حب من نوع اخر😍😍

البارت الثامن

من چان العمر نسمات
جبتلك زهرة سنيني وگلتلك شم

ومن چان العشگ تعلوم
وانه بظهر ابوي اعليك متعلّم

انام وموش لأجل النوم
بلكي تمرني مره بطيف وتسلّم

🌹🌹🌹🌹🌹🌹🌹🌹🌹🌹🌹🌹🌹🌹🌹

مرحبا حبايب اسفة على التأخير اعتذر بس بسبب الضوجة😂
ههههه أي بسبب الضوجة ما اعرف ليش من اضوج ما أحب اسوي أي شي واعتذر من البنية الي دزتلي تعليق بالتعليقات كالت شوكت تنزلين البارت وإني كتلهة بأسرع وقت راح انزلة بس منزلت اسفة احبكم 😍

نبدأ في القصة. .........

اية : شنو اني صغيرة وتنطيني فلوس

أحمد : أي يلة اخذيهن

اية : ماشي باي رحت للقاعة سلمت على حنين هلو شلونج

حنين : هلة والله انتي شلونج

اية : الحمد لله بخير

حنين : ليش تأخرتي

اية : مو جبت اخوي مو الأستاذ راد ولي امري على مال البارحة وهسة جبتة

حنين : ههههه خلي نشوف هم حلو نفسج

اية : ههههه راح زحفين على اخوي 😉

حنين : ههههه لا يمعودة كلت بس نشوف

اية : ههههه اوك بدت المحاضرة الأولى وكملت رحت اني وحنين نتمشة بالحديقة بدت المحاضرة الثانية الي هي محاضرة أستاذ علي اففف شكد اكرهة 😥
بدت المحاضرة .....

علي : حجيت ويا أحمد أحمد طبعاً صديقي من الطفولة كولش
هوة راح وإني ضليت كاعد بعدين بدت محاضرتة دخلت للشعبة السلام عليكم

الطلاب : وعليكم السلام

بديت اشرح وعيني على أية ما اعرف ليش أحب أباوع عليهة
ودائماً أحاول اجنب نظراتي الهة بس ما اكدر أحس يومي ناقص بدون ما اشوفهة

اية : بدة يشرح وبس يباوع علي كولش توترت من نظراتة بس ما اعرف ليش أحس شي بداخلي تحرك شنو هو ما اعرف كمل محاضرتة تنفست براحة افف😣 كملت المحاضرات كولهن اتصل علي أحمد

*الو هلو

* الو هلو كملتو محاضرات

* أي كملنة ليش

* هاا اوك اني برة واكف تعالي ماشي

* ممم ماشي
حنين يلة خلي نطلع أحمد اجة ي أخذني

حنين : أي يلة

اية : طلعت اني وحنين لكيت غدير صاعدة وأحمد بس يباوع على حنين هههه

يلة حبي باي

حنين : وهي صافنة على أحمد أي باي

اية : ههههه لج شبيج

حنين : انتبهت لروحة هاا ههه لا ماكو شي يلة باي 😳

اية : اوك باي صعدت بالسيارة

أحمد : احم اية هاي صديقتج

اية : أي ليش😉

أحمد : لا هيج

اية : أي صدكت
وصلنة للبيت نفس الروتين

تسريع الأحداث : & ♥ ♡

بعد مرور اسبوعين :* & ♥ ♡

اية : نفس الروتين اكعد الصبح اروح للجامعة وارجع للبيت بس الي تغير هوة نظرات أستاذ علي الي وإني هم اكو شي بداخلي يترك تجاه بحيث من اسمع بأسمى ما اعرف شيصير بية دكات كلبي تسارع أما عباس صار يومية يراسلني ودائماً يجي لبيتنة بس ابد ما اطيقة ومن يراسلني اطلع أعذار حتى ما اراسلة كعدت الصبح غسلت وبدلت ملابس بس اليوم خايفة ما اعرف ليش وكلبي يوجعني افف استغفر الله شبية اليوم كملت ونزلت صباح الخير

الكل : صباح النور

أحمد : احم اني اوصلجن للجامعة

اية : هههههه أي ماشي😉 (نسيت اكولكم أحمد يحب حنين وصار دائماً يوصلنة بس حنين ما اعرف اذا تحية لو لا بس راح اشوفهة)

أحمد : عيونج افكسهن لتعيدين هاي الحركة

اية : هههههه اوك ماشي أستاذ أحمد
رحت للجامعة نفس الشي بين المحاضرة ونظرات أستاذ علي الي تخليني ما اعرف شسوي كمل الدوام ورجعت للبيت لكيتة بيت عمي افففففففف😤😤😠 شعدهم جاين رحت سلمت وصعدت فوك بدلت ملابسي لبست دشداشة تسعين وشال ونزلت جوة .........

علي : مر أسبوعين وإني نفس الروتين من الدوام للطلعة وهاي الأسبوعين صرت اعشق اية كولش بحيث اعصب واغار من اشوف احد واكف يمهة وضلت نظراتي عليهة صرت احبهة وراح اخطبهة عن قريب لأن شغلت بالي وين ما اكعد افكر بيهة انام افكر بية .......

اية : ماما اساعدج

أم أحمد : أي

اية : اوك حضرت ويا ماما الغدة وغدير بس كاعدة على الفون صبينة اكل وصحناهم بس ضايقني نظرات عباس حتى بسرعة كمت من الأكل كعدو شوية شربو جاي وطلعو ردت اصعد بس وقفني صوت بابا

اية : نعم بابا

أبو أحمد : تعالي عندي حجي وياج

اية : هاا أي رحت يمة جانو كلهم كاعدين اهلي طبعاً
أي بابا كول

أبو أحمد : اليوم عمج طلبج مني لابنة عباس

اية : بصدمة شنو ووو بس بابا اني مو مال زواج يعني أرفض ما اعرف بهل لحضة اذكرت نظرات أستاذ علي كتلة بابا اني موافقة واصلن عباس اعتبرة مثل اخوي

أبو أحمد : بعصبية ليش هوة بكيفج أرفض اني نطيت كلمة وما اتراجع عنة واصلن اني كتلة هي الك وبس وإني وافقت اجيت بس اكلج بعد اسبوع العقد مالكم مجاي أخذ موافقتج

اية : بصدمة ودموع بابا انت جاي تكول شنو عقد بابا اني مموافقة اني ما احبة اصلن اعتبرة مثل اخوي الله يخليك لدمر حياتي كلة مموافقة وخلص

أبو أحمد : بعصبية وصياح مو بكيفج فاهمة راحت توافقين وغصبن ما عليج لا شنو توافقين اصلن اني انطيتج وخلص أي كلمة ما أريد فاهمة 😠

اية بحزن وقهر وبجي : بابا ليش هيج سوي الله يخليك ما اريدة ماما أحمد احجو شي ليش ساكتين .....

لهنى ينتهي البارت احبكم😍 😘

يتتتتتبع & $