خائن العدالة⚖

الحلقة الحادي عشر 💔

#خائن_العدالة⚖
.
.
.
..
..
..
..
..
يتورط القلب بما لا يشتهيه الزمن 💔🤦🏻‍♀️
..
..
..
الحلقة الحادي عشر
.
.
.
.
مأب
نضت صبح بكري دوشة ولبست وخطمت ع سرو وطلعنا للجامعة كان راسي مشوش بس الهدرزة مع سرو غيرت جوي حطنا بابا ف الكلية وكان وقتها معاتش هلبا ع المحاضرة لان عندنا متحان نصفي بس لحظة سيارة مظلمة كاني نعرفها مادورتش ..كملت خشيت للمحاضرة ودرت الامتحان وكملت اول وحدة قولت نطلع نفطر مدام تطلع سرو قعمزت ف الكفتيريا نشبحف ف 😰 ايه بضبط (عبد المهيمن )وهو جايلي طول وكان حالته لولا الخوف راه متت بضحك كان وجهة الوان طيف وايده معلق ف رقبته مهم مدشدش😂
وع طول جاء قعمز مقبلني جيت بنوض
• عبدالمهيمن من تحت سنونه : قعمزي ..
• رجعت لان نبرته كان تخوف : ششن تبي
• عبدالمهيمن : الحيوان الي بعثتيه
• انا : مابعث ..
• عبدالمهيمن: حسابك عندي قولي للحيوانك يبعد عن طريقي ولا بإيماني وديني صورك هادوما ..وفتح تلفونه 😰 صور متاع عرس وفاء وانا نبدل وكنت ف👙 وصور تانية انا وبنات خالاتي ومعانا بنات ندكر فيها بس من صورتني هكي نجلطة ..
• انا : شششن هذا
• عبدالمهيمن : الي شوفتيه😏 اسمع الكلام باهي وديريه ف بالك الاسبوع الجاي امي بتجيكم تطلبك وبتوافقي ولا وحق الله هادو يتفرقو ع شباب وندير شوية شوي ونستر عليك واكيد بوك مش حايرفض
نسمع فيه ودمي بينحرق ستجمعت قوتي ووقفت
• أنا : صراحة خوفتني هوا الحب بسيف ولا ناخدك بسيف خيرك بابا مش قوتلك للمرة المليون لو تقعد اخر راجل ف ها البلاد ماني واخدتاك عقاب معفن وتعالى جاي الصور الي عندك نزلهم اليوم مش لازم بعد سبوع ابعث امك باش نشرشحها لولا العيب وااحشوم وانها خالتي نطردها بس اكيد مش حا نديرها وانت شوف جوك واسمع مني ها الكلمتين صح بوي كبير ومعنديش خوت بس ورب السماء والارض تقرب سمعتي وشرفي نمحيك وبلقطة سريعة خديت منه التلفون ووقتي رميتة بكل قوتي ع الارض وقعدت نطق عليه برجلي وبالكعب لين دشدشته ..
• عبدالمهيمن ببرود : يعني تحسبيني مغفل نخليهم نسخة وحدة عندي مزال هلبا ..
انا خلاص ع اخري قربت وضربته ع ايده الي مجبسة لين عيط وشدني من ايدي تانية زدت ضربته تاني عليها سيربني
• انا : الي في خيلك اركبه وخالق الراس قاطعها وانت جرب حظك انا حدرتك وانت بجوك👌🏻.. ونشوف ف سارة من بعيد وكان ربي معاي لان الكافترية مافيها حد الباقي راهو بجد تشرشحت .مشتلها وسيبته واقف مصدوم خايف مش فاهمة
• سارة : هذا مش ..
• انا وخلاص بتنهار قوتي : ايه سارة خوديني من هني مخنوقة ..
• سارة : خلي نطلعو اهو لؤي جاء قالي اطلعو من بكري يستنا فينا ..
• انا بخوف : لالا فكيني توا يقعد يسال خيرك وشن فيه .
• سارة : لالا انا نتصرف ..
وطلعنا وطول ما كنا نمشو ع رجلينا للقراج الجامعة كانو دموعي كيف المطر ما بوش يوقفو وصلنا لسيارة نزلت راسي وطول طريق لؤي مستغرب
• لؤي:شني جاوبتٌ اليوم
• سارة : ايه ماينخافش علينا ..
• لؤي : ملاء خيرها مأب
• سارة : ءءء لالا شيء غر مريضة شوي
• لؤي شد فرينو ودرس ع الايمين وتلفت لمأب : خيرها خيرك مأب ..
