بين يديك الحياة(قلبي ليس بيدي )

البارت العاشر

(حال القلب المجنون متقلب متفهم مشحون يغيب عقلك ويعانده ويدخلك حاله لا مفهومه لا معلومه من التملك والجنون)

يدخل المنزل بارهاق فهو كان يوم مرهق في تدريبهم جميعا وحده وكريم الاحمق حين يراه سوف يقتله لا يعلم اين ذهب  ليغلق الباب خلفه ويقول بصوت عالي نسبيا:السلام عليكم ليستغرب من هدوء البيت ففي الاونه الاخيره ومنذ ان جاءت رولا والمنزل مليئ بالبهجه والضحك اين ذهبو ليبحث عنهم ليجد زينب تجلس في الحديقه الداخليه  ليقول بابتسامه :داده زينب
لتنظر له زينب بابتسامه :انت جيت يااسر جيت امته
اسر : لسه جاي حالا لينظر حوله بااستغراب:امال فين رولا البيت هادي
زينب بحيره :معرفش كانت قاعده معايا لقتك تاخرت سابتني ودخلت لتكمل بابتسامه والله يااسر مدخله للبيت حس وفرحه
اسر بمرح: انا داخل يازوزو لحسن تدبسيني في عروسه و تخربي بيتي كدا
لتكمل زينب في نفسها : والله ما هيدخل بيتك ولا قبلك غيرها وهتشوف
دخل اسر للداخل مره اخري ليصعد لغرفته ولكن لفت انتباهه نور غرفه مكتبه ليذهب ليراه ولكن يصدم بما يراه تجلس هناك علي سجاده صلاته  تنظر الي مصحفه باستغراب ودموعها تنهمر من عينيها دون صوت هناك صراع داخلها فضول لمعرفه دينها
تريد مسك مصحفه ومعرفه مابه من كلمات يقرائها بصوته بتلك الروعه ليرتجف جسدها متاثرا تريد ان تصلي مثله بخشوع لتري كيف الصلاه تنير القلب وتصفي الذهن وتغسل الروح كما يقول لها  وخائفه جدا ولا تعلم السبب  ليقاطع صرعات نفسها تقدمه و جلوسه بجوارها لتجفل لا تعلم متي اتي لم تشعر به لينظر لها بابتسامه مطمئنه ويديرها لتنظر له ويمسح دموعها ويقول بهدوء:عايزه تقرأي لتنظر له رولا بتردد ولا تعلم ماذا تقول ولكن تومئ له براسها ليقول مره اخري بنفس الابتسامه: وعايزه تصلي
لتومئ له مره اخري
ليقول اسر لها بهدوء وهو ياخذ بيدها ليقوم بها : طب قومي معايا
لتنظر له رولا باستغراب :هنروح فين المصحف اهو وتشاور خلفاها
ليقول بابتسامه وهو يخرج  بها من الغرفه ويصعد للاعلي :الاول تاخدي شور حلو زيك كدا وانا هاجي اخليكي تتوضي وافهمك تمام ليقف امام غرفتها  يلا بسرعه خدي شور علي ما اغير هدومي
لتدخل لغرفتها تفعل ما قاله لها بحماس وابتسامه  
قليلا فقط ووجدها تطرق باب غرفته
اسر من الداخل : تعالي يارولا ادخلي
لتدخل بهدوء وهي تنظر لغرفته بانبهار في اول مره تدخلها لتجدها غرفه رجوليه بحته باللون الازرق الغامق المختلط بالابيض والاسود وهنا ايضا في ركن في غرفته يوجد سجاده صلاه ومصحف 
اما اسر  فينظر لها بصدمه ماذا ترتدي مني جيب قصيره وبدي كت ضيق هل هكذا ستصلي سيموت بسببها بكل تاكيد حسنا ليجعلها تتوضا اولا ثم يبحث لها عن ملابس ليخرجها من شرودها في غرفته :رولا تعالي يالا علشان نتوضا لتاتي له سريعا  لينظر لها بابتسامه ساحره مطمانه جعلتها تبتسم :قولي الاول اشهد ان لا اله الا الله واشهد ان محمدا رسول الله
