حب أناني ( روايات ليبية )

حلقة 1🔥

#حب_أناني ❤1(المقدمه)

تعرفو شعور لما تكوني وحيده معندكش سند لا ام ولا بووه في وقت زي هدا كثرو فيه المستغلين شعوور صعبب هلباا لما تشوفي كل الناس ضددك ومافيش حد يوقف معاك  ؟؟ ❤

انا اسمي ريناد عمري 22 سنه طبعا ماما متوفيه من زمان لما كنت نقرا في الاعدادي ومعنديش خوت ولاد عندي اخت وحده بس اسمها مياسين عمرها 8سنوات شبه كنت لاها ام لانه لما توفت ماما مياسين كيف سكرت سنه بعد بي فتره بابا تزوج واحنا كنا من ناس عاديه شبه فقراء لكن مرت بويا كانت من العائلات المعروفه وعندها ورث وهكي طلبت من بابا يبيع حوشه ويمشي يعيش معاها في الفيلا متعها طبعا بابا وافق وباع الحوش الي اصلا معندناش غيره وعشناه معاهم في الفيلا وكانت معاملتها معانا مش كويسه بس بابا كان صعب متقدرش تتنفس معاه بس لما بابا مرض بالخبيث (عفاكم الله ) بدت تتسلط علينا ونا متحمله علشان بابا وبس
بعد شهور لما كنت نا مكمله قرايتي 💔 بابا تعب هلبااا من المرض ومفتتش فتره طويله ومات نجنيت هبلت ختشت لأنه عارفه انه بعده حانضيعو وانه مرت بويا حاتلززنا في اي وقت !💔
طبعا عمامي معنديش الا عم واحد ومسافر برا ! واما من ناحية خوالي عنديش خوال الا خاله وحده وماعمرها سألت علينا لا هيا ولا صغارها واصلا كانت عايشه في منطقه بعيده ! !

من بين الززحمه الي معبيه الحوش والوجوه الجديده الي نشوف فها ونااس كلها راقيه وشايفين روحهم ونضرات الهززوه الي يشوفونا فها انا واختي متحملتهاش دخلت انا واختي لدارناا !! ونا كانت نضراتي كلها نودع في كل زاويه في الحوش !

بعد مرور 3 ايام من حالة الوفاء 💔
مرت بوي كان اسمها ربيعه !
ربيعه:طقققططق.....ريناااد ريناااد
ريناد:نضت ع صووت لعياط وتخبيط...فتحت باب الدار...ايوا!!
ربيعه:هيا سلم بنتي نوضي اطلعي انتي واختك لأنه الفيلا عرضتها للبيع
ريناد:وين بنمشي فهميني معندناش حد
ربيعه:وشن علاقتي بيك انا بنرجع لحوش اهلي وانتم دبرو وين تعيشو ...طلعت شوية فلوس من شنطتها ...هدا مبلغ دبرو كيف تعيشو بيه ...ومشت!!

ريناد:واقفه حاسه الدنيا ادور بيا مش مصدقه الي قعد يصير معانا تلفتت وراي شفت مياسين وهيا راقدهه اذكرت وصية ماما وبابا هيا ردي بالك من اختك متسيبيهاش لحد خليك قوويه علشان اختك ي ريناد !!💔
ريناد:دخلت لدار وكان جسمها ع الارض وراسها ع سرير دموعها موقفوش وعيونها تاعبات وكانت اختها مياسين جنبها وتبكي بعد لكلام الي سمعاته من مرت بوها تأكدت انها حاتقعد هيا واختها في الشارع معندهمش لا حوش ولا شي يعيشهم وقفت برجلين يرجفو حطت الشنطه ع سرير حطت فها حوايجهم الي اصلا معندهمش غيرهم ولبست عبايتها وغيرت لي اختها حوايجها لبستها كبوط جلد علشان الدنيا برا صققع ورعد وطلعو  !!💔

