ليته لم يكن....

الجزء الاول 1

منذ سبع سنوات
امام احد اكبر شركات الاستيراد والتصدير كانت يوجد فتاه ب اوئل العشرين  تجرى مكالمه هاتفيه

متصل 1 = الو ايوا يانهى انتى فين ؟
متصل 2 = ايوا يا فيرى انا فى البيت في حاجه ؟
متصل 1 = نعععم بيت ايه احنا مش اتفقنا يبنتى نتقابل قصاد الشركه ونروح نجيب هديه عيد جواز بابا وماما سوا
متصل 2 = اوبس نسيت يافيرى بجد خلاص مش مهم نجيبها بكرا ولا اجيلك دلوقتى ولا ايه
متصل 1 = بكرا ايه عيد جوازهم بكرا وتيجى فين دنتى عما تيجى يكون اليوم خلص
متصل 2 = طيب هتعملى ايه دلوقتى
متصل 1 = هروح اجيبها انا لوحدى وامرى لله بس مش هنسهالك على فكره
متصل 2 = قلبك كبير يا فيرى وبتنسى بسرعه ههه بس مش الوقت اتأخر انك تروحى تجبيها
متصل 1 = اعمل ايه يعنى مفيش حل غير كدا المهم لو ماما كلمت طمنيها عليه عشان فونى ممكن يفصل
متصل 2 = طيب يا حبيبتى خدى بالك من نفسك سلام
متصل 1 = سلام
بعد انتهاء المكالمه....
نهى = كدا تمام سبتها اهو عشان افضالك
.......= طول عمري بحب ذكائك يا نونو
نهى = طيب ايه بقى مش ناوى تسيبك منها
........= لسه شويه صغيرين اضرب ضربتى فى الشركه بعدين اسيبها ونتجوز
نهى = طول عمر دماغك دماغ شياطين
.......= ولسه هههههه

فى فيلا الالفى
كانت فيلا فى غايه الجمال دخل رجل يبدو انه فى العقد الخامس من العمر يبدو عليه الهيبه والوقار يبدو عليه انه الاب الكبير لهذا المنزل
الداده = حمد الله على السلامه يا بيه
حسين = الله يسلمك يا زينات ، الهانم فين
الداده = الهانم الكبيره فوق فى اوضتها والهانم الصغيره لسه مجتش
حسين بشك = مجتش ؟! طيب يا زينات جهزى العشا عما تيجى
الداده = حاضر يا بيه بعد اذنك

تركته فى حيره وقلق من تأخير صغيره على المنزل صعد السلم حتى وصل للطابق العلوى قاصدا غرفته وعندما دخل

الام نهله = حمد الله على السلامه يا حسين
حسين = الله يسلمك يا نهله..... اتفضلى ياستى
نهله = ايه ده ؟؟
حسين = انا كتبت كل حاجه بأسم فريده النهارده محدش عارف الظروف ومضمنش لو حصلى حاجه  ممكن يجى حد ويقولها انا ليه حق وخصوصا انها ملهاش اخ كبير يدافع عنها
نهله = بعد الشر عليك يا حسين ليه بتقول كدا ربنا يخليك لينا وبكرا تجوزها وتفرح بيها وتطمن
حسين = انا كدا مطمن بس الى مش مطمن له خطيبها ده بس هعمل ايه واكل عقلها وهى بتحبه
نهله = لو فيه حاجه وحشه برا ربنا يظهرها
حسين = هى اتأخرت اوى اتصلى شوفيها فين عشان تلحق العشا معانا
نهله = حاضر

امام احد المولات الضخمه كانت فريده تضع الهدايا التى اشترتها فى سيارتها حتى وصلتها مكالمه
فريده = الو يا ماما
نهله = اى يا فريده اتأخرتى ليه انتى فين
فريده = انا جيه في الطريق اهو عشر دقايق واكون عندك
نهله = كل ده باباكى قلقان ومستنينك على العشا
فريده = خلا......الو..... ييييه ده وقته تفصل شحن
نهله = الو الو
حسين = فيه حاجه يا نهله
نهله بقلق = لا مفيش حاجه تقرييا تلفونها فصل بس هى عشر دقايق وتكون هنا
حسين بشك = ماشى يلا نستناها تحت