رولا باستغراب : بس انا اصلا مسلمه
اسر بهدوء : ماانا عارفه جددي النيه وجددي اسلامك انا بقولها في اليوم كذا مره وانا رايح اي مهمه بقولها وانا خارج بقولها في كل مكان وبتمني من ربنا اموت علي شهاده يالا قولي بقا
رولا بابتسامه مبهره :اشهد ان لا اله الا الله وان محمد رسول الله
اسر يالا نتوضي بقي اول حاجه نقول بسم الله الرحمن الرحيم واعملي زي ما بعمل تمام
ليعلمها بهدوء كيف تتوضا لتنفذ ما يقوله يفعله بالحرف عندما انتهي قال بصي بعد الوضو بقا بنقول( اشهد ان لا اله الا الله وحده لا شريك له واشهد ان محمدا عبده ورسوله اللهم اجعلني من التوابين واجعلني من المتطهرين سبحانك اللهم وبحمدك اشهد ان لا اله الا انت استغفرك واتوب اليك) لتقول وراءه رلا بهدوء  وتقول بلهفه يالا نقرا ونصلي بقا لينظر لملابسها بعدم رضا اسر : هو الصراحه ميفعش تصلي كدا
لتنظر له باستغراب : كدا ازاي
ليقول بهدوء :وانتي بتصلي مينفعش يبان منك غيركف ايدك كدا ووشك بس  لتنظر له بحزن ليكمل : استني هجبلك اسدال من عند داده زينب واجي قليلا فقط وجاء لها بلاسدال يلبسه لها ويعدله علي شعرها  لتبتسم له ببعض الخوف ليطمانها بهدوء 
اسر:يلا يادكتورتي الجميله  ليحفظها سور الفاتحه والاخلاص والناس لكي تستطيع الصلاه ويعرفها كيف الصلاه جيدا كانت تستوعب ما يقوله لها بانصات وتركيز شديد ليكمل بص يارولا قومي يلا نصلي زي ما قولتلك ماشي ليقف امامها امام كما وعد وتقف خلفه تصلي ليبدا الصلاه لتشعر بجسدها يرتجف مع كلمه الله اكبر وتتجمع الدموع في عينيها ولكن ما اسجدت حتي انهارت قوتها فبكت بقوه وخرجت دموعها لتعلن توبتها اين كانت بعيد عن ربها كل تلك الفتره تخرج دموعها تغسلها وتطهر قلبهاوتنقيه تشعر انها تغسل مع كل دمعه تنزل منها ليتركها اسر تشتكي لربها وتدعوه ليطهر قلبها وما ان انهو صلاتهم حتي التفتت اليه باسمه
رولا بابتسامه هادئه وعيون لامعه:اول مره احسن ان قلبي مطمن كدا حاسه ان روحي نقيه احساس حلو اوي هو انا هحس كدا علي طول 
اسر وهو ممازال ينظر لها بهدوء وحنان:طول ماانتي مع ربنا هتحسي كدا
رولا باستفسرار :هو نا ممكن اقرا من القراءن زيك
اسر بابتسامه : هخليكي تقراي احسن مني كمان عايزين نتفق علي حاجه احنا عندنا 5 صلوات الفجر والظهر والعصر والمغرب والعشاء علشان انتي لسه متعودتيش هنظبط الفون بتاعك لكل صلاه تو ماتسمعي الاذان حتي لو ما كنتش هنا تقومي تصلي وانا هصحيكي للفجر
لتومئ له رولا بحماس ليكمل تاني حاجه كل يوم هصحلك صفحه من القران تاني يوم هسمعهالك لو غلطي فيها هعلقك
لتومئ له مره اخري وهي تضحك بسعاده