• سارة بستغراب: وشن ها الخوف كله مرض بنات بلا تقصقصيص..قرصتها
• انا ف خاطري حشم حالك يازبالة قهرتني
• سارة : اي
• لؤي: ناخدكم مستشفى نجبلكم حاجة
• سارة : لؤؤؤي نبو روحو بس سلم وخي روح بينا راسنا مصدع من المتحان مش ناقصين
• لؤي : باهي باه ..خطم ع محل جابلنا جلاطي وشكلاطة وهلبا حاجات وكل وحدة شكارتها بروحها ..
• سارة : احلا اخ ف دنيا ..
درس ف فم حوشنا نزلت انا وقرب شوي نزل سارة ..
وانا كيف بنخش لداري تلفوني جاته رسالة ..🤨
ستغربت رقم غريب 🤨
"لاباس عليك ورد بالك ع روحك "
من هذا يارب ما يكون هذاك الحيوان قاعدة ما كملتش كلامي جتني📨
"نسيت نقولك انا لؤي وهذا رقمي تبي حاجة كلميني "
اوف ديما هكي حياتي كل شيء يجي مع بعض الباهي وشين يااارب اختارلي الصح وطلعني من ها المصيبة
وخشيت ال داري من غير ما نرد عليه نبي نرقد بس ونرتاح
.
..
.
.
....
...
..
#أوس
• بوبيتا: ليا سنين وانا خافية شخصيتي ومايعرفوش من انا وليهم فترة كل مرة يزبطو ف مكان رغم اني نغير ف كل شيء حتى من طاقم الحراسة الا انا كل مرة يلقو فينا واليوم اخر واحد ف دفعته اليوم عرفته من الحيوان . وكانت تحكي وعطيتني بضهرها
• انا : من هوا ..
• بوبيتا لفت العندي : مافيش إلا مصطفى ..
• أنا : مستحيل مش ليه سنين عندكم معقولة يغدر بيكم
• بوبيتا : ايه ف خدمتنا هادي كل شيء متوقع ..
• انا : بس مع احترامي ليك انتي غبية ..
• بوبيتا : شن تقول احترم روحك اعرف مع من تتكلم
• انا : لان رغم دكائك الحاد الا أن فاتتك نقطة مهمة
• بوبيتا : شن هي ..
• انا : مش انتي قولتلي لو داهموها معنتا فيه جسوس بينتنا ولو لا والمعلومة هادي هوا بداته عنده بيه علم باهي كيف يمشيء يورط روحه مثلا
• بوبيتا كانت واقف قعمزت : ماعاتش فهمت ماهو هوا عنده علم ف طبيعي بيمشي لان متاكد حتى لو داهمو هوا بيطلع منها ..
• انأ: لدرجة هادي عنده ثقة فيك ومن قال انك ماتكونيش حتى ف هادي تخدعي فيهم ..
• بوبيتا : هادي ممكن لو ماعنداش ثقة فيا مستحيل يخاطر ..وقاعدين نهدرزو لين لحظة ظل حد وراء لقزاز يجري للممر لحقته حتى من غير ما نستادن خشيت للممر قبل ما شفتاش رغم انه قاعد خارج الفيلا لحقتها والغريب ان الممر تسكر بعد ما خشيت ف خاطري مزال ماشفت شيء يأوس وقاعد نسمع ف الخطوات بس مش بنفس السرعة عرفت ان مالحظتش ان لحقتها قاعدة نكمل وراها كان الممر نهايته درج زي الحلزون نزلت معاه نسمع ف صوت بنات صغار بس الكلام مش واضح شن يقولو لقيت زي وسط حوش صغير فيه قريب ثلاث بيبان كل شيء فيه ابيض وكان فيه قزاز كبييير كانه فيه عاكس ومن برا مقابل الجردينة شن ها المكان ... كنت واقف نسمع ف البنت تقول للبنات صغار الله يربحكم اسكتو شوي خودو هي اللعبي تم شوي ونرجعلك انا لما عرفت انها بتطلع رجعت للخلف لين وصلت لدرج باقصة سرعة وقفت نسمع ف البنت تتكلم ف تلفون الو الو تسمع فيا اوووف تغطية نم ..خلي نعاودله قبل اهو رن ..حسيت وكان فيه حركة وراي..تلفتت
• بوبيتا بصوت شبه عالي : انت شن دخلك هني شن...
• حطيت ايدي ع فمها : اششش..
