اللهم صل وسلم وبارك على سيدنا محمد وعلى اله وصحبه اجمعين
#عشق_بعد_سن_30_الجزء_الثاني
#هاله_محمد
#البارت_الاول
تاني يوم بعد ماكلهم عرفوا أن مريم حامل
في قصر الجرحي
مريم دخلت عند ولادها
مريم بخضه : نور نور مالك يا حببتي قاعده لوحدك ليه وايه اللي مزعلك
نور بزعل : ماما احنا هنروح امتا وبابا مش هيرجع يقعد معانا
مريم بحزن : نور حببتي انتي زهقتي مني
نور : لا يا ماما بس احنا عايزين نرجع زي الاول نعيش كلنا مع بعض انا وأحمد وريم وزين معاكي ومع بابا
مريم بهدوء : مش هينفع يانور
نور بحزن : ليه يا ماما ماهو بابا رجع اهو
مريم بتنهيده : بابا خلاص اتجوز وعايش مع مراته وانا اتجوزت وبعدين هو عموا آدم زعلك في حاجه
نور بسرعه : لا يا ماما بس يعني
مريم : بصي يانور بكره أمه تكبري هتفهمي كل حاجه وكمان انا وبابا مش هينفع نرجع تاني،وبعدين انتي عيزاني ابقي علي طول حزينه
نور : لا يا ماما بتقولي كده ليه
مريم : عشان انا لو رجعت لبابا هفضل علي طول حزينه
نور : خلاص يا ماما انا مش هتكلم تاني في الموضوع ده
مريم : وانتوا يا حببتي لو عزتوا تشوفوا بابا في أي وقت هتشفوه
نور بفرحه : بجد يا ماما يعني مش هتعملي زي ما بابا عمل
مريم غمضه عنيها بحزن وحضنت بنتها : لا ياحببتي مش هعمل زي باباكي ماعمل
نور حضنت امها وبستها : انا بحبك أوي يا ماما
مريم بحنان : وانا بحبك انتي وأخواتك يا قلب ماما،يله روحي العب مع اخواتك
نور خرجت تلعب ومريم قعدت حزينه علي ولادها
مريم بتنهيده : الحمد لله انك يارب بعتلي آدم حبيبي وحياتي وعمري يعوضني عن وجع قلبي وحزني
عند حسن
إلهام : انت هتفضل زعلان كده
حسن مردش عليها وقام مشي
إلهام بغيظ : انت رايح فين
حسن ببرود : رايح اشوف امي واخويا عندك مشكله،ومشي خالص وسابها
إلهام بضيق : روح يا حسن أمه اشوف اخرتها أيه
عند ام حسن
فاطمه بفرحه وحضنت حسن : حسن حبيبي حمد الله على السلامه يابني
حسن حضن أمه بالم كأنه عايز يداري حزنه في حضنها: الله يسلمك يا امي
فاطمه بعتاب : كده يا حسن انت يابني اللي تعمل كده دانت كنت بتحب مريم ليه بس
اخو حسن : عامل ايه يا حسن وحشني ياخويا
حسن حضن اخوه: الحمد لله يا سعد انت عامل ايه
سعد : انا بخير بس ايه اللي انت عملته مع مريم ده دانتم كانت قصه حبكم الناس كلها بتحسدكوا عليها
حسن بوهن : معلشي يا سعد انا مش قادر اتكلم انا عايز انام شويه
فاطمة : ادخل ياحبيبي اوضتك نضيفه
دخل حسن علي اوضته ونام علي السرير هو مكنشي عايز ينام عشان تعبان هو بيهرب من كل الاسئله اللي بيتسألها وكان حزين لانه ضيع حب عمره اللي زي ما اخوه قاله أن الناس كلهم كانوا بيحسدوهم علي حبهم لبعض وعشقهم
عند محمود اخو مريم
امل : في ايه يا محمود خارج بتجري ليه
محمود : حسن رجع يا امي وانا رايحله
امل : رايحله تعمل ايه يابني اوعي تتخانق معاه وبعدي خلاص اختك اخدت ولادها واتجوزت واحد برقبت ميت واحد زي حسن
محمود وهو خارج : اصبري بس انتي يا امي وانا راجع علي طول
أنت تقرأ
عشق بعد سن 30 بقلم هاله محمد
Mistério / Suspenseتزوجته وانجبت منه اربع اطفال لكن طمعه في المال والسلطة جعله يغدر بها ويتركها وحيده حتي بدون أبنائها لكن تتغير حياتها عندما يعشقهاااا الادم وتصبح عشقه بعد سن التلاتين جميع الحقوق محفوظه للكاتبه هاله محمد جروب الفيس روايات وحكايات للكاتبه هاله محمد را...
