خائن العدالة⚖

الحلقة الثالث عشر1️⃣3️⃣

#خائن_العدالة⚖
.
.
....
...
..
..
الحلقة التالث عشر 👌🏻
.
.
.
.
.
الحلقة هادي تعتبر مرتكزى ع أوس وبوبيتا 💋😍
.
.
..
#أوس
مصدوم ان فيه بنت ف سنها يصيرلها هكي وتقعد بعقلها لا وتوصل لمراحل القوة بغض النظر عن كمية الوسخ الي في ها المجال والقوة 🤚🏼 لأول مرة نعرف معنى الغاية تبرر الوسيلة 👌🏻 ..
قاعدت مرة معاها ومرة نفكر ونربط ف الاحداث ونركز ف تفصيل العيون الي يهدرزو غير الفم و الكلام الي يطلع مش لانها كذابة او حاجة بس العيون يحكو راني أنثى راني ام لبنات الله اعلم من بوهم الله اعلم كيف حانطلعهم من ها المستنقع الي انا غاطسة فيه 💔 العيون يدمعن تمشيء تنزل راسها تمسحهم وترجع تتكلم بكل قوتها 🤚🏼 حقيقي تستحق كلمة إمراة بمليون راجل لان الي صارلها يخليك انت كا راجل تطلع من عقلك يا بالك انثى 💔
سكتت شوي لما قالت انها حاتصفيهم واحد واحد ..
• اوس: كيف ..
• بوبيتا : يوم حسابهم قرب هما الصفقة الي بيهبلو عليهم كانت 1000كيلو نوع فاخر رصاص مخلط بامرجوان وهذا نوع من صفقات فيهم اعدام ع طول اول شيء المرجوان حشيش مكسكي اصيل وغالي رغم رخصه ف بلادهم ويكون مخلط برصاص الروسي هادي تكلف الصفقة 3مليار دولار رقم مايحلموش بيه اصلا حانعطيها بمملغ مش بخس بس بحيث يكونو الثلاث ف المقر الي نحدده وطبعى كلهم بيموت وياخدوها وهكي حتى قيادة سامي بيكون ف نتظارهم
• أوس: لحظة فهميني سامي هذا شن وضعه وكيف قدر يخترق جهاز الامن وشرطة والبحث الجنائي وكل هذا وبكل سهولة دار هكي معقولة البلاد سايبة هكي ..
• بوبيتا ضحكت بهزوة : ههههههههههههه البلاد ههههه غر لحظة خليني نضحك هههه تعرف ليا هلبا ماضحكت ..وفجاة ريكشن الوجه رجع لحالة من الشر غريب ...قول الزريبة قول اي شيء الا البلاد ..
خش علينا مصطفى ..
• بوبيتا : تعال فهمه القيادة من قالك البلاد مش سايبة
• مصطفى : القيادة سامي هوا حاليا عقيد سابق ورئيس وحدة البحث الجنائي حاليا 😨
• أوس: سامي ال هور ..
• بوبيتا : تعرفا😠
• أوس: يعني هوا ولا لا ..كان هذا نعرفه بس مش هلبا
• بوبيتا : هوا بلحمه ودمه سبب الهم الي انا فيه كله وحاليا هوا يدور فيا كا رئيسة عصابة يتخلص مني باش يوثق فيه البوس متع اوروبا ويبدا هو البوس هني ويدير جو زعيم وف دات الوقت ظهره محمي ب دولة ماهو جزاء منها ..👌🏻⚖
اول مرة نعرف ان حقيقي كنت مضحكة بكل المقايس لان نغرينا بشكالات اعود بالله منهم ع اساس يخاف ع دولة ويمشي ع صراط المستقيم وما يرضاش الغلط وهوا هذا كله مجرد زي يستر بيه المستنقع الي عايش فيه 💔 معقولة العدالة الي تعلمنها ف قرايتنا معنها نخنبو بلادنا معقولة خيانة بلادنا بهذي السهولة تهون علينا 💔
معقولة الي كنت نشوف فيه مجرم يطلع هوا المصلح والي ع اساس حٌومات الوطن هما سراقينها ومخربيها
سكتت وكان راسي بيتفجر من تفكير
• بوبيتا : تفضل انت ومصطفى خلوني نرتاح ورانا سبوع طويل يعلم الله شن حايكون فيه...
