#عشق_بعد_سن_30
#هاله_محمد
#البارت_الثامن
آدم بغرور : ايه مش عايزه تعرفي ولادك فين....
مريم انصدمت وكأنه رصاصه اخترقت قلبها وعيونها امتلأت دموع .......
مريم بلهفه ووجع : انت تعرف مكان ولادي وعرفت الكلام ده منين ....
آدم بابتسامه خبث : اهدي بس واحنا هنتفق الاول وبعدين نتكلم
مريم باستغراب : نتفق....نتفق علي ايه
آدم قام من مكانه وقعد علي الكرسي المقابل لمريم
آدم : بصي يا ستي انا ممكن اعرف مكان ولادك واجبهملك كمان بس بشرط......
مريم : شرط....!! شرط ايه....؟؟ وانا موفقه بس ولادي فين هاه ارجوك قولي ....
آدم ببرود : تتجوزيني ......
مريم قامت وقفت وقالت بصدمه : انت بتقول ايه انت اكيد اتجننت ....
آدم بهدوء : اهدي بس كده ماتتعصبيش وفكري قبل اي حاجه عشان متندميش ....
مريم بنرفزه : انا فعلا ندمانه لاني فكرتك انسان كويس ولو حاجه بسيطه لكن كنت غلطانه
آدم اتعصب جدا وقام وقف قدام مريم
آدم : بقولك ايه بلاش الطريقه دي معايه انتي متعرفيش....
مريم بغيظ : انا مش موافقه وهقدر ادور علي ولادي من غير مساعده من حد...
آدم لف حولين مريم ....
آدم بتحدي : اممممم قلتيلي طب ايه رأيك لو حد اتصل ب ٱلهام وقالها انك بتدوري عليهم تفتكري ممكن يحصل ايه ....
مريم وقفت في وش آدم ولسه هتشتمه ورفعت اديها تضربه
مريم : حقي.......
آدم مسك اديها ووقف الكلام علي لسنها
آدم : اوعي تفكري اني هديكي فرصه تعملي كده ولو قلتي الكلام ده لاي حد صدقيني فعلا هتندمي
مريم بدموع وقعدت علي الكرسي : ليه كده حرام عليك انتم ايه كلكم زي بعض ...
آدم حزن عليها لكن بيين لها انها مش فرقه معاه
آدم : ممكن تسكتي وتبطلي عياط وياريت تفكري كويس في اللي انا قلتهولك..
مريم مشيت من غير متقول اي حاجه وخرجت من الشركه كلها وروحت علي البيت عند مي....
*******************
مي : مريومه انتي جيتي بدري ليه ..مي بصدمه مالك يامريم انتي كنتي بتعيطي
مريم بخنقه لاابدا انا بس مخنوقه شويه
مي : حد زعلك اكيد آدم صح هو اصلا متدايق منك من ساعه اللي حصل في الحفله انا مش عارفه انتي اشتغلتي معاه في نفس الشركه ازاي
مريم بشرود لازم يا مي اشتغل وابقي قريبه من اي حد يوصلني لولادي....
مريم : انا دخله انام يامي ....
مي : ماشي يا حببتي ....
************************
فات اسبوع بعد ما آدم كلم مريم في موضوع الجواز وطول الاسبوع ومريم متجنباه خالص. .....
في شركه آدم وحازم
حازم : ايه يامريم عامله ايه شكلك مش طبيعي
مريم : هاه لا يا حازم بيه مفيش حاجه انا تمام
حازم : بيه انا قلتلك ايه يامريم وبعدين احنا لو حدنه ملهاش لزمه بيه ....
مريم بنظره حزن وابتسامه مصطنعه : ماشي يا حازم..
حازم بابتسامه جميله : ايوه كده....بقولك ايه يا مريم ...
مريم بانتباه : خير يا حازم في حاجه
حازم : انا كنت عايزك في موضوع كده فكنت بقول لو نخرج النهارده واعزمك علي الغدا ونتكلم...
مريم بتردد بس......
قاطعها حازم : بس ايه ده مجرد غدا يا مريم وكمان الموضوع مهم.....
مريم : تمام يا حازم....
حازم بفرحه خلاص الساعه ٣ هعدي عليكي نخرج سوه.....
مريم : ماشي .........
خرج حازم من عند مريم وبعد نص ساعه دخل آدم
آدم : ازيك يا مريومه ايه مش بتسالي ليه ..
مريم : نعم يا آدم بيه في حاجه تاني ......
آدم : انتي مرضتيش عليه في الموضوع اللي اتكلمنا فيه بقالك اسبوع اكيد فكرتي كويس ...
مريم مع نفسها : انا معنديش حل تاني لازم اوافق لانه طلع انسان ندل وممكن فعلا ينبه إلهام اوحسن اني بدور عليهم ....
آدم شاور بايده لمريم : ايه سارحتي في ايه اسبوع مش مكفيكي ولسه بتفكري لحد دلوقتي...
مريم : انا......انا..
آدم / انتي ايه .....
مريم بضيق : انا موافقه بس بشرط
آدم بفرحه جواه غير ظاهره : شرط ايه بقي ولا انتي بترُضِيها
مريم : اعتبرها اني فعلا بروضها ...
آدم : ماشي يامريم قولي الشرط....
مريم : ......
********************
#هاله_محمد
أنت تقرأ
عشق بعد سن 30 بقلم هاله محمد
Mystery / Thrillerتزوجته وانجبت منه اربع اطفال لكن طمعه في المال والسلطة جعله يغدر بها ويتركها وحيده حتي بدون أبنائها لكن تتغير حياتها عندما يعشقهاااا الادم وتصبح عشقه بعد سن التلاتين جميع الحقوق محفوظه للكاتبه هاله محمد جروب الفيس روايات وحكايات للكاتبه هاله محمد را...