ليكمل وبما انك قاعده فاضيه نسيت اقولك اصلا من زمان المكتبه تحت فيها كل الكتب الي تعوذيها عن الدين والحديث القراءن والطب كمان اقرائي واعرفي والي يقف قدامك اساليني ولو اعرف هجاوبك ولو معرفتش هسال واجبلك الاجابه
لتتكلم رولا بسعاده : انا فرحانه اوي يااسر
اسر بابتسامه : يارب دايما يالا بقا ياعلشان اسبح علي ايديكي علشان ناخد الثواب سوا
رولا باستغراب :تسبح علي ايدي ازاي
ليمد اسر يده يمسك يدها ويسبح عليها ويقول كدا ياستي
لتنظر له بانبهار وسعاده ومشاعر غريبه تدخل قلبها تجاهه
************
تجلس علي سريرها تحدث صديقتها علي الهاتف بشقاوه ومرح اعتادتهم
اسماء بمرح:ايه ياوليه عامله ايه
يمني بزعل واحباط :مش كويسه خالص يااسماء
اسماء بيأس:اي ياموكوسه هببتي ايه تاني داانتي لسه اول يوم
يمني وهي علي وشك البكاء : مش معبرني ومتجاهلني خالص يااسماء
اسماء بتشدق:لا يابت كنتي عايزاه ياخدك بالحضن اجمدي وبطلي نحنحه انتي لسه في اول الطريق
يمني بتنهيده وحماس :عندك حق انا مش هستسلم
اسماء :طيب ياسعد زغلول باشا  وبعدين بت بطلي نكد انا لسه جايه من الشغل مصدعه خلينا نتكلم في حاجه تانيه يعني مثلا الفرح كانو ملغم ماشاء الله كلهم ظباط عمر ميلقيش عريس منهم ليا
يمني بتفكير :انا معرفش حد منهم غير المقدم اسر واتجوز وكريم لتكمل بفرحه يااارب تتجوزي كريم يااسماء علشان نبقي متجوزين صحاب والله هو يليق عليكي خالص
لتتذكر اسماء في هذه اللحظه هذا الوسيم الاحمق ذو العيون العسليه ولكن تفيق علي صوت يمني علي الهاتف يهتف بها بشده
اسماء :ايه يابه خرمتي وداني
يمني بضحكه :ماانا بندهك مبترديش الله
اسماء :معلش يايمني اصل الشغل تعبني النهارده
يمني :خلاص ياسمسم نامي وارتاحي تصبحي علي خير
اسماء بهدوء:وانتي من اهله 
لتغلق هاتفها وتضعه جوارها لتنام كادت ان تغلق عينيها لتسمع صوته يعلن وصول رساله  ظنت من الشركه وللكن اعلن وصول رساله اخري  فثالثه لتاخذه لتري ماذا هناك لتفتح الرسال لتصدمه
((ظننت ان الحب يحتاج اعوام لاصدم بقلبي يخطف بنظره اليكي))
((تصبحي وانتي من اهلي ))
(متفكريش تعملي بلوك هرن من رقم تاني هتغيري رقمك هجيبه هتشلي الفون هتلقيني في شغلك هتقعدي هتلاقيني عندكو بشرب قهوه مع مامتك )
لتنظر للرسائل بغضب لتتعرف اسماء علي صاحب الرقم بسهوله فهو بالتاكيد هذا الاحمق لن تنشغل به فليفعل ما يفعل لتفعل البلوك لتغلق الهاتف وتنام
*********
يجلس كريم وعلي وجهه ابتسامه يرا ما يرسله لها لينتظر قليلا ثم يرن علي هاتفها ليجدها لا ترد تلك الماكره العنيده يعلم انها لن تستسلم بسهوله  هو ابدا لا يرد اللعب بها قد يكون مرح ويحب المزاح لكن ليس هو من يلعب ببنات الناس ابدا فهو لديه اخته يخاف عليها بشده لكن لا يمكنه ادخال اسماء في متاهته مع والده الان يكفيه اخته يحاول حمايتها بكافه الطرق يعلم ان اسر سيحمي اخته جيدا ولكنه مازال قلق ولو تقدم لاسماء الان قد يستخدمها والده لصالحه او يقوم باذيتها ليضغط عليه ليسلمه اخته يعلم مكر ابيه جيدا وبنفس الوقت لا يريدها ان تكون لغيره ولا يعلم ماذا  يفعل