ناضت وانا جيت بنطلع قربت عليا وشبحتها بجد ينخاف منها
• بوبيتا: ماتتخيلش الكلام هذا الي قولته معنته اني عندي ثقة فيك ..بس خليها ف بالك شك بس بعدها سلملي ع امي😏 وركبت
• أوس ماتكلماش وانسحبت بهدو ولصراحة كنت مصدوم 💔 لان معقولة بطريقة اني كنت نتخيل روحي موضوع خيانة البلاد مستحيل وخاص مع الشخص هذا ..طلعت لقيت ميلاد مقعمز ع عرسي ووقتهاكان المغرب وفي ايده صونية كبيرة فيها خضراء
• انا : شن دير ميلاد ..😊
• ميلاد : ستنيتك لين مليت نضت قلت ندير حتى فايدة واصلا الفترة هادي المجموعة الي غادي بس تطلع مع مصطفى والبوس كيف ماتشوف فترات وفترات .
• انا : وشن الي في ايدك ..
• ميلاد :شباب قالولي خاطرنا ف سلاطة مشوية وماحد يعرف ايديرها كان انت ..
• انا : كان تبي نعاونك
• ميلاد :تعرف ديرها...
• انا : لالا لكن نولعلك النار
• ميلاد : منور ولع ياشريكي ..
شكلها التجربة هادي بتخليني نقول هلبا اول مرة خهههه
تعرفو ان شعور انك تحب شخص وانت اول مرة تشوفه لا وفوقها ترتاحله هادي ف ميلاد بشكل غريب وحسيت روحي كاني نتعامل مع لؤي او حتى اقرب ..سبحان خالق الشعور ..
المهم قاعدنا نتعاونو ومرة نهدرزو ومرة نسكتو الشباب فرشو بحدا سور لان ممنوع الحاجات هدوما الا بإذن ..درنه وكلينا وضحكنا وبصرنا وكل حد خداه الطريق بس انا وميلاد قعدنا نهدرزو مقعمزين ع العشب وزوز نشبحو للفيلا الي كيف المطار كلها اضوء كبيرة وكل واحد مننا سارح في عالم لين نتكلم ميلاد
• ميلاد : عمري ماتخيلت نقعد بلا امي ولا حتى نحظر جنازتها رغم اني لو كنت زي الخلق والعباد الي عندهم عرمت فلوس ولله مانخليها تقعد هكي يوم 💔
• اوس: وخيرها امك ..
• ميلاد : ايامات المدرسة وانا صغير بكل طحت من المسرح ع رخامة تفجر كليتي من قوة الضرب وصارلي نزيف وقعدت 8شهور ف العناية من قوة النزيف وبعدها قوة الضربة أثرت ع الكلى الثانية وهذا الي خلاهم يطلب تبرع بالكلى لان كان وضعي خطير ..ووقتها ماديتنا ماتسمحش حتى ندور متبرع 💔فا قررت امي تعطيني كليتها والاطباء وافقو وبعده خديت صحتي وبديت نتحسن ولما وصل عمري 20بديت نحاول نشد حيلي ونعاون امي وفعلى وانا ف هداك العمر ما فيش حاجة ماخدمتهاش حتى حمال شكير خدمة
• اوس: الخدمة عمرها ما كانت عيب ماتهزيش ع الخدمة العيب انك راجل وتعتمد ع امك ولا تمد يدك ..