وحسيت الحيوان سمعت حاجة لما حسيتها قربت جبدت بوبيتا وركبنا الدرج فوق شوي قربت البنت
• البنت : من هنا زعيمة مصطفى هذا انت ..جت بتركب الدرج ..خلاص حسيت بننكشفو 😨لا يارب يارببب ..طاحت وحدة من البنات وبدت تبكي مشتلها تجري ارتحت 😪
• بوبيتا بصوت خافت: شن دير هني
• أنا : توا بعدين نشرحلك اسف ع تطفلي لكن لسلامتك اقسم بالله
• بوبيتا : حسابك بعدين شن فيه ..
• انا : شوي بس توا نقولك ..
• البنت : الووو تسمع فيا ..انا هانم ياحمار اعطيني القايد ..
• بوبيتا 😠😨: مممن القائد هذا ..
• انا : اشش خلينا نسمعو ..
• البنت : غيرو الخطة لانهم شكو ف مصطفى والاغلب الزعيمة بتقتله اليوم ...ايه واخيرا اخر عقبة ف طريقنا بنقتل منهم اليهم مبروك سيدي .. امتى التحرير ..ااا معتش فيها معنتا للكتحة ..ايه كويس نتلاقو ان شاءالله ربي يسترها عليك ماتنساش حلاوتي ..اوكي سلام ..
بوبيتا جت بتهجم عليها وقفتها شديتها ودفيتها بمعنا هي نطلعو ..
والغريب لما طلعت رجع تسكر الباب وصدمة مش هني الصدمة انه رجع كانه حيط 😦 قصدكم عندنا الحاجات هادي ف ليبيا كملت طريقي ولحقت الزعيمة ..
• بوبيتا : شن الي درته ال داخل راهو خليتني نقتلها ..انا الي مأمنتها ع صغاري وبعدين من وين ليها تلفون ..
• انا : صصصغارك ..انتي متزوجه ؟؟
• بوبيتا : مممعندكش علاقة خلينا ف موضوعنا علااااش ماخلتنيش نمرسها
• انا : لان لو تقتليها الناس الي حسب ماشبحت مالمحك حا يزبوط انك كشفتيها وحا يحو يكملو عليك انتي عائلتك 👌🏻..
• بوبيتا : راسي دخن ...دارت راسها بين ايديها كيف حا ندير معاتش فيه وقت اخر صفقة لازم نديرها ولو ع موتي بس بناتي ..
• أنا : لو نفهم بس والله يا زعيمة مرات نقدر نساعدك
نكدبش عليكم فيه حاجة في قلبي تقولي فيه حاجة غلط وانا من لما شوفت الجنرال وانا الشعور هذا ما فارقنيش ..يارب وجهني لصواب ..
معقولة تطلع مظلومة بس ف الاخير رئيسة عصابة ومش اي عصابة ..🤚🏼
• بوبيتا خدت نفس عميق ونفخت : اوووف اهو نحكيلك قصتي وقامت عيونها وشر بيطلع من عيونها ..لكن ورب المعبود لو تطلع الدوة عيونك نحي هملك ونوكلهم لكلاب ..
• انا : اوكي ..احكي كلمة راجل ماتطلع الدوة مني وليك مني الكلمة الي تطلع مني ماترجعي تانية الرصاصة بين عيوني بيدي نضربها 👌🏻
• بوبيتا : وليك ما قولت ..أنا اسمي الحقيقي نوميديا جمال بنت ووحيدة جمال الاجنرال صاحب اكبر شركة ادوية واغنى رجل اعمال ف شمال افريقية ..وهادي النتيجة قدامك ولو تعرف عيلتنا حا تعرف قصتنا ولان فيه حاجات مافيش حد يعرفهم ..ان يوم الي هجمو ع حوشنا وقتلو امي وع اساس ضربو بوي لدرجة وصلوه لشلال وجاته جلطة و ..نزلت راسها ...وغتصبوني 💔😔
• انا : 😰😦💔
.
.
.
.
.
.
يتبع
اليوم خلوها حلقة وحدة لان الي بعدها بنحكي فيها هلبا 💔..زعما بينفد تهديده الحيوان "عبد المهيمن " وشن حاتكون رد فعل "لؤي" زعما زي كل الروايات 👌🏻 ولا حاجة تانية
باهي وبوبيتا شن قصتها وكيف حايتصرف أوس وزعما حا يقوللها من هوا ...وعلاش دارت فيه ثقة بسرعة هادي 🤔
كلها اسئلة اني كا لميس معرفتش علاش كتبت هكي زعما نلقاء اجابة عندكم 😅