلطتي فيها توليب من يوم شفتها فالحه
جنات:مش باين
جيهان:لالا مايغركش جسمها وحركات الاجانب رهي بنت بلاد اصليه
نسخن في العشي حضني بقوة:استحشتك
انا:ابعد بلا فضايح زي بكري حي عالحشمه
سامي:انتي هربتي انا حصلت علق عليا طول الوقت هوا يلقح
انا:هههه تستاهل فيه حد يبوس في الجنان
سامي:حلالي وبنبوسك وين مانبي
جنات:موكلاتك بسبوسه شكلها ياولد عمي
سامي:زعما
انا:مش لينا الخبر هدا خليناه للحساد
جنات:من تقصدي
انا:حد هاك حبيبي بتاكل هنا ولا برا
سامي:هاتي هنا وقعمز ديريلي قهوة
انا:حاضر
جنات:ايي احكولنا قصه حبكم قالو لقيتها هاربه من عيلتها
سامي:مادامك تلقطي في الخبر ماعندي مانحكيلك
جنات:لا مش هكا بس هدا المسموع
سامي:افتحي وذانك كويس
انا:تفضل هدي القهوة
سامي شد يدي وباسها:سلمهم قعمزي افتحيلي نفسي عالماكله
انا ضحكت وقعمزت جنبه خديت الكاشيك ونوكل فيه
اما جنات احترقو بهدوء 🔥🔥 طلعت
انا:ياروحي عليها 😂😂
سامي:بتقتليها بالعرق
انا:تستاهل حقيرة تحكيلي كان متعلق بيا وديما معاي
سامي ضحك: كان عندي التوحد
انا:وتوا
قرب مني:شفيت وحياتك واحلى دوا
جيهان:بالك تتحشمو شويه وانا نقول خيرها البنت طالعه مفورة
انا:مادرنالها شي
جيهان:بهي تعالي جو عماتي ونساوين عمامي بيتعرفو عليك
انا:بنطلع هكا "كنت لابسه سروال جينز وعليك بلوزة بيضا قصيرة وجاكيت ازرق وفيه مسجات بالابيض"
سامي:عسل خيرك
انا:لالا اخي
جيهان:بهي تعالي غيري اصلا هما خشو للصاله الداخليه
ركبت فوق لبست قفطان اسود مخصر كله لولو وفتحت شعري درته عاجنب ومكيجت ودرت رايحه
سامي يصفر:قطعه
انا ندور:رايك
سامي:تحفه ياقلبي شن رايك تفوتيهم وتقعدي مع راجلك
انا:تحلم ونزلت مع جيجي
خشيت لقيت الدار معبيه تقريبا 15مرا ومعاهم بنات
ناهد:هدي كنتي توليب وقعدت تعرف فيا عليهم كلهم يقرفو طبعا 😫
قعمزت جنب عميمه امل
عمته:ماشالله عليك غزاله
انا:تسلمي
مرت عمه:بس صغيرة بكل عليه
انا زبطتها ام جنات:نصيب
بنت عمه:محلاك شعرك يهبل
انا:سلمها
وقعدو دايريلي استجواب لين دهشت
جيهان:متي ولا مزال
انا:ميه بالله عليك
عمته:تشتغلي ولا مقعمزك ولدنا
انا:لا نشتغل صحافيه
مرت عمه:اشيه الله يرحم زمان يقول المرا ماليها الا حوشها
ناهد:زمانا مش كيف زمانهم
مرت عمه:وليش ماتكون كنتك لاحستله دماغه
انا:لاحستهوله وعاجبه 😌
جنات:دوم عليك 😏
انا:عقبالك 🤭
جيهان:انا عارفتهم بيغتالوك
مرت عمه:ووينه هوا ولا ماتبيش يسلم
انا:علاش اللطف بنشده عليكم ولا على وخياته 👊
ناهد:نوضي نادي راجلك
انا:حاضر عميمه وطلعت
جنات:مابرد دمها كيف تدلع
عمته:واضح عليها مدلعها سامي
بنتها:اي ياماما محلاها والله ماشيه معاه
خشيت للدار نضحك:قلبي
سامي:نعم
انا:تعالى سلم على عائلتك الكريمه
سامي:فرموك ولا مزال
انا:كيف بدو
سامي:يالله ونزلنا
خش:السلام عليكم كيف حالكم ياعيله وسلم عليهم
مرت عمه تبوس فيه:اهلا وليدي عاسلامتك ياغزال كيف حالك
سامي يضحك:الحمد لله مرت عمي وانتي
عمته:اشيه الوجه منور والضحكه مرسومة
سامي:ربي يخليهالي
عمته:امين شن مش مقرر تستقر هنا
سامي:والله مزال عندي خدمة والفترة الجايه بناقشو الدكتوراء ماضنيتش نروح الفترة هدي
مرت عمه:ماشالله عليك ربي يحفظك
سامي:تسلمي ويحفظلك الشباب
بنت عمته:علاش مرتك مش متحجبه
