عدت الايام وبقينا شله انحنا ناس نيرمين وعبير ونسمه وشله انفال تعالو اعرفكم عليهم طبعا ظريفين شديد نبدا ليكم بالاولاد اول😂💜ف الرجال قوامون علي النساء😎 في واحد اسمو علي ود قيافه وسمح سماحه عسل بس قدرنا طبعا زول تقييل شديد ماف بت جزبتو لي يوم الليله😂✋تاني في واحد اسمو معاذ ده ظريف خلاص دمو خفيف من اول م شفتهم واتكلمت معاهم شويه كدا حسيت انو زول بتاع ضحك رغم اني م قعدت معاهم كتير بس وجييه لكن شكلو زول بتاع بنات كدا م علينا يلا اوريكم البنات وحده كدا اسمها دانيه عاد سمحه سماحه قاطعه وفي دعاء وساجده وتهجد ديل علي ما بقولو بنات منبرشات في الغاشي والماشي وبعد ده بايرات😂…
في صباح اليوم التاني🌞،،
صحيت بدري الليله غير العاده صليت واستحميت لبست وسلمت علي امي وبقيت ماشه وصلت الموقف كدا والشي الغريب الليله غير العاده م لقيت يوسف طبعا كان يومي بجي وينتظرني 😂بالله زي الكلب البوليسي والليله م جاء طبعا حيرني لانو صراحه اتعودت اني يومي اشوفو من الصباح في وشي المهم اتلفت يمين شمال م لقيتو قمت ركبت المواصلات المهم وصلت الجامعه وكان عندنا اول ورابع محاضره في الجدول خشيت القاعه لقيت شلتنا كلها عدا انفال استغربت لانو هي م قعد تغيب سألت نيرمين قلت ليها وين انفال الليله
نيرمين:ساجده قالت انو دقت ليها وانو انفال قالت هي عيانه عشان كدا م ح تجي
انا: اوووو سلامتها ي رب
نيرمين: اميين
(تلفوني كان مقفول المهم فتحتو قلت اطمن عليها لقيت انو كانت داقه لي اكتر من 10 مكالمات لما كنت قافلاهو ومرسله لي كاتبه : ي بت مالك قافله تلفونك دقيت عشان اقول ليك الليله م بقدر اجي الجامعه عيانه والله بس بلييز سجلي لي المحاضره واي ملاحظات كتبتيها اكتبي لي معاك لحدي اجي بكره)
شويه كدا وجاء المحاضر قمت قلت خلاص اضرب ليها بعد المحاضر اصلا ح نقعد تاني فتره حتي نخش المحاضره الرابعه عملت تلفوني صامت ودخلتو الشنطه حضرنا المحاضره وسجلت ليها وكتبت ملاحظات لي وليها💗
طبعا كان الجوو خريف 😍😍😍
شويه كدا وصبت المطره وطبعا نحنا م كان عندنا محاضره وانا بحببب المطططر شديييد ولما تصب بحب امشي حفيانه تتخيلو😂بحب الطين والخمج😆😂💔المهم م علينا طلعت جزمتي وبقيت حايمه ساي في المطره وطبعا فرحانه كيف بعجبني جو الخرييف ده شديد بقيت قاعده في البنش وفي المطره وسرحت كدا بعيييد بس شويه كدا اتزكرت ابوي💔صراحه اشتقت ليهو والله لي زمنننن منوو😭شويه كدا وقمت تاني بقيت ماشه في المطره برجولي حافيه طبعا الناس مستغربين فيني وكلهم خشو من المطططره عدا انا😂😂😂بقيت ماشه وماشه وبغني شويه كدا لقيت لي ولد قاعد كدا في نص المطره وخاتي يدينو فوق راسو وشكلو زي الببكي💔شفتو انا اشوف اي شي ولا اشوف دموع زول ما عارفه بس لما اشوف زول ببكي تلقائيا ببكي معاهو بدون اعرف السبب قعدت جنبو وقلت ليهو السلام عليكم
رفع راسو عاين لي بأستغراب كدا ورجع دنقر تاني قال شي كدا بس م سمعتو شكلو رد السلام😂
