«وقفنا المرة اللي فاتت ع أن أدهم كان ماسك صوره وبيتكلم معاه وبيقول ان هو بيحبها هي وبس ومش بيحب غيرها بس المشاكل اللي بين اهلها واهلو يتحلوا وبعدين هيتجوزها»
"ملاك وسما قاعدين مع بعض فـ الكليه"
_سما: مالك يـ ست ملاك
اي قلبه وشك كده ليه
_ملاك: مش عارفه يـ سما بس بابا وماما مخبين عني حاجه وانا بجد بقا متأكده من اللي بقوله
_سما: برضوه تاني الموضوع ده
_ملاك: اصل متعرفيش اللي حصل
_سما: اي اللي حصل
_ملاك: سألت ماما وقولتلها ازاي مش عندك انتي وبابا اهل وكده
وساعتها ماما ارتبكت
وحاولت تتوه الموضوع
وقالتلي ان اهلها واهل بابا متوفين من زمان
_سما: طب ما يمكن زي ما مامتك بتقولك كده يـ ملاك ليه بتقولي أنهم مخبين عنك حاجه؟!
_ملاك: معرفش بس اللي اعرفه ان فيه حاجه هما مخبينها عني ولازم اعرف
_سما: طيب يـ ستي لحد اما تعرفي ممكن تجي معايا نجيب اكل الاول لاني هموت من الجوع والله
_ملاك: سما انتي اصلا عالطول جعانه، يلا يـ اخره صبري
"ملاك وسما خلصوا المحاضرات وكل واحده روحت ولما ملاك روحت البيت لقت باباها قاعد فـ راحت قعدت معاه "
_ملاك: بابا ازايك يـ حبيبي
_أحمد: الحمدلله يـ قلبي، انتي اخبارك اي؟
_ملاك: تمام
بابا هو أنت حبيت ماما ليه؟!
_أحمد: يعني اي حبت ماما ليه "يقول بضحك"
_ملاك: يعني اي السبب اللي خلاك تحب ماما
_أحمد يقول وهو مبتسم: بصي يـ ملاك، انا لما حبيت مامتك حبتها كده من غير سبب، انا اول اما شوفتها قولت هي دي اللي ان عاوزها، هي ده اللي ينفع تكون مراتي وحبيبتي، مش بالضرورة أني أحب شخص علشان حاجه مش لازم يكون فيه سبب، مامتك طول عمرها مميزه وده اللي عجبني فيها
_ملاك: للدرجاتي بتحب ماما
_أحمد: فوق ما تتخيلي ، مامتك خلتني مشوفش غيرها، هي وبس
_ملاك: بتمني الشخص اللي يكون من نصيبي يكون زيك يـ بابا وزي حبك لـ ماما
_أحمد: مش هتلاقي زي، بس هتلاقي الاحسن مني
_ملاك: لا مفيش أحسن منك.
_أحمد: وبعدين لما الشخص اللي هيجي مش هخليه يخدك مني اصلا
_ملاك بضحك: حبيبي يـ بابا، اومال ماما فين صحيح
"تأتي رانيا وتقول"
_والله يـ ست ملاك لسه جايه تسألي عليا دلوقتي
ما لسه بدري
_ملاك: اي ده اي ده ماما زعلت، حبيبتي والله ما أنا سألت اهو
_رانيا: ماشي ماشي، يلا ادخلي غيري هدومك وصلي ع اما الاكل يجهز
_ملاك: ماشي
"ع الغدا"
_ملاك: امم ماما هو صحيح اسم عائلتك السيوفي صح.؟!
_رانيا: كح كح، اه ليه
_ملاك: امم لا عادي بسأل
وأنت يـ بابا اسم عائلتك الاسيوطي
_أحمد: اه يـ ملاك، بس ليه الاسئله دي
_ملاك: عادي بسأل مفيش حاجه ، أنا شبعت الحمدلله، هدخل اوضتي عن اذنكم
_أحمدورانيا: اتفضلي.
"دخلت ملاك اوضتها ومسكت الفون بتاعها وفتحت البحث وبحثت عن اسم عيله السيوفي
وطلع ليها ناس كتير بس اللي لفت نظرها شخص واحد هو قاسم السيوفي وقالت ممكن يكون يقرب ليها بس شالت الفكره من دماغها وبحثت ع اسم الاسيوطي وطلع ناس كتير برضوه وهي مش عارفه تحدد انهي منهم بيكونوا اهلها وتعبت من كتر التفكير وقررت انها تتصل ع سما "
_سما: الو
_ملاك: بتعملي اي
_سما: مفيش عادي كنت فاتحه فيس ودلوقتي هنام
_ملاك: امم انا بحثت ع اسم عيله ماما وبابا بس طلع ناس كتير ومش احدد انهي منهم بتكون اهلي وانا تعبت والله
تعرفي من صغري كنت بشوف الاطفال معاهم اهلهم الا انا "بتقول بتقول حزن"
_سما ترد بحزن: خلاص يـ ملاك متزعليش نفسك
وان شاء الله هتعرفي أهلك وتقعدي يـ ستي براحتك معاهم، اومال أنا اعمل اي اللي بابا وماما ماتوا هما الاتنين وسبوني لوحدي
_ملاك بأسف: سما أنا بجد اسفه والله مكنش قصدي افكرك
_سما: بس يـ هبله انا مزعلتش وبعدين أنا عمري ما نسيت
_ملاك: ربنا يرحمهم يـ قلبي
_سما: يا رب
اي ده استني
_ملاك: فيه اي
_سما: فيه رقم غريب بعتلي ع الواتس
_ملاك: بيقولك اي ها ها ها
_سما: اهدي هقولك اهو
بيقولي هاي،هههه
_ملاك:قوليله باي
_سما:قولت يـ باشا قولت
_ملاك:تربيتي يـ بت
_سما:هههه طبعاً اومال
يلا يـ ختي انا هقفل علشان انام
_ملاك:اهم حاجتين عندك النوم والاكل
_سما:امشي يـ بت
_ملاك:حاضر حاضر متزقيش بس ههه، تصبحي ع جنه يـ قلبي
_سما:وانتي من اهل الجنه يـ حبيبتي
"بعد اما ملاك قفلت ما سما فضلت ملاك تفكر تعمل اي علشان تعرف هما مين اهلها لحد اما لقت رقم غريب بعتلها رساله وكان محتوها..."
يتبع..
رأيكم وتوقعاتكم.
