ايهم دخل الرقم في تلفونو وطلع ده م معاذ
أيهم: انتي متأكده م بتعرفي الزول ده
انا: اي والله م بعرفو
أيهم: طيب بعرف اسمك وبحبك كيف؟؟
انا: الله اعلم
(شويه وجاتني رساله تاني )
أيهم:شوفي الرساله من نفس الرقم ؟
شفتها وطلعت من نفس الرقم وكان مضمون الرساله م تتكلمي مع أيهم تاني لاني بغير منو
انا: اي من نفس الرقم
أيهم: كتب شنو
انا: قال ابعد عشان هو بغير😂😭
أيهم: وانتي عاجبك الموضوع ي رمه😒
انا: لالا بس شي غريب الناس كلها بقت تحبني فجأه😂😭
أيهم: بطلي هبل كدي نشوف رقمو في النمر بوك
انا : اووكي
(شاف الرقم وظهر ليهو الاسم يوسف عبدالله😱)
أيهم: اسمو يوسف عبدالله بتعرفي زول بالاسم ده؟؟
انا: بعرف واحد اسمو يوسف لاكن م عارفه اسم ابوهو منو
أيهم: ده يوسف القلتي لي عنو ده
انا: اي ياهو لكن م معروف ده هو ولا لا
أيهم: تمام انا بتصرف عارفاهو بقرأ في كم؟؟
انا: في رابع
أيهم: تمام يلا امشي نتلاقا بعدين
انا: اووكي
(مشيت منو وانا م مطمنه عارفه أيهم زول عصبي وكعب شديد بس الشي المحيرني لي مهتمي لي امري كدا وكمان بعصب لما تجيني رسائل زي دي وبحاول احل لي مشاكلي وقال لي ابعد عن معاذ ي ربي حاصل شنو لي بتصرف كدا قلت تاني يمكن بعتبرني زي اختو عشان كدا ومريت علي الموضوع عاادي،،لقيت انفال جرتني من يدي ومشت بي بعيد وقعدنا تحت الشجره😍 )
انفال: ي بت مشتاقين عديل بقيتي الوقت كلو مع زفت الولد داك😒لكن يهنايه مزززه عديل هو قاااطع ده جبتيهو كيف ي بت اللذين😉
انا: بالاكتتتر وربي بس عندي معاهو موضوع عشان كدا،،اي سمح🙈
انفال: طيب بس هو مالو طوالي معاك وبدافع ليك كدا حسيتو حبيبك🐸
انا: والله انا زاتي م عارفه لي حيرني بس هو م حبيبي
انفال: كدي احكي لي حاصل شنو
انا: بقول ليك بس بيني وبينك جن احمر م يعرف
انفال: ظابط
انا: يلا شفتي معاذ قال بحبني تمام وقال لي ابعد من أيهم عشان هو زول تافهه وبتاع بنات وبلعب بيهم وكدا،،
انفال:معاذ المعانا ده قال بحبك؟😱و أيهم ده منو؟؟
انا: اي معاذ الواااحد ده ،،وأيهم ده الولد الهسي ده
انفال: واااي لكن معقوله يكون بحبك ي بت معاذ ده زول ضحك بس م زول جادي
انا: اي أيهم برضو قال لي كدا
انفال: لكن معقوله يكون أيهم زول تافهه وبتاع بنات
انا: والله م عارفه بس م اظن قال انو انا اول بت تتكلم معاهو كتير كدا
انفال: طيب انا بحاول احنك معاهو بعداك نشوف لو بتاع بنات ولا لا
انا: لالا يخ هو بعرفك
انفال: م حنك بعرف اتصرف
انا: طيب وشوفي المصيبه التانيه جاتني رساله من واحد قال لي بحبك وعايزك حلالي وكنت جنب أيهم ووريتو
انفال: وتعابير وشو كانت كيف أيهم لما وريتيهو
انا: غضب شديد 😂😭
انفال: وطلع منو الزول ده
انا: عملنا ليهو بحث في النمر بوك طلع اسمو يوسف عبدالله
انفال: واااي ده ولد رابع😍😍عاد لكن ي امل شفاااتيه لقطي الاولاد المزز بس كلهم اسي تاني خليتي لينا منو😂😭
انا: هسي عليك الله انا ناقصه ؟؟
انفال: ي بت الله اداك المهم اسي من طريقه كلامك ده انا اكتشفت انو أيهم ده بحبك بالجد وم زي الطير ديل بس هو شكلو زول تقيل ولا كتوم م عارفه وم عايز يكلمك بي مشاعرو
انا: ي ريت ي بت بس م اظن😂😭يحب لي شنو عليك الله🐸💔
