حب يخذلنا واخر يذيبنا عشقا من تاليف منال وسمرة

البارت 1

·
ريح خفيف وشمس دافيدة شابة ..نعيط للناس وتحكيلهم بلي الصيف خلاص قرب ..على هذا كانت واقفة واقفة قدام الخزانة .. لابسة روبة قصيرة فالازرق .. وشعرهاا مطلوق جاي كحل وطويل manel manoula تحط فالحوايج فالخزانة ...رفدت تاع الشتاا ورجعتهم للور وحطت تاع الصيف القدام .. وفرحانة وتغني "وندير مابغيت من لهدرة عييت ..ديما صابرة ونخمم وعمري ماشكيت .. انا راضية بحياتي مالي ومالكم لهاو في حالكم وندير مابغيت مالهدرة عييت ديما صابرة ونبي وعمري لاشكيت .. كانت تغني حتى دخلت مرت خوهااا .. ايمان
ياسمين قلبت عينيهاا ..تقول فرقة مكافحة لمخذرات يالزح طبطبي
ايمان قعدت فوق السرير يالالة مازلتي قاعدة خفي روحك نوجدك لفطور كيف كيف
ياسمين حطت المشط غير مرة في حياتك ديري كاش حاجة لوحدك
ايمان طلعت حاجبهااا وينتي واش لفادية نتاعك هنااا رك خبريني
ياسمين نوضي نوضي مرات نحس انا الكنة ماشي نتي ..
ايمان ناضت هياا خفي روحك ضرك يرجع فيصل ويصيب لفطور مزال وتعرفيه كي داير يبدا يربرب علينااا
ياسمين هان لاحقاتك نلم الحوايج هاذو برك .
. خرجت ايمان وبقات ياسمين تطبق فالحوايج الي بقاو وتغني .. حابين تعرفو هاذي شكون ..ياسمين في عمرها 21 سنة تقرى ماستر فرونسي وشاكنة مع خوها فيصل ومرتو ايمان .. ياسمين طفلة مسرارة وشابة طابعتها لغمازة ةعينيهاا الكحل الكبار ..هي اصلا كلها انوثة وكلها على بعضهاا تحفة فنية ..
هبطت لتحت للكوزينة مع ايمان ..بقاو يديرو فالفطور ويحكو . وفي رمشة عين كملت الميناج هي صح فنيانة بصح كي دير عينهاااا نكمل ذيك لخدمة ..
في لجيهو لخرى من لمدينة .. كان قاعد في صالون de thé ..داير رجل على رجل والشيشة قدامو .. ينفخ فالدخان فالسما سمر وعينيه خضرين في عمرو 28 سنة هكاا بصح لعمر ماعندو حتى علاقة الجياح الي فيه .. شوية وتفكرهااا تبسم مزال متفكر الترنديفة التالية مزال حروق عليهااا يحب يزيد يذوقهااا ..جبد البرطابل كوبوزا النيمرو
ياسمين كانت تفطر اول ماشافت النيمرو حبيبي ..ناضت تجري الو عمري manel manoula

سفيان تبسم بخبث ..اهلا لقطوسة نتاعي .. سافا يالعمر
ياسمين .. حمدلله تحشتك بزاف بزاف
سفيان يحكي وينفخ فالدخان .. حتى انا توحشتك وراني هابل عليك ..
ياسمين قعدت وبدا تلعب بخصلة من شعرهااا .. توحشتني بزاف ولاغير شوية
سفيان ياز*** انا نقلها توحشتك وهي تقلي شوية ..راني نغلي عليك عمري وينتاا نديرو خرجة
ياسمين حطت يدها في شفافها ممم غدوة مانقراش .. تحب تجيني للجامعة
سفيان ممم لالا خلي لحال حماا شوية وش رايك بتحويسة في عين براهيم
ياسمين ضحكت هههه وكي صحاا عمري ..ايااا تهلى في روحك
سفيان ونتي هتلايلي فيهااا ... نموت على جدك .. ياسمين كوبات وعنقت البرطابل وحاتو عند صدرهاا .. تموت عليه ... هذا عشق الصغر سفيان ..
*** جا صباح جديد تقريبااا مارقدتش فرحانة باليوم الي رح تعديه مع سفيان .هو حب حياتهااا حلت عينيهاا فيه كيما يقولو رباها على يدو . اول ماطلعت شمس ناضت تجري وناشطة .. فيصل كان خرج لخدمتو ..وايمان قاعدة تلم فالكوزينة .. دخلت تجري كي لغزالة عندهااا وعنقتها ملور ..
ايمان دارت ليهااا ..وش من حمار مات راكي تحضني فياا هكاا
ياسمين عوجت شفافيفها بدلال .. حابة نطلب منك حاجة وماتردينيش
ايمان طلعت حاجبها قولي تشو نشوف وش هي وربي يجيب لخير
ياسمين كيما تعرفي عندي شعال ماشفتش سفيان واليوم قالي رح نجي لعندك
ايمان بفف ياسمين ..و ش بيك كل يوم نخرج لكذبة لفيصل كون يفيقلي يفشخني
ياسمين قعدت ورخات عينيهاا الله غالب توحشتو بزاف كي ندير ..هاعطيني حل نتي
ايمان قعدت حذاها ..شوفي قبل مانكون مرت خوك كنت صاحبتك وقريت معاك ..من وينتاا ونتوما مع بعض اه 10 سنين كامل يابنتي كون يالاولاد كون راه عندكم عرش ..
ياسمين الله غالب يخدم نهار ونهار مكانش وش يدر يروح يسرق ..
ايمان شدتلها يدهاا علاش فيصل خوك ياخي كاا نهار يخدم ونهار مكانش .. يروح يخدم فالشونتيات ويخدم حمال مع انو عندو ليسونس جقوق وكي خطبني بعلقل بلعقل لمينا لحالة وضرك رح يخدم عند واحد وبشهرية ..
ياسمين كي شغل خذات بخاطرهاا