«وقفنا المره اللي فاتت ع أن قاسم كلف محمد المساعد بتاعه او بمعني اصح دراعه اليمين فـ كل حاجه وكلفه أنه يجيب كل المعلومات عن ملاك وسما ومحمد جاب كل حاجه بس قال لـ قاسم أن فيه حاجه غريبه فـ ملف بتاع ملاك »
_قاسم: حاجه غريبه ازاي بعني
_محمد: بص حضرتك يفندم وأنت هتفهم أنا قصدي اي، اتفضل
_قاسم خد الملف من محمد وبدأ يقرأ فيه وبعدين قاله: امم غريبه يعني ازاي ملهاش اي معلومات نهائي
_محمد: ده اللي أنا أقصده يفندم، أن مفيش اي معلومات عنها نهائي
_قاسم: طب ماشي خلاص روح أنت ولو عرفت حاجه عرفني
_محمد: حاضر يـ فندم عن اذنك.
"بعد اما محمد مشي فضل قاسم يفكر ازاي ملاك ملهاش معلومات عنها او عن اهلها، كل اللي هو عرفه انها بتدرس اداره اعمال وباباها عنده شركه صغيره ليه بس مش معروفه فـ السوق، وقال أكيد فيه حاجه مخبينها علشان كده مفيش معلومات عنها، وقطع تفكيره خبط ع باب المكتب وقبل اما يقول اتفضل كان اللي بيخبط دخل وكان زياد "
_قاسم: مش فيه حاجه اسمها خبط ع الباب الاول
_زياد: ما أنا خبطت ع الباب الاول
_قاسم: أنا سمحتلك تدخل
_زياد: خلاص بقا يـ عم
انا كنت جايلك علشان عاوزك فـ موضوع
_قاسم باهتمام: خير
_زياد: اللي حصل امبارح
قاطعه قاسم
_قاسم: اللي حصل حصل خلاص
_زياد: بس البنت اللي أنت هزقتها دي مش هي اللي كنت بتخانق معاها
_قاسم بصدمه: نعم قصدك اي
_زياد: قصدي أن البنت دي ملهاش دعوه بكل اللي حصل ده بالعكس كانت بتحاول تحل المشكله واعتزرت ليا كمان بدل صاحبتها اللي هي سبب المشكله
_قاسم بتبرير: مش مهم بقا بس هي واحده قليله الادب لانها اتكلمت معايا بطريقه دي
_زياد: ما هو أنت زودتها اوي يـ قاسم برضوه معاها
_قاسم: ولا زودتها ولا حاجه عادي يعني
_زياد: علفكره بقا أنت غلطان والمفروض تعتزر ليها، المفروض كلنا نعتزر ليها
_قاسم بحده: اعتزر من مين من دي، أنا قاسم السيوفي اعتزر من واحده
_زياد: خلاص يعم انا وجنه اللي هنعتزر منها
_قاسم بنتباه: هتعتزر منها.! ازاي؟!
_زياد: عادي هدور عليها وهلقيها واعتذر منها، بصراحه البنت جميله وبجد اسمها لايق عليها اوي ملاك وهي ملاك فعلاً
_قاسم بغيره : ولا أنت بطل كلام عليها واتلم واعرف أن عندك أخت
_زياد بمكر: ومالك قلبت عليا كده ليه؟ شكلك بتغير عليها ولا اي؟
_قاسم بتوتر: اغير اي بس
بطل هبل واقوم امشي يلا علشان ورايا شغل
_زياد بضحك: ماشي يـ عم هولاكو ع رايها
_قاسم بصوت عالي وغاضب: زيااااد بره
_زياد بضحك عالي: حاضر ، سلام يـ قاسم
«بعد خروج زياد قاسم قال أنا ليه اضايقت لما زياد كان بيتكلم عليها، أنا بس لسه عرفها من يومين ومشفتهاش تاني ممكن أكون.. لا لا مستحيل بطل هبل يـ قاسم أنت بدور عليها علشان تندمها ع اللي هي عملته وبس »
__________________________
"في بيت ملاك كان أحمد ورانيا مامت ملاك قاعدين وفجأة رن فون أحمد "
_أحمد: الو ايوا
_الطرف الاخر: باشا
فيه شخص بدور ع معلومات عن آنسه ملاك بنت حضرتك
_أحمد بانفعال: اي.!
ووصل لـ حاجه
_الطرف الاخر: اطمن يـ باشا مقدرش يعرف حاجه غير اللي المفروض يعرفه
_أحمد: مين الشخص ده
_الطرف الاخر: لسه مش عارف يـ باشا
_أحمد: تمام اعرفلي مين هو وخلي بالك بعد كده
_الطرف الاخر: تمام يـ باشا، سلام
"رانيا كانت مركزه مع أحمد وحست أن فيه حاجه وسألته"
_رانيا: خير اي اللي حصل
_أحمد : مفيش بس فيه حد بيحاول يعرف معلومات عن ملاك
_رانيا بخوف: وعرف حاجه ومين هو اصلا الشخص ده
_أحمد: معرفش حاجه الحمدلله، بس هو مين معرفش لسه
_رانيا بدموع فـ عينها: طب هو ليه بيدور ع ملاك، هما عاوزين منها اي
_أحمد خدها فـ حضنه وبيطمنها: حبيبتي متخفيش طول ما انا عايش مش هسمح أن حاجه تحصل ليكي او لـ ملاك أبداً، وبعدين هو أنتي مش واثقه فيا ولا اي
_رانيا: لا واثقه فيك
_أحمد: خلاص يبقا أهدي كده ومتفكريش وامسحي دموعك دي علشان ملاك متحسش بـ حاجه
"بس اللي أحمد مش عارفه أن ملاك كانت وافقه من الاول خالص وسمعت كل حاجه وأتأكدت أن هما مخبين عنها وقررت أنها..."
يتبع..