• ميلاد : هذا الصح وهذا الي صار قعدت نلمد لين سكرت من عمري 22 و ف يوم صارت ماصة ف الحوش وحني مش فيه وشعلت النار 💔🔥 ونكتب الفلوس الي لميتهم صينت واول ما رجعنا لحوشنا وهي ضم ف الحوش زلقت وطاحت ع محبس الزرع ونفتح راسها وفقدت عيونها ..
• اوس: باهي هذا الي خلاها ءء..
• ميلاد : لا مع الوقت امي بدت ترجع لحياتها وامورها وبدت تتاقلم مع وضعها ونساعد فيها بس ف يوم كنت عندي خدمة هلبا ورجعت متاخر لقيتها طايحة ف دار وخشمها فيه دم رعشت مع بعضي قمتها وع طول للمستشفى وصدمي خبر 💔 ان عندها كتلة كبيرة وللاسف طلع سرطان والي زاد وغطى الهم همين انه لازم يتنحى لانه يمنع ف الكسجين انه يوصل لباقي المخ والموضوع يبي سفر💔 مافيش حد كلمته ساعدني نسيبي حالته كويسة بس مش لدرجة يسفرني انا وامي والسافر والعملية برا تبي مش اقل من 300،000 ..حاولت ندور شغل بس مالقيتش كان بدوقرد ف شركة الحماية ..وطلع عند بوبيتا بكم تعطي هلبا وتامين صحي وبعد 6شهور ع اساس بنمشي نشوفي امي وناخدلها الفلوس دسهم صارت الكبسة وتفجيرات وحاجة خيه حولنا لمكان تاني ومنعو علينا طلعو لشهرين حاولت نتوصل بأختي بس ماحصلتهمش بعد بضبط سنة و4شهور لمدت 40الف قولت ناخدهم دير عملية حتى ف ليبيا ولا حتى تونس المهم حل ..كنت موقع عقد لازم امتى نطلع نرجع بعد سبوعين مش اكثر وفعلا طلعت ومشيتلها كانت ضاعفة ودارت الكيماوي عفنا وايكم ..بس بدون فايدة وكانت ضاعفة توجعت وتمنيت مارجعت ومتت ف طريق ..وهو يتكلم نزلت دمعته 💔
• أوس: ادكر الله ياصاحبي لو الكلام يضايق فيك ريح وفوته
• ميلاد : لالا تمام عادي ..
خدا نفس وبدا يكمل ..
• ميلاد: يومها بجد لفت بيا الدنيا لقيت روحي قريب بننتحر كلمت صاحبي ف تونس وقولتله يسألي ع تكلفة العملية 💔 والصدمة انه قالي ابعث وراقي امك وانقولولك وفعلا بعثهم ويومين هكي ردو عليا 💔ممكن اقسى كلمة تنزل ع مسامعي او اخر شيء تمنيت نسمعه 💔 مافيش امل 💔 وهني كانت الصاعقة وكان اخر يوم ف العطلة ومعاتش لقيت كيف ندير وانا رجعت وحاولت نكلم مصطفى ووقتها طواري قالي لا بس ولد أختي وكأنه كان حاس بيا وكان الفترة الي انا مهناش فيها ووقت امي بصحة كان يسجلها ف صوتها مش قصده ان حا تموت ولا حاجة بس لان ولد اختى يحب ف أمي ويعتبر عايش معاها ولما نروح يمشي لحوشهم وهذاك هوا 💔 ف اخر ايامها رسالة الي سمعتوها كلكم قعدت هني وصار الهجمة تانية الي مات فيها صاحبي ونضربت فيها انا وحولنا لمكان تاني وتقريبا من ثلاث شهور مشيت زورتهم نطمن ع أمي قالولي ليها 5شهور متوفية 💔🔥 محرررررها الكلمة ومبيخ الحوش بلاها ما قدرت نخشله اصلا قعدت يوم مع اختي ونسيبي وصغارهم وتاني يوم نضت بكري لمدة حوايجي وجيت بنطلع ع ساكت زرق عليا ولد اختي ينادي 💔
• ميلاد : نعم اششش مانبيش حد ينوض
• خلود "ولد اخته": ياخالي خود هادي ورد بالك عليها ماعندي غيرها نسمع فيها صوت الغالية سجلته ايامات الكشاف لما نستحشها نسمعه وتوا هوا ليك بس بالله عليك امانه ما ضيعه🥺
• ميلاد : شن فسطه وشن هذا اصلا
• خلود: اتكي ع بطمة هادي وحط السماعات ..