فى الطريق كانت فريده تسرع بالقدر المستطاع حتى تصل الى البيت حتى لا يقلق والديها كثيرا ولكن دون ارادتها تتعطل السياره

فريده = يييييه ده وقته يعنى عربيه وتلفون وفى مكان مقطوع كملت 🤦‍♀️

خرجت من سيارتها لكى تجد احد يساعدها حتى وجدت سياره وقفت تلوح لها حتى وقفت السياره نزل منها رجل يبدو عليه انه فى نهايه العقد الرابع كان وجهه يحمل ملامح القسوه والغضب وعيناه متلونه بالون الاحمر يبدو عليها اثر البكاء وكانت تشع منها رائحه مقززه تبدو كرائحه الخمور

الرجل بصوت اجش= فيه ايه
فريده بخوف ولكن تمالكت نفسها = حضرتك انا عربيتى عطلت فلو يسمح تساعدنى
نظر اليها نظره استهزاء ورسم ابتسامه خبيثه = اساعدك وانا مين يساعدنى انا فى يوم وليله حياتى انقلبت بسببكو طول عمرى مبثقش فى اى ست واليوم الى اثق فيه تخونى ودلوقتى تقوليلى اساعدك
فريد = في ايه انت ازاى تتكلم معايا كدا لو رافض مساعدتى ممكن تمشى
الرجل = امشى ..امشى اروح فين...دنتى الى جبتينى ودلوقتى تقوليلى امشى
لم تعد تستطيع السيطره على خوفها عندما ظل يتقرب منها وهى ترجع للخلف حتى التوى كاحلها ووقعت
الرجل بغضب = كلكو تستاهلو الى يحصلكو
واخذ يصفعها حتى ادمي وجهها وهى تستغيث وتصرخ ولاكن لا يوجد احد ظلت تصرخ تدفعه بعيدا عنها لكن لم تؤثر فيه قبضاتها وهو يعتدى عليها حتى فقدت الوعى

فى فيلا الالفى
حسين بعصبيه وقلق = كل ده عشر دقايق اتصلى بصحبتها اتصلى بيها تانى
نهله = استهدى بالله هى زمانها على وصول كانت تقول ذلك ولكن كانت قلقه اكثر منه وهو لم يستجيب لكلامها بل اخذ الغرفه ذهابا وايابا كان سوف يجن حتى وصلته مكالمه

حسين بهروله = الو...
مستقبل الاسعاف = حضرتك والد الانسه فريده الالفى
حسين = ايوا انا مين معايا
مستقبل الاسعاف = احنا مستشفى ##### بنت حضرتك هنا فى المستشفى يريت تيجى ضرورى
حسين = بنتى....هى حصلها حاجه طيب جت ازاى
المسعف = حضرتك تيجى المشتشفى وهتعرف كل حاجه
اغلق الخط وهرول الى خارج الفيلا بالتحديد الى سيارته اخدت نهله تسأله عما يحدث ولكن لم يجيب فأسرعت خلفه حتى ذهبت معه

فى المستشفى
حسين = لوسمحت بنتى جت هنا فريده الالفى
الاستقبال = هى فى العنايه المركزه فى الدور التالت

اسرع حسين وخلفه زوجته حتى وصلو الى العنايه وبعد دقائق خرجت فريده من العنايه على السرير النقال وكانت وجهها مليئ بالجروح وتضع جهاز التنفس عندما رئتها والدتها اخذت تصرخ وتبكى بشده

حسين بصدمه وقلق = دكتور بنتى مالها اى الى حصل
الطبيب = حضرتكو الوالد والوالده
حسين ونهله = ايوا
الطبيب = انا عايز حضرتكو تتمالكو هى جالها صدمه عصبيه ودلوقتى فى غيبوبه
نهله = اييييه .. بنتى
حسين بصدمه = ليه اى الى حصل لكل ده
الطبيب بحرج = انا اسف بس هى اتعرضت لحاله اغتصاب
اخد الام تصرخ وتبكى بشده ولكن الاب لم يتمالك نفسه من الصدمه وسقط مغشى عليه

كانت الام فى حاله مزريه من شده البكاء والنحيب تكاد تجن
بعد دقائق

الطبيب = انا اسف البقاء لله

*******************************