انا شفت يوسف ماشي بي ورانا بس عملت روحي رايحه بقينا ماشين وهو ورانا
انا : (بي صوت منخفض كدا عشان يوسف م يسمعنا) ي بنات شوفو يوسف ده ورانا وانا كلمتكم اني كان لقيتو م بريحو🙂
نسمه : غايتو بس عايزه معاهو مشاكل بي اي طريقه ي بت هو ماشي لي صحبو الاسمو جمال ده م سمعتي المكالمه
انا: ههه اكيد حركه عشان يمشي معانا زيو وزي باقي الاولاد
نسمه : لا تسيء الظن
انا : طيب قولي بالفعل ماشي لي صحبو جمال ولا جميله ده لي طيب ماشي بي ورانا كان يلف يعني مستحيل يكون جمال ده راجيهو في نفس المكان الماشين ليهو نحن الا كان ده سحر ده بقت م صدفه دي🐸💔
نسمه : ي بت هو شنو هو انتي قايله يوسف ده زي باقي الاولاد ي بت مستحيل بعد سماحتو وشطارتو دي يجري ورا بت ووقت يجري يجري ورانا نحنا؟؟😹💔اختشو عليك الله من سماحتنا يعني لما يجري ورانا ولد وكمان يكون يوسف🐸💔
انا : هيي ولي م يجري ورانا طبعا الف من يتمنانا هو واحسن منو اصلا ده شنو الطيره ده اصلا م بخش راسي
(يوسف سمع كلام امل الاخيير ده.. يوسف ابتسم ابتسامه خيفيه بالجنبه كدا😏 وقال بينو وبين نفسو وطلعت زي م انا عايز وواصل مشي ،يلا وهو ماشي كدا لقى جمال من بعيد واشر ليهو بس امل وصحباتها م لاحظو وطبعا يوسف لسه ماشي بي وراهم وجمال متجهه علي يوسف وديل لسه مفكرين انو يوسف ماشي وراهم شويه كدا وامل خلاص قفلت معاها واتلفتت لي يوسف وبي غضب شديد قالت)
انا: انت لي متابعنا من قبيل😠
(يوسف طنشها وسلم طوالي لي صحبو جمال ومشى معاهو وخلا امل نظام سفهها وكدا 😹😹💔طبعا امل خشت في ضفورها وزاد كرهها لي يووسف شديد🐸 وهو م جايب خبرها… )
نسمه : السفهو منو ي ناس السفهو منو سيد المشاكل خلو وسفهو ي يمه سفهو😹😹👋
انا: اسفهك واحد مجنون ي حيوانه يخلي ريحتك طير طير بركه الله😣حيوانه جزمه
نسمه : الحرقو منو ي ناس الحرقو منو 😝
نيرمين: ي بت خلاص البت ملت شديد وزهجت من الموضوع البايخ ده م تزيدي عليها
عبير: تستاهلي زاتك ي امل مالك ومالو اسي في داعي للخفه واللفه مالك ومالو يمشي ورانا ولا يتبسم ولا بتاع هو لسه م فتح خشمو معانا ولا سألنا لو عمل حاجه من ديل كنا ادبناهو وم ريحناهو بس هو لسه م قال شي ولا عمل وهسي اثبت ليك انو بالفعل كان جاي لي صحبو جمال يعني لا ماشي معانا لا شي عشان تاني م تتسرعي وتصبري اسي احرجك وسفهك ساي
انا: خلاص سمح م تمسكوها لي زله ود اللذين غازني ياخ😹💔
نسمه : اسي الا تاكليها في حنانك😂
انا : يخوانا شبعت من كتره م باكلها في حناني😂😭
عبير : كر علي حالتك بالبلاء
*مشينا عبير ونسمه م كان عندهم محاضره بس انا ونيرمين كنا شغالين محاضره مشينا حضرناها كانت مع الدكتور هيثم كان ظريف شديد ضحكنا شويه في المحاضره وواصل لينا وقال لينا انو اهم شي التركيز والخ… ركزت شديد في المحاضره ولخصت وسجلت في دفتري دخلتو الشنطه وانتهت المحاضره طلعنا انا ونيرمين ولقينا نسمه وعبير طقو الونسه بره لمن بياكلو في اندومي باعونا المعفنات طبعا عندنا خالتو نفيسه دي بتعمل شاي عجييب مرات م بشرب شاي الصباح في البيت بجي بشربو معاها هي ظريفه كدا ونحنا صاحبناها بقينا نجيب ليها الاندومي تعملها لينا في الجامعه وناكلها😹*