للحظة عيوني برقو وحسيت بنعيط ع طول حسي ضميت خلود وقريب كسرتله عظامه وربي ف لحظتها وقمت روحي وطلعت خط واحد ومن يومها هذا الي مصبرني ع فرقتها💔😔ومعاتش رجعت
• أوس: ربي يصبرك ياصاحبي فرقت الوالدين اوعر منها مافيش قداش ليها الولدة توا
• ميلاد : ليها سنة وشوي 💔😔
• أوس: ربي يرحمها نوض يا معفن جيبلنا شوية من المشوي زفت جعات هههه
• ميلاد : ههههه هي هي خت فت وناض..
.

.
.
..
..
..
..
#لؤي
لما عيطت ع مأب صح وجعني قلبي بس نار الي ف داخلي بنموت منها ..
• انا : شن قال الحيوان هذا ..
• مأب خافت انه يدير مشكلة : يهدد فيا مايبنيش نوقف معاك ولا نكلمك وهكي ..
• أنا : خلي يهدد كان ع هكي بس لو قرب منك بس كلميني وياحليك كان نسمع من برا وماتقوليليش
• مأب قلبها بيطلع : ءء لالا اكيد بنقولك 💔 هيا اني بننزل سلام توا وجيت بنمشي شد يدي ورجعت بقو لين نضربت ف الحيط وجاء وجهي قريب لوجهة 😉
كانت تهبل ف ضو الخفيف وهوا عاكس ع عيونها الي تلمع 😍 قربت منها لين حسيت بانفاسها تسارعت وسخنت 🤤 و💋 كانت شوي سريعة وبعدها 👋🏼 ضربتني كف
• مأب: ماهو انتو هكي حاول من عليا خزيه ..ونزلت تجري حاولت نتصل بيها بس شيء شيء ماردتش وف الاخير حطتني ف الحظر 💔.
.
.
.
.
.
.
#مأب
نزلت من سطح اسوء من لما ركبت بكيت اكثر من اني فرحت بصدق والله ما تفرح حاجة حرام حتي لو من شخص تحبيه وخاصه لو كانت بالغصب وضد مبادئك وهذا الي داره لؤي والي خلاني بجد ندمت ان تقربت منه 💔 جنس ادم كل همهم الا شهوتهم مش موضوع انك مرتاحه او لا المهم نفسهم نزلت داري كلها كسرتها نفسيتي زادت خلاص وقتها كانت الساعة 11 ف ليل ماقدرتش حتى نكلم سارة وشن حانقولها خوك نحكيله ع عبدو ونتحمة بيه مشى باسني وحنى واقفين فوق سطح ف ليل تي هيا بروحها مش حاتصدقني او اقل مافيها حاتقولي تخوني فيا لانك ماقولتليش💔 وانا الا سارة ..
مر الوقت ويوم ع يوم ف داري مانتحركش سارة جدها مريض ولان لهين فيه انا كنت ف دوامت الاكتئاب وافكار تاخدني وافكار تردني 💔 حسيت كل شيء ضدي والحيوان كل يوم يبعثلي صورة اوسخ من الي قبلها وانا نشوف فيهم ومانردش يرن ما نردش 💔😔
.
.
.
.
.
.
.
يتبع
طبعا أسفة لان مانزلتش امس بس والله لا ضي انترنت فا محصلتش وقت 💔