ليته لم يكن....

الجزء التاسع 9

فريده = انتى ايه الى جابك هنا
نهى = مش عيب عليكى تشوفى صحبت عمرك بعد سبع سنين بدل متخدينى بالحضن تقوليلى كدا
فريده = اى الى جابك هنا وانجزى عشان عندى شغل
نهى = نبقى لوحدنا الاول عشان نتكلم
يحيى = طيب انا همشى
فريده = استنى يا يحيى ، اتفضلى قولى الى عندك انا معنديش حاجه تستخبى
يحيى = انا لازم امشى يا فريده عشان عندى شغل كلمينى اما تخلصى
نهى = عنده ذوق والله ، بيفهم يارب تفهمينى انتى كمان
فريده = افهم ايه ؟
نهى = ابعدى عن جوزى عشان جهنم متفتحش ابوابها ليكى
فريده = انتى بتهديدينى ، وجوزك مين ده !!
نهى = اى ده انتى نسيتى ان شريف يبقى جوزى ولا ايه
فريده بإستهزاء = لا فاكره ، بس مكنتش فاكره ان واحد قذر زى شريف يفضل سبع سنين متجوز واحده قذره زيك
نهى = كدا هنبدء نغلط وانا لسه مقولتش الى عندى ، ابعدى عن شريف عشان هو ناوي يقتلك
فريده = لتكونى خايفه عليه
نهى = اكيد لا ، بس هو كل تفكيره دلوقتى انتى وانا عيزاه يركز فى الشغل انتى متعرفيش انى شريكته
فريده = مش هستغرب انك شريكته مهو التعابين والعقارب سمهم واحد بس فى النهايه حد بيقتل التانى
نهى = اطلعى منها انتى بس عشان متموتيش انتى وباين على دراعك انك اخدتى درس
فريده = انتى بتهديدينى فى شركتى يا حبيبتى انا بكلمه حبسته وبكلمه خرجته والنهارده كان فى ايدى احبسه تانى بس انا رأفت بيه
نهى = انا قولت احزرك عشان لو تفكيره فضل معاكى الضربه هتبقى منى وانا ضربتى قاضيه
فريده = سؤال بس ، انتى بتحبيه بجد ولا خايفه اخطفه منك ، لو خايفه ف انا مش ببص تحت رجلى
نهى = قوليلى انتى بقى يا فري انتى متجوزتيش لحد دلوقتى ليه ملقتيش الى يحب ولا الى تشيليه الليله

كانت العيون تتصارع تتمنى كل منهم ان تقتل الثانيه الان

فريده = فى الحالتين هيكون هناك حد بيحبنى الدور والباقى بقى على الى متجوزه واحد بيمد ايده عليها مخلى وشها خريطه كدا ، على فكره انتى مش شاطره فى الميكب خالص عشان اثر الضرب باين اوى على وشك ، هو انتى خونتيه؟!

اشعلت كلمات فريده نيران نهى احرقتها بالفعل مما جعل نهى تهب واقفا وتمشى فى غضب شديد وذلك جعل فريده تهدأ من غضبها وجعلها تفكر كيف تستفيد منها ، اجرت فريده مكالمه

فريده = فهد ، عيزاك تجبلى اخبار نهى مرات شريف بالتفصيل ولو فى جديد بلغنى .

فى منزل شريف
شريف = الو يا باشا ، تسلم على الواجب الى عملته معايا
علوي بغضب = انت نسيت نفسك ولا ايه يا شريف اتسرعت وبعت ناس ل فريده من غير رأيى وهى عاقبتك واتحبست تقوم تروحلها برجلك المينا وتحاول تقتلها وبردو من غير رأيى انت حسابك تقل وكمان مش بتعادى فريده بس انت بتعادى حمزه نعمان كمان
شريف = وحمزه ايه دخله
علوي = اه منت هربت زى الفران ، الرصاصه جت فى حمزه مش فريده
شريف بصدمه = نعععععم ، يعنى ايه ، يعنى فريده سليمه
علوي = ده الى همك ، لو عملت حاجه تانى من غير متقولى ، هبعتك ل عزرائيل
شريف بغضب = انت بتهددنى ، انت متعرفش تعملى اى حاجه وإلا الشحنه الى بعد يومين مش هتوصل
علوي = انت كدا بتعض الإيد الى اتمدتلك يا شريف وبلاش تغلط عشان متندمش