زوجتي الصغيرة ( روايات ليبية )

حلقة 2🔥

✨#زوجتي_الصغيرة✨حلقـه2✨سـرو✨

وسام: هيااا وقتت فكنا الياس ولا نرجعوا للحوش بتع اهلنا يعرفوا بمكان واحني نمشوا لمكان تاني ربي مش صعب عليه يفضحناا

الياس: به تماام هياا بنعطلوا 🔥

👑روايـات الكاتبـة سرو👑

فتحي: هههههههه
ملاك: 😂😂😂وووو
هيثم: اضحكيي تو نورييك 😒
فتحي: حتى اني نضحك هههههه واني نقول خيرك الفتره الاخييره مداير جو نعتمد على روحي

ملاك: شفت هيثم تحشم قدامي سحبت روحي ومشيت وخليتهم يهدرزوو..... ههههه ماماا هيثم يضحك شكله في بنت فالموضوع حييي 🙊🙊🙊🙊❤️

سميره: هههههه نزغرط ولا كالعاده فاهمه موضوع غلط
ملاك: ههههه شن بندير تفكيري كله هكي تخيلي نطلع فاهمه غلط زي المواضيع السابقه 😴
سميره: هههه غر تعالي مشيت اني وخوك جبت حجات شوفيهم هيا بش بعدين تطلعي معانا ونكملوا النااقص والله الايامات جري ره خايفه منلحقوش وتعرفيه عاد مالك بيديرلناا قصه هيا بنتي وقت

ملاك: ❤️🙊 به

👑روايـات الكاتبـة سرو👑

تسريع بش نوصل للاحداث ❤️🔥

الياس: اسبووووووع هيااااجه 😂 اني وصاحبي مخلينا مكان مدرناش فيه قعدنا يومين ف تونس و3ايام ف تركياا وباقي الاسبوع فندق هني ف ليبيا الله وحق ربي مفيش احسن من هني حتى نتعاركوا نفهم عليه مش زي الغربه تهزبه يرد عليك بلغه تانيه 😕تسحب روحك طول فيها نكهه هني 😂😂😂😭
احلا لقطه الدهواري بتع السياحه واحني لابسين زبوون ههههه لفتنااا الناس عرفونا ليبين اكيده 🤭🙊 كانت المرواحه ب السبت بس قعدت مع صاحبي ليوم الاثنين فالفندق هارب عاساس حليلي من المحاضرات اللي تستنى فياا زعمك الكسوه يلي بنرفعها موتيينها علياا اهمال وخلااص 🤦‍♂️

ملاك: اسبوووع وخوتي يوتولي وبنت خالي كلمت المزينه يلي مشتلهاا صاحبتهاا قالت مشاءالله علاها وحجزوا حتى الصاله ونظموا لكل شي تفاصيل هلبا تعببب هلباا المهم الحنه بتاعي غدوا 🤦‍♀️🤦‍♀️

👑روايـات الكاتبـة سرو👑

مع ال10:00 الصبح 🔥

وسام: عطلناااا يا رااجل مش معقوله هكيي خيرك ?!
الياس: مزال الوقت
وسام: شكلك ناسي وراك عرس شن بيقولك بووك تاخير هذاااا مش لمصلحتك يا فالح
الياس: معش تفكرني حرام علييك عارف بناكل طريحه ف عرسي 🤦‍♂️😭😭😂

وسام: اركب هيا وراك وراك 🔥😂😂
الياس: به جيب الشناتي
وسام: حطيتهم وكل الامور تمام اركب هياا
الياس: ركبت وسكرت الباب ..... قدر بجديات 🤭🥰
وسام: اسمع الياس البنت مرات تطلع كويسه متظلمهاش من البدايه
الياس: اصلا اني مشفتهااش متشوفش فيا هربت منعرفش غير اسمهاا وتحشمت نسال امي علاها قالتلي نوريلك صور خفت ندير لقطه قدام الناس وبوي يسمع ويهزبنيي.🤦‍♂️