نيرمين: واااو بتاكلو في اندومي عيب عليكم لي م عزمتونا😣💔
عبير : كر علي م تستاهلو😹💔
انا: بعتونا ي سجم اصبرو ليكم يوم
نسمه : يوم ولا يومين😆
انا: عشره😏
نسمه : لالا يخ كترتيها عشره عديل م مشكله نعزمكم اسي
انا: لالا حردنا زاتو مش كدا ي نيرمين
نيرمين: ايوون زعلنا وم عايزين😣
عبير :برلله نجيبها ليكم في المحاضره يعني🧐خلاص كمان بنحنك ليكم خالتو نفيسه ونجيبها ليكم كلو علينا اكلو بس برضو كدا م عايزين؟
انا : اااي م عايزين
نسمه : هوي عنكم في ستين احسن زاتو ي بت نلم قروشنا علينا عان بدلعو فينا كيف عشان م لاقين ليكم كراش تدلعو فيهو قلبتو علينا
عبير: شكلو كدي ي انتي لكن ي بنات امي نحنا قريشاتنا ديل بعد سل روح بنلمهم اسي كون انو عزمناكم اندومي من يد حجه نفيسه نحنا كدا م قصرنا تب والله🐸💔اسي عايزين ارح م عايزين داهيه تاخدكم انتو والاندومي حقتكم😹👋
انا: هووي اي شي ولا نونو اي تاخدنا نحنا بس نونو دي حبيبتنا م بنقدر نتخلا عندنا ابدا ابدا😱😣
عبير: كدي ثواني بس نونو دي منو🌝
انا: ي بت نونو دي حبيبتي براي دي الاندومي يخ😘
عبير: كر علي لمن دلعتوها 😂😭👋حال الهناء عاد انا يوم كدي بس م دلعوني دنيا جاااسيه
انا: انتي اسمك اندومي
عبير : اكيد لا 😏
انا: اذا بطلي هباله الدلع لي حبيبتي نونو وبس😌
عبير: الننا الما تلقيها + اسي الدخل نونو في الاندومي شنو الشكيه لي الله غايتو تخلف بس
انا: عجبني وسميتو ليها + حقتي وانا حره اتخلف معاها ولا اجن ولا اعقل حقتي وبسوي العاييزاهو🐸
#بقينا بنتونس كدا مشينا اكلنا الاندومي هوي اي شي ولا عزومه الاندومي دي فرصه لا تعوض😂 وبعدها كدا حضرنا اخر محاضره وقلنا نكبرها بعد ده..طلعت براي طبعا شفت ناس نيرمين ونسمه وعبير بيتهم وين بس طلعت بيتوهم م جنب بيتنا المهم طلعت مشيت براي قلت اركب مواصلات مشيت بره الجامعه وبقيت ماشه علي الموقف كان قريب م بعيد بقيت ماشه بي رجولي وللاسف لقيت يوسف وكان ماشي معاي😠م اشتغلت بيهو لان اصلا م شفتو في وشو وم عرفت انو يوسف وبقيت ماشه شويه كدا دقت لي امي
انا: نعم ي مزه اقصد ي السمحه 😹
امي: وين انتي محاضراتك الليله كم اصلو
انا: ثلاثه ي امي اسي انا ماشه علي الموقف شويه واجي
امي: طيب ي بتي ربنا يوصلك بالسلامه
انا: اميين
# وقفلت الخط وبقيت ماشه شويه ويوسف قبل علي عاين لي مسافه كدا وقال لي : السلام عليكم
انا: وعليكم السلام "بدون اشوفو واعرف ده منو شويه كدا رفعت راسي شفتو لقيتو ياهو زاتو يوسف حمرت ليهو كدا ونزلت راسي منو… طبعا هو طويل وانا جنبو زي بتو 😹😭عشان كدا الا ارفع راسي واشوفو "
