«وقفنا المرة اللي فاتت ع أن عثمان قال أن قاسم لازم يعرف كل حاجه من الأول خالص بس كله فـ الوقت المناسب »
"فـ مكان آخر بالتحديد لبنان"
«فـ قصر يدل ع ثراء صاحبه ولما لا فيهم عائله عزالدين الاسيوطي أكبر رجال الاعمال..
عزالدين الاسيوطي: رجل شديد المعامله ولكن مع عائلته بيكون طيب، يبلغ من العمر" 65" عام.
ناصر: ابن عزالدين ويبلغ من العمر "45" عام.
ناهد: زوجه ناصر، إمرأة بتحب الفلوس جداً.
أدهم: ابن ناصر، شخصيه قويه ويمسك امبراطوريه عائلة الاسيوطي وعمره" 26".
ندي: أخت أدهم، فتاه مدلله جداً وعمرها "22" سنه.
"ع السفره"
_عزالدين: الشغل عامل اي يـ أدهم؟!
_أدهم: الحمدلله كل حاجه ماشيه مظبوط
_عزالدين: الحمدلله، اومال فين ندي يـ ناهد مش شايفها يعني
ناهد: لسه نايمه يـ عمي
_عزالدين: لسه نايمه، لحد دلوقتي ليه مش وراها جامعه ولا اي
_ناهد: لا وراها
ويقطع حديثها صوت ندي
_ندي: good morning
_عزالدين: صباح الخير يـ ندي
_ندي: صباح النور يـ جدو
صباح الخير يـ مامي
_ناهد: صباح الفل يـ قلبي
_ادهم: الحمدلله، عن اذنك يـ جدو همشي
_عزالدين: ماشي، مع السلامه
_ناهد: أدهم متتأخرش بليل علشان صاحبتي جايه بليل هي وبنتها
_أدهم: طب هي صاحبتك أنا لازمتي اي بقا مش فاهم
_ناهد: علشان تشوف بنتها ويمكن تعجبك وتتخطبوا
_أدهم: اه قولي كده بقا عاوزه تجوزيني بنت صحبتك، ليه انتي شايفني عيل صغير علشان تجوزيني بطريقه دي، لـ آخر مره هقولها يـ ماما انا مش هتجوز بطريقه دي، اقولك ع حاجه انا مش هتجوز يـ ستي خلاص، عن اذنكم
_ناهد: أدهم أدهم انا لسه مخلصتش كلامي
شوف ابنك مشي وانا بكلمه ازاي
_ناصر: ما هو بصراحه يعني انتي زودتيها اوي يـ ناهد، لحد اما خلتيه يقولك مش هتجوز خالص، دي مش طريقه وبعدين أدهم مش صغير
_ناهد: بس انا عاوزه اشوفه متجوز دي فيها حاجه يعني
"يقول عزالدين حتي ينهي الحديث"
_بصي يـ ناهد، ادهم مش صغير ولما هو يحب يتجوز هيتجوز غير كده لا مفهوم، انا دخل اوضتي.
_ناصر: ارتاحتي كده، اهو أدهم مشي مضايق وبابا كمان، انا قايم انا كمان
_ندي: ولا تزعلي نفسك يـ مامي سيبك منهم
بس مين دي اللي عاوزه أدهم يتجوزها
_ناهد: شاهي بنت نيره، باباها راجل اعمال كبير ولو أدهم اتجوز بنته اكيد هنكسب من وراه
_ندي: اه فهمتك يـ مامي
بس أدهم مش هيوافق
_ناهد تقول بنبره خبث: لازم يوافق وانا هعرف ازاي اخليه يوافق.
_ندي تقول بلهفه: ازاي يـ مامي قوليلي
_ناهد: بعدين هتعرفي.
