#حب_أناني 17
عادل:خشي بنتي قعمزي
ريناد:خشت قعمزت جنبه ...ها ي عمي شن في؟
عادل:بنتي يوسف جاي ويبي يطلبك مني؟
ريناد:اي وانتا شن رايك ي عمي؟
عادل:انا عارف يوسف كويس وعارف انه انتي مش راح تلقي خير منه وراي انك توافقي!
ريناد:لكن ي عمي انا منبيش!
يوسف:😮
ريناد:🤭🤭....نبصرر...اي موافقه عمي
يوسف:تنفس براحه وضحك ع جنب!
عادل:تمام يعني متفاهمين نا بنطلع نخليكم شويه تحكو ونرجع!
عادل:السلام ...سيد يوسف
يوسف:السلام...منعطلش عليك الوقت تاخر...نبي نقولك لو مافيش مانع العرس الاسبوع الجاي
عادل:صعب هكي وهيا مش حاجزه في شي وماشرتش ولا حاجه
يوسف:لا عمي متخافش حاتكمل كل شي ناقصها ونا من غدوه نجيبلها المهر
عادل:ابتسم...تمام منبيش نوقف في طريقكم الي تشوفه مناسب يوسف:شكرا عمي ...وتوا نستأذنك
عادل:اذنك معك...تصبح ع خير وسلملي ع بوك
يوسف:انشاءالله يوصل ....سعيده...وطلع!!
ريناد:تمام عمي 😅
عادل:طلع وسكر الباب!
يوسف:ناض قعمز جنب ريناد...لما قلتي انك مش موافقه حسيت النفس قطع عندي قلت اشبح شنو دارلها معتز
ريناد:ههههه شفتك نصدمت هدت ليش قلت نبصر
يوسف:شدها من شعرها....وانتي امتا مقرره تقولي يعني؟
ريناد:هههههه مش عارفه وربي مش عارفه شنو جاني باش قلت هكي
يوسف:شارد في جمالها ضحكتها ...في حد قالك انك حلوه من قبل؟
ريناد:اي اكييد وهلبا مش غير واحد
يوسف:بغييره....احكي مني الي قالك؟
ريناد:يوسف ويوسف ويوسف
يوسف:انتي يابتهبليني ي بتهبليني سحبها ليه
ريناد:تشوف لي عيونه ....السيد يوسف ليا!
يوسف: نا لو قعدت شويه معاك ممكن نتهور
ريناد:هه...خلاص نا بنركب وانتا وجهك للحوش
يوسف:هانت ايااام بس وتكوني جنبي
ريناد:بصوت مستفزز.....والله نا الي نقرر سيد يوسف
يوسف:متخطيش خطوه برا الحوش الا بي موافقتي
ريناد:تبيلك هلبا باش تقدر وتحافزني
يوسف:نا منحافزش فيك انا نشرط عليك وانتي تنفذي
ريناد:اووو ماي قاد...يكفي انه خليتك تحبني وتمشي ع طوعي!
يوسف:وانتي مرفضتيش لانك وقعتي في اشباكي!
ريناد:حضناته بقوووهه....نحببببك❤
يوسف:نسحب بهدوء...بسرعه لنوم عمك يستنا!
ريناد:تمااام ....ولما وصلت للباب....عطاته بوسه من بعيده...وطلعت!!
يوسف:سكر عيونه بهدوء....ربي يخليك ليا ❤
🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥
يوم جديد:-
ع سفرة لفطور:-
كريمه:شن رايك في زواج يوسف وريناد
علي:والله ريناد مش راح تلقا زيه وعندي يوسف احسن قرار خداه
كريمه:اي وزعما ريناد سمعت وله مازال؟
علي:مش راح ترفض مدام يوسف خدا القرار هدا
كريمه:وزعما امتا بيتزوجو؟
علي:مازال شهر تاني
كريمه:لالا مش راح يعطل هوا مش راضي انهم يسكنو برا الحوش وتقولي شهر تاني!
علي:مش عارف ربي يهنيهم
جود:صباحو....عيلتي الجميله
عبادي:صباح الخير
جود:بتمشي ماما اليوم حوش خالتي ؟
كريمه:اي بنمشي اكييد مسكينه اختي بالله ع مصيبتها
علي:ربي يصبرهم لا اعتراض ع حكمة الله
عبادي:خيركم مش حاطين عصير عنب
جود:تلقاه في ثلاجه جيبه واسكت بلا نقااان
عبادي:اففففف....ونااااض!
يوسف:صباح الخير...وقعمز!
جود:اما نوع نصبلك؟
يوسف:لا منبيش بنفطر في المصحه...المهم قبل ماننسسا اليوم نبيك ي بويا تمشي معاي لحوش عم ريناد ونتفاهمو ع مل شي وبنعطيهم المهر
كريمه:نا منقدرش نمشي معاك وخالتك مسكينه قعدا موجوعه ع ولدها
جود:باهي يما عارفين اصلا حتى العرس بنديرو ليله وحده المهم يتزوجو لانه في ناس ناويه تخرب
يوسف:اي يما لخميس الجاي العرس
علي:تمام احسن راي هكي
كريمه:تمااام احسن مادرت المهم ريناد تكون راضيه ع كل شي
يوسف:اي عادي وعمها كلمته وافق ع كل شي
علي:ريتو وله طلعو يحبو بعض ويمثلو قدامنا!
جود:لا واضح يحبها يتحكم فها ويغااار علاهاا وهلبا حاجات مسمعناش بها
يوسف:ابتسسم...هيا نستأءنكم عندي حالات في المصحه
كلهم:ربي يعاونك !
عبادي:نا بنطلع ع سريع ...نوضي جود نبيك اطلعيلي طرحه حلوه
كريمه:اكيييد عندك لقاء اشبح مع مني؟
عبادي:نوضي ي جوود بسرعه !
جود:تي باهي باهي يحسابني منعرفش بعلاقته مع جوري
كريمه:ههههههه اصلا تمشي معاه من غادي الحمدالله مضلمتش بنت ناس معاك
جود:😂
عبادي:شد جود من شعرها...سكري فمكك ي فضيحه ديما فاضحه بيا خيرا نا تسترت ع عارك
جود:تي خلاص توا حسين بيتزوجني قول الي يعجبك😂
عبادي:بري بري مضحكه وربي
أنت تقرأ
حب أناني ( روايات ليبية )
عاطفيةللكاتبة : ميلو حسن 🔥 عندما يتحول الحب الي أنانية و استبداد تتغير مجري الاحدات كلها في لمح البصر ،، رواية من داخل المجتمع الليبي ❤️
