حب يخذلنا واخر يذيبنا عشقا من تاليف منال وسمرة

البارت 3

·
زمان الجهل وحبو يلهيوه ويتحكمو بيه بصح هو كان داير في حسابو انو لازم يخرج من الغرقة هذي والا راح يعيش سعرو بسعر الحيوانات لي كانت فالفيرمة Sara samra meghazi
حكا لمياء على احلامو وخيرها اذا تحب تروح معاه وتتحمل واش يصيبهم مليح ولا خايب ولا تبقا هنا يروح يكون نفسو ويرجع ليها
لكن هي كانت فحلة وقاتلو يدي في يدك حتى نهار تفرقنا الموت
وفعلا مشاو في ليلة ظلمة القمر مستحي يبان والنجوم ماتحملتش وداعهم مشاو اليد فاليد في طريق عثرة كلها تراب واراضي فلاحية المشيا فيا صعيبة هازين في يديهم غير واش يحتاجو الشي لقليل وشويا دراهم كان نسيم مخبيهم وجمعهم في وقت الغفلة
كانت لمياء في هذاك الوقت بالكرش مشات معاه وهي ماعلبلهاش
قلبها يخبط من الخوف بصح كي تشوف التفاءل في عينين نسيم وقلبو لي مليان بالفرحة وهو خارج من هذيك لبلاد لي مشافش منها حتى خير من نهار ماتو والديه ترتاح وتطمن
مشاو والطريق كانت طويييييلة والجو بارد
كان نسيم يشوف مع لمياء يحسها تعبت من المشي بصحوهي طمنو بتبسيمتها البريئة انها بخير ولازم يكملو يمشيو
مشاو حتى طلع لفجر لقاو رواحهم وصلو لطريق السيار
وقفو يجبدو النفس ويرتحو يشوفو بعينيهم يمين ويسار كاشما يلقاو مخلوق بشر يدلهم ولا يساعدهم
حتى فات كاميو نتاع خضرة حبسوه وهزهم لمدينة
راكم تسقسيو وشمن مدينة هههه هذي القصة في مدينة قسنطينة بدات في جبالها ودواورها وكملت في قلبها
وصلو لمدينة كانت حالتهم حالة لمياء تعبانة على اللخر من المشي روحها راح تخرج جاعت وعطشت وفشلت ماكانتش في بالها لي هي لازم تتغذي روحها والبيبي لي في كرشها
راحو قعدو قدام مطعم صغيرون ياكلو فيه الماصوات والعمال البسطاء يقدم اطباق لوبية وحمص وقليل من هذا وذاك خلاها قاعدا قدامو وراح جابلها ليها طبسي وهو ماحبش ياكل قاللها انا شبعان وهو حب يخلف الدراهم علبالو مزال حوايج بزاف يستناو لازملهم دراهم

كلات بنهم حتى شبعت كانت فرحتها بطبسي اللوبيا كأنها كلات لحم غزال مشوي هههههه Sara samra meghazi
كان يشوف معاها مزالها طفلة صغيرة البرائة في وجها في تبسيمتها مع انو مكانش يكنلها مشاعر وزواجهم كان مدبر بصح بدات تدخل قلبو بلا ماتستأذن غير تضحك كان نسيم قلبو يدق ليها وتخليه يفرح بقاو يضحكو مع بعض كأنهم هانيين ومكانش كيفهم
كان الصغر منسيهم هموم الدنيا
كراو دار صغيرة ستوديو قيس ما يغطو على روسهم وبدا مشوار البحث عن عمل بالنسبة ليهم في زوج مع انو كان رافض انها تخدم بصح الضروف حتمت كان يخرج من صبحت ربي حتي يجيبو ليل يجي مهدود حيلو يديه مجرحين لحمو زرق كان يحمل ويخلط السيمة والرمل وووووو يعني هدفو انو يلم دراهم وخلاص
نهار لي عرفو بحمل لمياء كانت فرحتهم لا توووصف مع انو كانت ضروفهم صعيبة بصح فرحو بزااااف بهدية ربي ليهم وعتروها فال خير عليهم وراح تجيبلهم البركة
كانت لمياء تعاونو بالشي لي تقدر مرات تخبز الكسرة لنساء الخدامات وتبيعهالهم تخدم الحلويات للاعياد والافراح حتى وهي فالاشهر الاخيرة من الحمل ماكانتش ترتح خلااااص وكانت تفرح كي دخل دراهم وتحس انها تعاون في راجلها كانو يستناو فالبيبي بفاااارغ الصبر شراولو قش جديد بالوان تخرج لطفلة ولطفل شراولو سرير صغيرون مستعمل من قبل بصح عاودو صبغوه وعدلوه من فرحتهم رجعو يشوفوه جديد وصل يوم الولادة جابت لمياء بنوتة تهبل تشبه فيها اكثر من باباها عينيها كبار واسعين لونهم بني فاتح شعرها اسود مثل الليل وهي بيضة ودبدبوبة ههههه اما نسيم كان عيونو خضرة واشقر وعندو لحية شقراء فمو صغير ولونو غوز مهند تاع قسنطينة ههههه طويل وعريض يهبل فالزين الحاجة لي داتها سمرة من نسيم هي الغمازة لي في خذو هههههه عندها نفس ابتسامتو كانت كيما ليلة القدر كي طل على يشر نساتهم هموم الدنيا وصفعاتها التعب والغبينة وكلش عاشوه
بدات لحياة تتبدل بمجي سمرة لدنيا كانو يشوفو فيها تكبار قدام عينيهم مازادتش حملت لمياء وقررت انها تأجل موضوع الحمل شويا حتى تتحسن الضروف