خائن العدالة⚖

الحلقة الثالثه3️⃣🌸

#خائن_العدالة⚖
.
.
.
.
.
الحلقة الثالثة
.
ملاحظة🥀
(اسفة جدا لتوقف عن التنزيل وسبب نفسيتي تعبانه من الجو العام 💔 ربي يفرج علينا جميعاً ..بس اهو رجعنا )..
.
.
.
وخلق الله لنا الليل ونهار لكي نعلم ان مهمة طال الظلام فإنها ستضي ذات يوم لا شك ❤
.
.
.
صدمة محمد ومضفر ليا تعتبر كف ثلاثي الابعاد 🤦🏻‍♂️
• انا : س سنة تي شن تحكي ياراجل هلبا سنة شن هلإنجاز الاي بنديروه..
• مضفر : وهذا منبت الفرس
• محمد : والفرس امتى ينبتو فيه ..اسمه مربط الفرس يابهيم 😏
• مضفر : الي هوا ماعليك منه ..المهم فيه قصة صايرة وال حد الان كش معروف من رائيس عصبتهم وكل مايشدو واحد يطلع مش هوا وطبعا شكلهم كلها خالية صغير داري ع الخلية الكبيرة ..
• انا : وع اساس حني توا بنزبطوها ..
• محمد : خيرنا عاد ..هما ختاروك وختارونا خصيصة لان دمغاتنا غير ولعل وعسى نديرو راي ..
• مضفر : باهي علاش توا بدات طلبونا ومش من قبل ماهو ليهم قريب ثلاث سنين يدورو ..
• محمد : زبري مش قولت انا لان دمغاتنا حاجة كبير
• مضفر : شبح ها المحقق كرنبو ولا ..وخليهم يتعاركو ..وانا بالي مش معاهم بكل خديت طرف دخان وطلعت ننفخ برا ..
الموضوع كبير واضح كيف شمس وخاصة بعد ما ستدعو سامي زليتني تمت معنتا هذا الدماغ الحربي لكل شيء باهي يعرفوني انا مش سكتي التفكير وانا مقعمز يعرفوني موضوع فيه اسلاحا مدهمات تفشيخ ضرب انا فيه بس نقعد داس روحي ونستنا ف المعلومات هادي تس مخشتش راسي ..
• محمد : ولا انا ..
تلفتت لقيت محمد وراي ضحكت ع جنب ورجعت نشوف للخيل ..
• انا : كنت تسمع فيا ..
• محمد : من البدية..
• انا : تعرف ماحسيتش بروحي نتكلم بصوت ..
• محمد : مش صوت صوت بس تمتما واضحه ..طلعت وراك لما جت مكالمة لصايع سيبته وطلعت وراك ..
• انا : اهاه ..وخديت شفطة من دخان ..ونفخته بقوة
• محمد : تعرف نفس الاسئلة الي جاتك جوني بس ما فهمت فكرة حني بدات ..
• انا : ماعندهاش اجابة الا ...
• مضفر : بيدخلونا بيناتهم ..
تلفتت انا ومحمد ..
• انا : بضبط ..
• محمد : قصدك جواسيس ..
• مضفر : مش بزبط بس اقل ما فيها نقربو ل راس الكبيرة وع معلومااتنا نطيحهم..
• محمد : تعرف رسمي كلام منطقي ..
• انا ضحكت ضحكة خفيفة : والله طلعت اخبث منا ..
• مضفر : ههههه ماهو نقوللكم ديما صح تافه بس ماتاخدو كل شيء بالمظاهر ..
• محمد : هادي بتريس حق ..
• انا : هذا كله احتمالات بس سامي وربي ما تعرف طريق راسه ديما مقلوبة ..
• مضفر : مشكلة ...
• محمد : تعرفو اني خاطري ف شني ..وشبح لطوبو المية الي يصب ف حوض البط وضحك ضحكة خبيثة ...😏
• مضفر : بالل...
وبدا يبخبخ فينا والمية تلللللللج ونتعايطو ونقزو كيف المهبيل نقزت عليه وخديت منه الطوبو 💦 وقعدت نصبها فوق راسه وهوا يدف فيا وجاء مضفر بيهرب والارض سبخة( وحل ) وياخدلك احلا سالطو ف زقاق ال دجاج والبط هههههه انا جيت نجري بنوضه وخديت سالطو فوق منه لين عيط قعد الجو ضحك ولعب لين حسينا بردنا ونضنا خشينا للحوش دوشنا ..ورقدنا ..
.
.
.
.
مرو يومين
وثالث يوم صبح
نضت انا وشباب جونا مليح بس ف دخلنا حاجة تقول ان مستنينا موضوع كبير ..🤚🏼
نضنا توضينا وصلينا مع بعض ولمدنا الدبش عطيت المفتاح للبواب ..ولعت انا سيارتي بنخطم نودع ماليا 💔
ايه للاسف نودعهم لان خدمتي فيه الموت اختيار مش احتمال ⚠️..وشباب ركبو سيارتهم ولحقوني لان بنمشو ف نفس السيارة ..
خطمت ع العيلة دوشت ولبست لبس الخدمة سروال جنزي اسود وتشيرت ابيض عليه حزام الكتاف متاع السلاح ..وحزام الرجل فيه واحد صغير وسلاح ابيض وخديت الجكية الاسود
..وطلعت للعيلة لقيتهم يفطرو ..
• بوي : اوو اوس هذا امتى ..وسكت لما شبحني بالبس ...
• انا : صبح الخير ..
• امي قامت راسه مبتسمة وهي ترادع ف نفاص الخبزة : صباح النور..وفجاة ختفت البتسامه من وجهها والعيون تعبو دموع وحسيتها ريقها شاط جت بتنوض بس كانها معاتش لقت جهد لدرجة ساندتها سارة 💔.. وجتني بخطوات رزينا .. قربت مني حطت ايدها ع سوريتي وع حزام الاسود والاسلاحة بدات وقامت راسها ودموعها ينزلو بطريقه غريبة ..
• امي : هكي فيسع مليت منا تبي تسيبنا 💔
• انا : وين بنسيبكم راجع ان شاءالله بس خدمة ضروري نمشي..وانا نحاول انطمنها وهي دموعها وطريقت تنفسها واضح عليها الخوف ..
• أمي : ماتمشيش ..
• بوي: مريييم ..شبحتله ..الا المعارضة ما تعارضيه
• أمي : شن تقول ياجمال غر شن تقول وهي تبكي وخانقتها العبرة ..نبعث ولدي للموت بإيدي هذا ولدي ياجمال وضم بكل قوتها 💔علاش انا شن قصرت معاك مش عندك هلبا معاتش تخدم علاش رجعت ..لما عطلت الشباب خبطو وكان لبسهم نفس جو لبسي مشتلهم امي تجري بتسكر الباب ..بررووووو ابعدو ع ولدي سيبوووه مانبيش يمشي ..للحظة حسيت امي بتهبل ..بوي ناض يجري لأمي ..
• بوي : مريم وعطاها كف ..انا هني شديت راسي
امي نزلت ع طول ع ارض تبكي بعبرتها وحاطا ايديها ع وجهه : لاه عليك ياولدي لاه قصرنا معاك زعلناك نهون عليك نوجعني تبعد عليك 😭💔
معاتش قدرت ع كلامها نزلتلها ع ركابي ونحتلها ايديها من ع وجهه