جنات:هههه تلاقيها شارطاته عليه
سامي لف يده عاكتفي وقربني منه:هدي قناعتها الشخصيه عندي خير من الف محجبه و 😌
انا ابتسمتلها وهيا بتموت
مرت عمه:ماكنتش هكا زمان شن ساحراتك وليدي وضحكت عااساس بصارة
سامي:غيرتني وعاجبني التغيير الله غالب القلب حكم وموضوعه صعب
عمته:ربي يحفظكم ويحميكم من العين وليد خوي
سامي:ان شالله ياغاليه هي نستاذن طلع وجبدني معاه شن رايك نهربك منهم
انا:وين
ساني:مكان حلو بكل
انا:لالا عيب هما جايين يشوفوني
سامي:براحتك انا طالع للولاد لما يروحو كلميني
انا:تمام رد بالك على روحك
سامي:انتي اللي ردي بالك وسط هالجبهة باسني وطلع
بنت عمته:محلاكم واضح عليه يموت فيك
انا ابتسمت:ايه ان شالله يجيك راجل زيه واحسن
درت قهوة وشاهي وجت معاي جيهان حطينا حلويات وقدمناهم
مرت عمه:ووه القهوة مشيطه منك
انا:لا معليشي ممكن انتي قبلها واكله شي مشيط 🤗
ناهد:باهيه القهوة خيرها
مرت عمه:عاد بتجي مع كنتك
انا طارتلي بكل وفديت منهم
سامي يبعتلي في رسايل"طحنوك ولا مزال 😂
"ردي بالك من مرت عمي رهو احتمال ترميك بالرصاص
"نجي نخطفك منهم
بعتله"ارجوك حبيبي
مرت عمه:نحي الهاتف من يدك وهدرزي علينا قداش ليك متزوجه انتي
انا:كيف سكرنا سنتين
مرت عمه شهقت:اللطف سنتين لا درتي عويل لا حاجه مشيتي عاينتي على روحك
انا:راجلي دكتور كان فيا حاجه رهو عرفها
مرت عمه:ومرات فيك ومايبيش يقول
جنات:ياناري علي سامي بيقعد بلا وليد يحمل اسمه وجعني
انا:مايوجعك غالي
بعد نص ساعه خش سامي:بايتين 😅
عمته:تلز فينا يامعفن
سامي:لا الحوش حوشكم لكن سامحوني بنخطف منكم مرتي
مرت عمه:احنا جايين نشوفو فيها وبتطلع
سامي:انتم مش برانيه وليكم فوق ساعتين معاها متاكد فصصتيها يامرت عمي توا بناخدها
جنات:ووين رافعها
سامي:والله نبي نوريلها مكانات
جنات بصدمة:بترفعها لمكانك
سامي ضحك:ايه نبي نوريلها كل شي قبل نسافرو
مرت عمه:وخيرها مرتك مادارت شي انت دكتور علاجها ولا جيب اللي تعمرلك حوشك
سامي:مافيها شي مرتي كامله والكمال لله وحتا لو ربي مارزقناش سادتني هيا بنيتي هيا غيري والحقيني برا
انا:حاضر وطلعت لبست سروال وبلوزة بيضا وعليها جاكيت طويل اسود وسبيدرو ابيض وقمت شعري كعكه
مرت عمه:بجد مش متحجبه
ناهد:لا
مرت عمه:طاعتك ياربي والستر سمعنا وسلمنا
ناهد:راجلها عاجبه شن دخلنا احنا
ركبت السيارة خلاص واصله حدها:هي
سامي تلفتلي:وراس حبيبي ماتزعلي هما هكا يتعبو مع التلقيح
انا:بهي حاضر
سامي:شوفيلي
انا قمت راسي ونزلت دمعتي
سامي مسحلي دموعي:خلاص ياروحي ماتخلينيش ننزل نمسح بيهم
انا:فوتهم طز المهم انت معايا
سامي:هدا الكلام
ولع السيارة ومشينا لمزرعتهم مكان اخضر كله واضح انه فيه حد مفرغ حياته ليه مكرس كل وقته للاهتمام بيه
سامي:رايك
انا:محلاه 🥺
صح ليل بس السما والنجوم هدوء الليل الندى اللي عالورق مكان مريح
رفعني لنهاية المزرعه فيه زي البرج مش كبير عالي شويه
ركبنا فيه وقعمزنا عالكرسي نتفرجو عامنظر النجوم
انا:محلاه المكان حبيبي
سامي حضني:هدا مكاني المفظل جدي باني البرج هدا وانا نحب نهرب من الكل هنا
انا:جميل
سامي:نحبك
بسته عاخده:نعشقك
سامي:نتعب
روحنا الساعه 3
سامي:غير تعالي بوسه ياظالمه
انا:لا ولا حتا ربع
سامي سكر الباب جي وراي حضني:والله لما تجيبيها