شويه كدا وقام قعد في البنش التاني بس عارفني عنيده كيف مشيت ليهو وبرضو قعدت جنبو
قال لي: مالك ياخ عايزه شنو (بي عصبيه كدا)
شويه كدا وقعدت ابكي معاهو
عاين لي كدا زي دي ماله عويره ولا شنو😂😭
قال لي: مالك ي بت(بي صوت مكسور كدا وبحاول يخفي دموعو طبعا عارفين الرجال دمعتهم حاره كيف)
وانا لسه مواصله بكي طبعا الولد ما عرف يهديني ولا يكمل بكاهو😂💔
هو: مالك اسي انتي 😒😠
انا: (وببكي زي الشفع😂💔) بتبكي لي انت؟
هو: انتي دخلك شنو ؟؟بتعرفيني من وين؟؟
انا: يخ انا م بعرف اشوف زول ببكي واخليهو + م بعرفك بس حابه انو تفضفض لي
هو: يعني اسي انتي بتبكي لي مثلا
انا: احكي لي مشكلتك وبحكي ليك مشكلتي
هو: انا م عندي اي مشكله وشكرا ليك
(قام مشى بس انا اعند منو ومشيت تاني معاهو بقي ماشي وماشه معاهو)
هو: انتي دايره مني شنو ي بت الحلال
انا: عليك الله احكي لي مالك لو م حكيت لي م برتاح
هو: ي بت الناس انا م عندي مشكله ولا مشكلتين انا عندي مشاكل ومشاكل عديده وصراحه تعبت من مشاكل حياتي وبكيت عشان ارتاح بس م اكتر
انا: معليش لو ازعجتك بس انا زوله فضوليه ولو م كنت وريتني م كنت ح اقدر اني انوم الليله واهم شي النوم ي عمك😂
هو (ضحك لي ضحكت زول مكسور)
انا: اسمك منو انت
هو: اسمي أيهم وانتي
انا: اسمي امل
أيهم: نسيت اسألك مشكلتك شنو قلتي ح توريني
انا: انا بس بفتقد لي ابوي لانو في السعوديه وليهو تلاته سنين وم بتزكرنا مرات في السنه بتكلم معانا مره وانا اشتقت ليهو شديد😭
أيهم: خلاص بطلي بكى خليك قويه الدنيا دي لابد انها تعاكس الزول وتحاول تكسرو بس م تديها فرصه انها تكسرك
(كلامو ده شجعني شديد من جواتي وقواني صراحه كدا ارتحت ليهو💜)
انا: ان شاءالله هسي انا حكيت ليك السبب والمشكله بس انت م حكيت لي مشكلتك بالظبط لو ممكن تحكيها لي هسي ولا وقت م تحتاج تحكي لي انا جاهزه اسمعك💜
أيهم: اسي زهجان وقافله معاي نتلاقى بكره الصباح في البنش داك (اشر علي البنش) وبوريك اي شي بالتفصيل
انا: خلاص تمام،،،،يلا مع السلامه
أيهم: الله معاك
(تعالو اوصف ليكم شكلو ملامحو حلوه كدا شعرو اسود م شاء الله وعيونو بالله تحلف تقول مكحله طويل ومعضل بس م شديد لكن غايتو بس ولد زي صباح العيد💗م عرفت عنو كتير بس ارتحت ليهو م عارفه لي ووشو مكشر 🙂… )
#مشيت منو طبعا المطره وقفت المهم لقيت ليك نيرمين في وشي
نيرمين: خلاص نسيتي يوسف ي كلبه وشفتي المززه ده😍لقيتك خطيره لكن دردقتي المزز ديل كلهم فيك
انا: لالا فهمك فات بعيد شديد انا بس حاولت اواسيهو واتكلم معاهو
نيرمين:(بي تمايع كدا ونظام اني كذابه) تواسيهوو😆وغمزت لي
طنشتها ومشيت منها خلصت محاضراتي ومر اليوم في السليم وطبعا يوسف اليوم ده م جاء شكلي بعد شفت أيهم ده نسيت حنان يوسف علي قول نيرمين😂لكن بالجد انا يعني م حبيتو حب كدا بس بالجد حسيتو زول كئيب وعايزه اطلعو من اكتأبو ده بس
في الصباااح🌞
#يتبع….❤
كسره بسيطه:-
ممكن زول يجي متأخخخخر بس بقعد في الصف الاول في حياتك💜💜
#Loooza💕
