انا طبعا مش قصدي اهين حد خالص ولا قاصدة حد معين و لا بستخف بالكتب الدينية الي هنا بس انا مش ببكون عاجبني لما حد يطلع يفتي في الي ملهوش فيه يعني وزارة الأوقاف قالت خمسين شيخ بس علي مستوي مصر هم الي يفتوا هتيجي بنت درست دين حبة هتقعد بقي تتكلم عنه و كدا مهي حاجة غريبة
انا لاحظت ان الكتب الدينية هنا كتير و ده شئ جميل جدا بس!..
مشكلتها الفتي
طبعا في كتب بتكون اذكار و ادعية و مثلا ازاي نحافظ على الصلاة و صلاة السنن و الورد اليومي الخ.........
و دول فادوني انا كتير بصراحة و ربنا بجازيهم خير الي عاملينو
بس في نفس الوقت فيه بنات صغيرين مكملتش ٢٠ سنة انتو متخيلين تخش بقي تفتي براحتها محدش بيقولها انتي بتقولي ايه ده حرام و ده حرام و ده حرام ومفيش حاجة حلال خالص 😂😂
يعني علي سبيل المثال:-
الي بيتكلمو عن الحجاب موضوع الحجاب ده مش هنختلف في انه فرض علي المسلمات ....
لكن الي هنختلف فيه هو صورة الحجاب نفسه
البنات دول مع احترامي ليهم طبعا !!
بيقولو ان لو مفيش خمار كبير علي جيبة يبقي ميعتبرش حجاب
و الكلام ده انا سالت فيه كذا مرة في الندوات الدينية و كدا و كذا شيخ في التلفزيون قال كده قبل موضوع ما يقصره الفتوي علي خمسين واحد بس و من ضمنهم الشيخ رمضان عبد المعز و الشيخ علي جمعة
و اظن محدش ميعرفهمش غير الشيوخ الازهريين الي سمعتهم في الندوات و كدا أكدوا ان الحجاب الي يغطي الشعر و الرقبة و الجيد
و سالت انا شيوخ بقي يعني ناس دارسة و ناس فاهمة في الاية بتاعة سورة النور و قالو نفس الكلام
و كل الي سمعته عن الموضوع ده انه الحجاب هو ما يغطي الشعر و الرقبة و الجيد
و الي تقولك الطرح القصيرة ماتعتبرش حجاب بقي و الي تقولك الالوان في البس حرام و الخواتم حرام و المنكير حرام و العيشة كلها حرام زي فيلم ياسمين عبد العزيز
بيفكروني بواحدة صاحبة امي كانت كده باردو راحت واحدة صاحبتهم راحتلها سلمت عليها و قالتلها : ها ايه الي حرام النهاردة😂😂
فبجد حاجة غريبة و قبل كده الشيخ خالد الجندي قال مش معني ان ربنا عايز يحمي الناس من الفتنة يخلي المراة تمشي زي ما يكون عنكبوت ماشي و نقاب و خمار و اسود في اسود لا لا مفهومكم غلط
و فعلا المفهوم خاطئ .....
و بعدين انا لما تكلم في حاجة لازم يكون عندي مصادر طبعا مفيش افضل من القران و السنة النبوية
بس الفكرة في ان القرآن والسنة النبوية محتاج الي يفسرهم و محتاج علماء دين
ده غير لازم يكون متوفر المراجع و المصادر علي راي طارق شوقي 😂😂
هل بقي بنت لسه مخلصتش تعليمها عندها كل ده؟؟
لا طبعا فنعمل ايه بقي ؟!.....
فتي نو. نو للفتي عشان خاطر ربنا
انا بيعجبتي جدا البنات الي بينزلو مثلا قصص و حجات زي كدا
و المراجع تحتها
كده حلو اوي لاني مش اي حاجة اصدقها اكيد ✋😎
و طبعا مع احترامي للجميع و شكري ليهم