انفال: شكلك مكسره فيهو ي بت اللذين😉
انا: احم🙈
انفال: طيب اعترفي ليهو هو شكلو م ح يعترف
انا: مستحيل طبعا الخفه م تبعنا
انفال: ي بت م خفه ولا شي لو هو بالجد بحبك م بعتبرها خفه منك
انا: لالا يعترف هو اول بس ولو م عايزني بي وشو
انفال: خلاص اقعدي ي العويره لمن يتشلب منك
انا: بي وشوو
(اي بقول ليها كدا لكن من جواتي خايفه بالجد انو يتشلب💔قلت اي انا عارفاهو زول كتوم بس زي اعترف لي بي قصه حياتو لو بحبني يعترف بحبو المهم قعدنا كدا ومشيت حضرت المحاضره وجيت طالعه مشيت لي أيهم في البنش حقنا😋💕لقيتو لسه م جاء قلت الليله الا اعمل زي حركاتو قعدت في الكرسي وركبت سماعاتي وشغلت اغاني بأعلى صوت وصاره وشي وشغاله بالتلفون وبهز بي رجلي طبعا اندمجت شديد لقيت الحاجه ممتعه😂💗قريب نص ساعه او اكتر بشويه بعد شويه اشوف ليك أيهم قدامي وكان بعاين لي بي طريقه غريبه لمن سرح😂ملت روحي شفتو طوالي)
قلت ليهو: شفت انا الزول لو جاء بي جنبي ومربكه سماعه بشوفو🌚
أيهم: انا قاعد هنا لي ربع ساعه😂💔قال شافتني اول م جات قال😂💔
(طبعا احرجني اكتفيت اني ارد ليهو بي ابتسامه بارده😭😂)
انا: (قعدت كويس وعاينت ليهو جوه عيونو) أيهم انا عايزه اتكلم معاك في موضوع مهم
أيهم: بخصني ولا بخصك
أنا: بخصك
أيهم: طيب دقيقه نكمل البخصك اول
انا: طيب احكي
أيهم: الولد الاسمو يوسف ده ياهو طلع يوسف الفي الجامعه
انا: اممم م تشتغل بيهو
أيهم: ح ادقو بعدين م تشيلي همو المهم بس حبيت اوريك اها انتي عايزه تقولي شنو
انا: تدقو؟؟😱
أيهم: اي
انا: لي تدقو
أيهم: عشان م يقل ادبو معاك تاني
انا: انا منو ؟؟م فيها شي عادي انا كتير مريت بالحاجات دي وبطنشها بس + ح يفصلوك لو دقيتو
أيهم: انتي م عليك انا بعمل البريحني
انا: لا يعني عايز تعمل لي نفسك مشاكل عشان بس قال لي بحبك؟؟
أيهم: اللهم صبرك ي روووح ياخ انتي م عليك اسكتي وخليك في حالك😒عايزه تقولي شنو انجزي
انا: طيب م علينا بس عليك الله م تسألو
أيهم: لي عايزاهو انتي؟؟😒
انا: لا طبعا
أيهم: طيب قفلي
انا: قفلت😒،،نرجع لي موضوعنا
أيهم: اي اها
انا: انت مش قلت انو عمك نقل الملكيه بي اسمو وغشاك لما كنت صغير
أيهم: اي
انا: ولحدي اسي الملكيه بي اسمو؟؟
أيهم: اي
انا: وانت م عندك ولا شي من الوراثه؟؟
أيهم: كان عندي كل شي بس هسي لا💔
انا: ااين ي أيهم كدا حرام في حقك انا ح اقيف معاك ونرجع حقك كلو
أيهم: لا انا م عايز شي خلي يشبع بيهم
انا: ح تخلي تعب ابوك عشان يعيشك في حياه حلوه في يد زول ح يلعب بيها بس؟؟م صاح منك تتخلى عن تعب ابوك بالسهوله دي رجع املاكك واستفيد منها وكبرها
أيهم: وقولي اني عايز ارجعها ح ارجعها كيف؟؟
انا: انت بس وافق والباقي خليهو علي
أيهم: اوك موافق
انا: اووكي نتلاقى الصباح وبفهمك اي حاجه بالتفصيل
أيهم: تمام
انا: مع السلامه
أيهم: مع السلامه
(مشيت منو وانا بفكر اساعدو كيف لحدي م جاتني فكره خنفشاااارييه😍😍♥♥)
يتبع…♥
كسره بسيطه:-
لمن تختار صديقك اختار الصديق الح يقيف معاك في المره قبل الحلوه الح يحب ليك زي م بحب لي نفسو اختار الصديق البي سببو ممكن تخش الجنه اختار صحبك البحل ليك كل مشاكلك البقيف معاك لمن يتخلو عنك الناس كلها💗
#Loooza💕