#المهم بقينا ماشين مرينا كدا بي سوبر ماركت اسمو العوالي اها نفسي دخلت في نوتيلا ولا كذبت دخلت مشيت جبتها ودخلتها في شنطتي طبعا انا من مدمنين النوتيلا لما اشوفها بسوح عديل 🤤اها م قدرت انتظر لما اصل البيت قلت شويه كدا واكلها وطبعا يوسف تاني بعد السلام داك لا سألني لا سألتو وكملنا مشي لما وصلنا الموقف لقينا الناس واقفه وماف مواصلات جات اول حافله واتملت سريع وم ركبنا بالله يوسف قعد ليهو في مسطبه وانا فضلت واقفه شويه كدا وجات حافله تانيه وانا ولا كذبت طوالي نطيت بالشباك وقعدت😂😭😂بالله الناس دي تقول عايزه تاكلني كلهم بعاينو لي ويوسف ده اسكتو ساي بطنو وجعتو من الضحك😂💔ولما ضحك واي طبعا اول مره انا اشوفو سمح او اول مره اشوف ولد سمح اساسا يخ بالله عسل عديييل احي انا من ضحكتو دمااار والحاله الوجنات اللهم الثبات طبعا قربت انزل وانط تاني عشان اشوف الضحكه دي 🤤المهم ركب الحافله وقعد كدا بعد كرسي النص وانا قعدت في الكرسي الفردي قصدا🐸وكل شويه اعاين للنوتيلا واقول عايزه اكلها تاني اقول الناس وبتاع ي زول قلت م عندي شي لي زول طلعت النوتيلا وقلت بي صوت عالي في زول عايز؟؟ كلهم قالو لي بالهناء😂😭💕طوالي طلعت لي ملعقه حقت شوكلت صغيره كدا وبديت اكل ويوسف ده بعاين لي بي استغراب كدا وكل شويه يشوفني ويضحك بي تحت نظام م اشوف ضحكتو وكدا او زي الشافني مجنونه وعرف جني😂💔مديت ليهو النوتيلا قلت ليهو عايز؟؟(طبعا احرجتو😂😭)
يوسف: لالا شكرا(وظاهر عليهو عايز يضحك بس كاتمها)
*قبلت منو وتميت باقي اكلي طبعا م قدرت اخلصها قمت قفلتها وبقيت قاعده عندي مرايه كدا طلعتها شفت وشي عشان م اكون لخبطتو زي الشفع بالنوتيلا
بالله لقيت حالتو بالبلاء طبعا انا م عندي حاجه للناس لا بشتغل بيهم لا باخذ رايهم في حاجه اي بستشير ناس كتيييره قبل اعمل حاجه بس في النهايه بسوي الفي راسي😌م علينا نضفت وشي واصلا كان الشارع الجاي شارع بيتنا شلت شنطتي وقايمه ماشه سمعت يوسف قال لي مع السلامه طنشت ونزلت وصلت البيت..لقيت باب البيت فاتح خشيت*
انا: السمحه وينك
امي: تعالي ي بتي انا هنا
*مشيت عليها*
انا: كيفك الليله
امي: كويسه والله بس فقدناك وعمك ومرتو من قبيل بسألو منك استحمي وامشي ليهم
انا : لالا بمشي ليهم اسي دقايق واجي🚶♀️
امي: استحمي اول بتمشي ليهم م تخافي🐸👊
انا : نو نو💃
امي: انونيو اضنيك
انا : واااا م بجيهم شي م تخافي عليهم😝
(بحب اكاويها رغم انو مرات بدق وباكلها في حناني🐸💔)
*وقمت جاريه مشيت علي ناس عمي يس ورانيا دقيت باب غرفتهم وقلت : عمووو يس*
عمي يس: خشي ي امل الباب مفتوح
*فتحت الباب ومشيت عليهم كان عمي شايل اللابتوب وشغال ورانيا بتضرب في منكير😂😭*
انا: بس ياها زاتها ماما بتضرب في المنكير وبابا شغلو كتير🌚
يس: ههههههه مش
رانيا: غايتو البت دي مجنونه م نصيحه بدل ده تعالي ساعديني في ضرب يدي الشمال منكير عشان م ح اعرف ليها بكره عندنا عرس😍
