حب من نوع اخر😍😍

البارت الاول

بيني وبينك خطوة وباب ..
واهلي واهلك ميعرفون
شكد احباب ..
كلهة بهاي الدنيا تجذب
بس العاشك مو جذاب ..
شلت سنيني بچفي وجيتك
وطاحت روحي بعتبة بيتك
حتى الشارع يبدي بشوكي
ويعرف بية شكد حبيتك ..
وي انفاسي خطوة بخطوة
وي كل دگة بكلبي لكيتك ..
صح ماشفتك بس حسيتك ..

🌹🌹🌹🌹🌹🌹🌹🌹🌹🌹🌹🌹🌹🌹🌹

مرحبا انا زهراء 😍 😘

حبايب رجعتلكم بقصة جديدة أتمنى تنال اعجابكم بس أتمنى لو توصلون قناتي لأكبر عدد من المتابعين وبس اتركم ويا القصة...........

أم اية : يلة اية كومي راح تتأخرين على الجامعة وانتي اول يوم بيهة

اية : افف ماما حبابة خليني نايمة

أم اية : لج ماما كومي الساعة بالسبعة آلة ربع كومي متلحكين

اية : عاااااااا صدوك خرب

أم اية: يلة كومي بسرعة شوفي اختج شلون كعدت وجاي تحضر بنفسهة وانتي ضلي

اية : أي كايمة قابل وين رايحين هي جامعة اففف

لحضة لحضة خلي اعرفكم عن نفسي....

اني اسمي اية 🙌 عمري 19 اني طالبة جامعة والي اول سنة هاي بالجامعة واليوم اول يوم اختصاصي قانون لأن اعشق القانون اني حلوة عيوني لون أزرق وجهي مدور وعندي خدود ومن اضحك وابجي يصير وجهي احمر طولي 168 ههههه قزومة 😂 وزني 49 يعني عادي وسط اعتبرة  خلي اعرفكم على عائلتي ......

بابا  (أبو احمد) : عمرة 45 يشتغل موضف بالكهرباء 
ماما (أم احمد): عمرهة 44 ربت بيت على الرغم هي مكملة حتى جامعة بس من تزوجت بابا مقبلت تكمل تكول اعتني بيتي احسن

أحمد : اخوي الكبير عمرة 26 أحمد اخوي كولش مقرب علي ودائماً نتعارك اني وياه بس احبة بس عرك يعني شقة وهيج سوالف

غدير : اخت الكبيرة أكبر مني بسنتين يعني عمرهة 22 اني احبهة بس هي مو كولش وياي بس عادي يعني سوالف وضحك وكذا

خلص كملت تعريف عائلتي خلي اروح للجامعة

اية: كعدت غسلت ورحت طلعت ملابسي لبست بنطرون اسود وفوكاه قميص شيفون لون وردي فاتح وعلى الخصر لبست حزام وهوة طويل يعني فوك الركبة خليت بس مسكارة ما اخلي شي لأن شفتي هي وردية ولبست شال لون اسود وحذاء وردي فاتح تكرمون وجنطة سودة يعني  تنسيق 😂
وبس نزلت صباح الخير يحلوين😊

الكل : صباح النور

أحمد : ضل يصوفر لج شنو هاي اختي شطالعة غير تموعين بس أخاف عليج طلعين نوب يرحون يزحفون وإني أيدي والضرب 💪

اية : هههه لتخاف تربايتك والله انطي كف افر وجهة فر مو أبو أحمد ههههههخ 😂

أبو أحمد : عفية بنتي سباعية

أم أحمد : دكعدي انتي صرصور تخافين منة نوب ضربين😂 

اية : ليش ينبع الحنان تقصفين بية خلي اطلع بطولاتي فضحتيني 😂

الكل : ههههههههههخخهههه 😂

اية : كعدت اكل واجت غدير جانت لابسة بنطرون جينز وسترة جينز قصيرة وبدي جوة السترة بس قصير وحذاء وشال ومكياج طوخ بس حلوة طالعة أباوع على أحمد صار عصبي

غدير : صباح الخير

الكل : صباح النور

أحمد : احم احم اكولج غدير مو ملابسج قصيرات لو اني متوهم

غدير بنزعاج: لا  متوهم

أحمد : اللهم صبرج  يا روح اني رايح تردون شي 

أم أحمد : على كيفك يمة يعني هي غير جامعة والبنات كاهن هيج يلبسن

أبو أحمد : روح ابني الله وياك

اية : ضليت أباوع على غدير صدوك جان لبسهة قصير شوية واجة أبو الخط  طلعنة سلمنة علي ورحنة للجامعة .......

خلي نروح لبيت البطل......

مرحبا اني علي من بغداد عمري 32 اني أستاذ جامعي بكلية القانون مدرس حقوق اني عصبي وجهي ابيض ولحيتي وشواربي وحواجبي ثخان لون أشقر فاتح عيوني مسحوبات وعندي غمازة وحدة طولي 179 طبعاً اني عصبي بدرجة مو طبيعية خلي اعرفكم على اهلي ....

بابا  (أبو علي): عمرة 50 يشتغل موضف بالنفط
ماما  (أم علي): ربت بيت عمرهة 45
ليث : اخوي أصغر مني بثلاث سنوات عمرة 29
رباب : اختي الكبيرة ومتزوجة
ريم : اختي آخر العنقود طالبة سادس إعدادي

علي: كعدت الصبح من وقت نزلت لعبت رياضة وصعد أخذت شاور بسرعة وطلعت لبست ملابسي لبس رسمي (قاط) ولبست محابسي وساعتي والزنجيل وخليت من عطري ونزلت جوة صباح الخير

الكل : صباح النور

أم علي : تعال يمة اكعد خلي اصبلك جاي حتى تتريك

علي : أي يمة رحت كعدت واكلت وسلمت عليهم ورحت للجامعة ..........

حبايب لهنى وينتهي البارت اتقرب أحداث كولش حلوة 😍

💐 💐 💐 💐 💐 💐 💐 💐 💐 💐 💐 💐