سلام عليكو
تقريبا كل روايات الواتباد نفس السرد 😅🐸
و ده بسبب ان الناس مش متمكنين في اللغة او معندهمش افكار جديدة
ده غير اني بشوف ناس بتكتب قصة القصة كلها نفس الطريقة مفيش جديد
و عبارة عن ان البطل و البطلة ببحضونوا و يبوسوا في بعض اولا محن و انا معنديش خلق
ثانيا ملل و هي مش ناقصة
ثالثا فيه كورونا بقي و كدا😂😂
ده غير انه مفيش الكلام ده في مصر ليه بقي
لان الملامسات دي قبل الزواج عيب مجتمعيا ،حرام شرعا، محرمة قانونا
اما بعد الزواج فالحياة هتكون كالآتي:-
الزوج او البطل بقي اولا هيكون بكرش ده شيء مفروغ منه
ثانيا هيكون مش طايق البيت و شايف ان الست نكدية
اما الزوجة او البطلة بقي
هتتخن من جميع الجهات مش الكرش بس العيال هيطلعو عينها و عين اهلها
اما البيت المصري طبعا هو مشاركه بينهم في الخناق و الزعيق و العيال و التدوير علي فرده الشراب الضاعية
ده الواقع انما بقي الشغل الي بيكتبوه ده متفهمش هو ايع😂😂😂
انما برة حاجة تانية
برة متحررين عندهم ده عادي و البنات تكون لسه في مرحلة عمرية صغيرة تترواح بين ال ١٨ و ال١٩ و تكون عاملة علاقة و انتين و تلاتة مع شباب و عادي جدا و بعد الزواج او بالمعني بتاعهم الاستقرار باردو بيبينوا حبهم لبعض عم طريق الملامسات دي انما عندنا لو غسلها المواغين او جبلها موز يبقي بيحبها
فاحنا عايزين نكون اكثر. واقعية
غير كدا نغير من طريقة السرد شوية
نغير من النص نفسه شوية بمعني ان تقريبا القصص كلها نفس الحكاية انا ممكن اكون قريت اكتر من ١٥٠ رواية بنفس الفكرة يا جماعة مش كدا
في نهاية كلامي بقول انا مش قاصدة حد بعينه ياريت تعرفوا ده و شكرا👌😘