انا نضحك: ساام خلاص
باسني بقوة:ياروح ساام انتي
جنات:عندكم دار اظني
انا:وانتي شن عايشه هنا
جنات عيونها فيه:قعدا مع مرت عمي نعاون فيها
سامي حاضني وراسه عاكتفي
انا:اها كويس يعطيك الصحه
جنات:شن سامي سكران
همسلي في وذني:مانبيش نرد ها تصرفي معاها وبنركبو هيا
انا:احم لا بس نعسان بيرقد
جنات:مش واضح وقربت جيهته حطت يدها عاكتفه
انا حولتلها يدها:معليشي طول ماانا هنا تخليك بعيدة على راجلي
سامي:خلاص بري على حالك انتي هيا حبيبي نركبو
انا:حاضر وركبنا وخليناها بتموت
سامي:نحبك ياعمري وربي مانشوف في مرا غيرك
انا نلعب بشعره:وانا نموت فيك غزالي
سامي:غدوة بنكلم احمد يستعجل باش نروحو
انا:تمام
سامي:مافيش مكافئه على خاطر المشوار الحلو اللي كنا فيه
انا:لالا 😂
سامي:عينك اصلا خاطري في بيبي خلاص ياسرنا سنتين
انا:لا
سامي:شنو 😡
انا:حاضر حاضر
سامي:ايوة مرتي الشاطرة طفا الضي وخشينا لعالمنا الحلو 🔞🥰
الصبح نضت مخلوعه على تخبيط الباب طبعا سامي نومه غيبوبه
لبست روبي وفتحت:صباحو
جنات:هيا يا بايرة عمي يبيكم تحضرو معاه الفطور
انا:بهي نوض سام ونجي
جنات:سام قلتيلي
انا سكرت في وجها الباب:حبيبي هيا نوض بوك يبينا نفطرو معاه
سامي 😴😴
انا:ياساام نوض ارجوك ونحيت الغطا من عليه
سام:ترا اوقفي بسرعه
انا انخلعت ووقفت:شن فيه
سامي رجع الغطا على راسه:انزلي بروحك وفوتيني خيرلك
انا استسلمت خشيت دوشت وجففت شعري:اهو بننزل وعمي الله غالب عليه يزعل وخلاص وطلعت
ناهد:صباح الخير بنيتي
انا:صباحو عميمه
وخشيت للصاله صباح الخير عمو وبست على راسه
عبدالله:صباحك مبروك بنتي وين راجلك
انا:والله
سامي:صباح الخير يابوي
تلفتت وضحكت
سامي:لميهم سنونك احسن مانبوسك قدامهم
قعمزنا نفطرو ونضحكو وعمي يحكيلنا على طفولة سامي
بعدها طلعت انا وعمتي لجاراتها تبي تعرفني عليهم وطبعا مستحيل نردها قضينا يوم حلو
العشيه خش سامي:تعالي
انا:شن فيه
ناهد:ان شالله خير نوضي شوفيه
ركبت وراه للدار:خيرك حبيبي
سامي:كلمت احمد باش نروحو وقالي امه تعبانه بيقعد معاها. قال استنوني
انا:ااه خلعتني نحسابه صاير شي معليشي قلبي نقعدو معاه
سامي سكت
انا فهمته:حبي العيشه مع اهلك حلوة نقعدو عندهم لين تخف ام احمد وبعدها نسافرو بهي
سامي:متاكدة
انا:طبعا
سامي:تمام
انا:اضحك هي مش حلو وانت طايرتلك ره
سامي:حااق بهي اطلعي بنرقد شويه
انا:وقت نوم توا
سامي:غير بري انا متلخبط عليا الوقت حاس روحي نعسان بكل
نزلت وخليته
ناهد:شنو خيره يابنتي
انا:صديقنا اللي جاي معانا امه تعبت وبنأجلو سفرتنا
ناهد فرحت:بجد بتقعدو
انا شديت يدها:ايه عميمه بنقعدو معاكم لين تصح ام احمد
جنات ابتسمت ووقفت
ناهد:الحمد لله يابنتي قداش مستاحشه وليدي
جنات:احم بنمشي نشوف ماما تو نجي مرت عمي
فاتو اسبوعين احنا عند عمي والجو حلو بكل كل يوم يعزمنا حد من جيرانهم وكلهم ناس طيبه
يوم كنا عند عمة سامي تغدينا وعالساعه 6 جي عمي
انا:كيف حالك عمو
عبدالله:الحم لله بنتي
ناهد:وين سامي قال بنجيكم هوا
عبدالله:مروح من اصحابه تعبان قال راسي يوجع وبنرقد
ناهد:اه بهي
عبدالله:مالا جنات مش معاكم
ناهد:امها مريضه قعدت معاها
روحنا وكيف فتح عمي الباب وبنخشو سمعنا عياط بصوت عالي و.......يتبع
استنوني في الحلقه الاخيرة