*********
اتي الصباح سريعا  لتستيقظ تلك الجميله النائمه وتفتح عيونها الزمرديه وابتسامه مريحه ترتسم علي وجهها لتجلس علي السرير براحه وسعاده جديده علي قلبها تتذكر عندما ايقظها اسر لصلاه الفجر وتسبيحه علي يدها شعور رائع ينعش قلبها وعندما صح لها ما تحفظه وايضا اصرت عليه ليكمل قراءه ورده امامها ياالله كم ترتاح لسماع صوته بالقراءن لتضحك بخفوت فيبدو انها نامت وهو يقرا وهو من حملها و انامها علي السرير ليدق قلبها عند تلك النقطه  لتخرج من شرودها به وتنظر للساعه انها العاشره يالله  من المؤكد اسر ذهب الي عمله وهي ما زالت نائمه لتقوم من علي السرير وتشجع نفسها هيا لدينا يوم طول في المكتبه اليوم
**************
خرجت من غرفتها  تبحث عنه من المؤكد انه استيقظ لن يظل نائم الي الان لتجده فعلا امام التلفاز في في غرفه الجلوس يشرب مج النسكافيه ومندمج للغايه مع البرنامج الذي يعرض شعرت لولهه انه لم يشعر بها ولكنه اخيب ظنها حين هتف دون ان يلتفت ليها
عمر دون تعبير : صباح الخير الفطار  في المطبخ جاهز افطري علشان هننزل نقعد مع بابا شويه اه وفي صحابي هييجو النهارده
لترد يمني باسف : صباح النور اسف صحيت متاخر وانت جهزت الفطار مش هتحصل تاني
ليرد عمر ببرود: مفيش حاجه انا متعود علي كدا ومش جديده ولا هتبقي جديده بعد كدا
يمني بتالم فهي فهمت معني كلامه: عمر ممكن علي الاقل نبقي صحاب الفتره دي انا عارفه انك عمرك ما هتسامحني لتكمل ببكاء بس اناوالله مكنش بايدي بس انا والله من اول ما دخلت بيتك قفلت حياتي الي قبل كدا كلها وانا مش عارفه اقنعك ازاي لتجلس علي الارض تبكي بعنف 
لم يتحمل عمر انهيارها امامه هكذا فهي مازالت صغيرته  وحبيبته يعلم انه لم يكن بيدها فمنذ متي وحاله القلب بايدينا ليقوم ويجلس امامها ويمسك يدها ليهدئها لتسري قشعريره صغيره في جسدهما يتجاهلها هو ببراعه اما هي فتوقفت عن البكاء اثرها ليتحدث بهدوء
عمر: موافق اننا ناخد فرصه تانيه بس صدقيني قلبي مش بسهوله يصدق خلي الوقت يشفي كل حاجه تمام ودلوقتي ياستي اتفضلي قومي كلي علشان اليوم طويل
لتبتسم يمني بفرحه وتقول وهي تمسح دموعها  :ان شاء الله هكون عند ظن حسن حضرتك
ليكمل عمر بمرح :لا عند بخ طظ حضرتك
لتضحك يمني بسعاده وتقسم علي اعاده قلبه لها ثانيه
***********
، رايكو في البارت لو سمحتو🤗🤗
انا عارفه ان البارت كان المفروض امبارح بس نسيت صراحه😂🤦‍♀️
في اسكربت النهارده بس قولو يارب 😘
في امان الله اشوفكو الثلاثاء 💃💃