انا : جاااده😍 *جري مشيت ليها في السرير قلت ليها: عرس منو ي بت*
رانيا: عندي صحبتي عرسها بكره
انا: وانا م حتسوقوني😒☹
رانيا: اكييد انتي اول وحده اتجهزي بس اصلا العرس بي المساء يعني بعد تجي من الجامعه
انا: ظااابط بس اوع تركبوني ماسوره حتى لو امي م رضت تجو تقنعوها لي
رانيا: معقووله بس حااضر
انا: انت ي يس م تعمل لي فيها اطرش سامعني وفايت اضانك🌚👋
يس: ههههههه حيوانه اكيد ي بت كان م مشيتي انتي يمشي منو
انا: كر علي بخجل انا🙈
يس: ام لسان طويل بقت تخجل🐸💔
انا : يسل شنو اقول ليك
يس: لعلاعه حسك السنين ده ارتقي شويه ابقي زي البنات ي بت م شفتي البتمايعو ديك تحسيهم بنات بنات اسي انتي بت وديك بنات🌚💔اسي يعرسوك كيف انتي
انا: هوي ها اولا انا لا برتقي لا شي العايزني كدا حبابو والما عايزني يشوف ليهو حته يلف عليها ثانيا البتمايعو ديك لا بنات لا شي ديك بتشبهو بالبنات ثالثا انا م بعرسوني انا بعرس يعني بختار انا م بختاروني🙈
يس: اي اشك في ذلك اصلك محمد ولد الخوف تمشي تعقدي عليهو انتي بي جنك ده 😂
انا: هوي ي رانيا امسكي راجلك ده عليك
رانيا : هوي مالي ومالو انا😂💔
يس: اها خلاص نكرتيني حطب
رانيا : الووو الشبكه قطعت😂💔
يس: بت المره😂
#(نسيت اوريكم امل دي بعد قصه حبها العاشتها وفشلت دي تاني كانت بتأيد الحب نهائي وبتقول انو خرافات وكلام فاضي وبرضو انهم اغلبيتهم كذابين وم بتصدقو رغم انو بتشجع الناس للحب وجمعت ناس بتحب بعض قبل كدا وكمان حلت ليهم مشاكلهم… )
*مشيت خليتهم استحميت نمت شويه كدا وصحيت صليت العصر ومشيت قريت من شيتاتي مسااافه كدا صليت المغرب مشيت حضرت مع عمي ورانيا فلم غايتو عمي نصو معانا ونصو في اللابتوب😂😭كل شويه رانيا تركزو وتقول ليهو شوف عملو كدا وفعلو كدا حتى يركز معانا شويه ويرجع لي لابتوبو عديناها ونسه كدا لحدي اذن العشاء صلينا ومشيت شلت تلفوني دردشت مع شلتي في الجامعه عملنا قروب كدا كان فيهو عبير ونيرمين ونسمه وانا بس لكن دخلوني في واحد تاني مختلط تقريبا كان لي كل زول في الجامعه واتونسنا فيهو عديناها ونسه للساعه 11 الحاجه المهمه في ونستنا دي كانو عاملين كرسي ساخن وكان الليله علي واحد في القروب اسمو احمد وقالو انو بكره علي قالو حيردموني😂😭 ومشيت نمت طبعا جني وجن السهر ماف داعي اقول لي لانو عارفيني سنجل وم عندي زول اساهر معاهو للصباح😂😭*
#يتبع…
كسره بسيطه :-
حبو امكم لطفو جوكم معاها خلوها تكون جنبكم احكو ليها مشاكلكم ويومكم من بدايتو لي نهايتو ولو جربتو ح تلقوها مركزه معاكم وبتسمع ليكم وكمان بتديكم نصايح وبتوريكم الغلط من الصاح فضفضو ليها وح تلقوها احسن صديق ليك لانو مهما كان ماف زول ح يحبك اكتر من حب امك ليك 🖤بالمختصر كدا ممكن تقولو الام دنيا واخره 💛ربنا يحفظ جميع امهات المسلمين والاتوفو ربنا يرحمهم💗
#Loooza💕
