#بنت_الشيخ_والملا
الكاتبة...اميرة دجلة
الحلقة... العاشرة
،،،،،،،،،،،،،،،،،،،
الساتر عليه بوكت كل حملي ماي
الوكر على جتافي كل كَطرة ندى
والله منطيه الستر ستر الله ليل
الكافل الحرمه بوكت كلهم عدى
انه اقبل للحشمني يصير تاج
فوگ راسي اصار للحشمه فدى
كلمات الشاعر ابو الاكبر الناصري
-نضري يعمة دايم هو الي جابني ودخلني داره وحافض علي ونطاني الراي والامان انه والله ماارض في غيره وانه موافگه عليه يكون زوج لي
ام بدران/الله يرضى عليج يبنتي والله نت بنت شيوخ وتفهمين
طيف/انه اتشكر منكم يعمه انتم حتويتوني وحافضتو علي ربي يخليكم ويحفضكم ماانسا فضلكم معاي ربنا يجعلها بميزان حسناتكم
،،،،،،،،،،،،،،،،،
الكاتبة/بعد ماطيف وافقت ببدران وام بدران وصلت كل الكالته طيف للامير بدران الامير فرح بردها وگال لاامة كولي لها /دام وافگت علي والله لجعلها اميرة وادللها واعوضها عن اهلها.... اما بنات الديرة من عرفن بالامير خطب طيف هاي الي دكول يستاهل الامير وهاي الي رادت تنجلط،امثال شمسة وبعضهم حسودات حسدن طيف وكالن اجت العصر وبنتلها گصر الا ليش حضوض لااهل ولاحسب ولانسب واجت عالحاضر اخذت امير الگبيله. عگب مجان الامير رافض فكره الزواج وطيف اجت بيومين سرقت عقلة هما ميدرون طيف لانها طيبه وانسانه ماعدها حقد على احد وهيا تتمنى الخير للكل واللة رزقها بالامير بدران لانها انسانه تستحقه وهوا هم يستحقها اما وضحه ماحاجه اكللكم فرحت حيل بطيف وبدران
جتي حضنت طيف بعفويه وكالتلها
وضحة/صدك وافگتي بخوي يطيف
طيف/اي وافگت يوضحة بدران رجالن زين وهو شهم وعنده غيره
وضحة /فرحتيني يطيف كنت خايفه لاترحلين لهلج وتتركيني وانا تعودت تجالس امعاج واكلمج
طيف/وانه بعد مابودي افاركج يوضحة انه عندي صديگات في ديرتنه وانه احسهم فيج لين تنطين تشابية لهن
وضحة /ويش اسمائم
طيف/زينة وجويله
وضحة/لية ماتحجيتي لي من گبل عنهم
طيف/لنج ماسالتيني عنهم
وضحة/من تعودين لدياركم تاخذيني انتي وبدان امعاكم اتعرف اعليهن
طيف/انشالله يوضحة
بدو يجهزون لزواج امير القبيله بدران وبنت الشيخ دحام طيف
مراسيم الزواج البدوي العروسه تلبس بدله عرس الخاصه بيهم شبيهه بالبدله الكرديه عاديه وفوكاها صايه ويحطون على راسها قماشة سودة بيها ليرات ذهبية ويكحولها هما عدهم اجثر شئ الكحل. ويلبسوها من الذهب تراكي وكلايد وحجول يترسوها ترس كملو طيف وجابوها للامير بدران
أنت تقرأ
بنت-الشيخ-والملا
Misteri / Thriller،،،،،،،،،،،،،،،،،،،، قصه بدوية عراقية تتكلم عن بنت شيخ ولديها ثلاث اخوه يحبوها ويعزونها لانها الاخت الوحيده لديهم وبسبب ضروف يتركها ابيها واخوتها ... امانه لدى الملا الذي يعمل لديهم فهل ياترى سيكون على قدر المسؤليه ....دعونه نقرء لنرى