ونا طالعه ومش عارفه وين نمشي وشاده نفسي ومنبيش انزل دمعه قدام اختي لانه قعدا صغيره وبين كل الافكار الي في راسي والكسسره الي في قلبي 💔 فكرت نرجع لمرت بويا وقلت نترجاها باش تخلينا معاها اقل شي علشان اختي منبيهاش تتشرد وناا راجعه
مياسين:وين بنمشو ؟ هيا لزتنا خلاص يا ريناد!
ريناد:شديت بقووه ع يد اختي ...ورجعتت....نشووف في سيارة فخمة عاليا نوعها جيب سووده ونازل منها شخص طويل باين سماحته من بعيد ..قربت منهم ونا مركزه في جماله الاشقر وهوا كأنه يسأل في مرت بويا ع شي وهيا باين علاها متعصبه !!...مفهمت شي بس قررت نقررب منهم ونفهم شنو صاير؟؟
ربيعه:اول ماجت عينها علينا ...بلعتت ريقها ..اءءء ااا انتم رجعتو؟؟
يوسف:مني هادو ؟
ربيعه:اءءءء
مياسين:انا مياسين واختي اسمها ريناد !😅
يوسف:شاف لي ربيعه ...تقدري تفهميني وين كانو هادو؟
ربيعه:بلعت ريقها ...قلتلهم متطلعوش خليكم معاي ريناد مسكرها راسها تطلع!
يوسف:اششر لسواق بعيونه ..!!
السواق:فتح بابا السياره ...تفضلو
ربيعه:نا معاش عندي بيهم اي علاقه وين بترفعهم انتا حر !
يوسف:تفضلي انتي واختك اركبي السياره!
ريناد:بصفتك من جاي بترفعنا ؟
يوسف:بدون حتا مايشوفلها ....ارركبي مش وقت اسئله!
ريناد:انا مش راح نركب مع حد منعرفااش !
يوسف:ونا شنو الي بيخليني نجي لوحده زيك كانا مش بويا قالي!
ربيعه:اركبي معاه وبري شكله ربي قعد يشوف فيكم!!
مياسين:انتا مني ؟
يوسف:اناا ولد علي صاحب بوكم الله يرحمه !
ريناد:قصدك علي ******
يوسف:بصوت متوتر...اي هوا هدا ...شنو بتمشي وله متبيش !!
ريناد:هزت براسها...وركبت اختها مياسين وركبت هيا !

مواصفات ريناد:كانت عنيده متحبش حد يتأنر ويتسلط علاها برغم انه مرت بوها واعره وتحب تتحكم بس ريناد مكنتش تسكتلها ....عندها صاحبه وحده تسكن جنبها اسمها جوري ...ريناد كانت معروفه انها هاديه بس لو تكلمت مافيش حد يتنفس بعدها تبان انها ذات الشخصيه القوويه ...ام شكلها وجها مدور وعيونها كبار ولونهم عسلي وبشرتها حنطيه وفمها منفوخ لونه وردي ❤

اما يوسف :مغرور وشايف روحه طبعه اناني بما انه دكتور في مصحه مشهوره وبوه سيد اعمال ومش متعود ع انه يخسسر كان شاطر هلبا في شغله ومتعود يتسلط ويحب يمشي قراره ع اي حد وهلباا قصص عندهه راح نعرفوها في الحلقات الجايه !!
طبعا جماله يمكن احلا نقش اجتمع فيه عيونها كبار لوونهم عسلي فاتح واحلا شي فيه بشرته وشخصيته وفمه وردي هااادي !!❤

يوسف:ركب قعمزز جنبهم من جهة الروشن التاني ..وسكر الباب !!
مياسين:محلاااها السياره اول مره نركب سياره حلوه !
ريناد:ترتب في خصلات مياسين ...الحمدالله ودمعووهاا بدو ينزلو!💔
يوسف:شاف لي ريناد وهيا تبكي...فتتح الروشن!!
ريناد:ممكن تقولي احنا وين ماشين؟
يوسف:بصوت مستفزز...لما توصلي توا تعرفي 😅.!!
ريناد:شافت لي يوسف بنضرات تعجب !!...وحضنت اختها مياسين ...يتبع!!

طبعا الروايه حاتكون مختلفه ع اي روايه نزلتها !
ومازال هلبا شخصيات حانتعرفو عليهم
وقصص هلبا غامضه وحاتبان مع الحلقات الجاي !!
🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