RANJISH HI SAHI [𝕮𝖔𝖒𝖕𝖑𝖊𝖙𝖊𝖉]

Chapter 10| Eternity in an hour (اک لمحے کا جہاں)

Main Paishawar Faraibi Hoon , Mohabbat Kar Nahi Sakta

Faqat Lafzi Mohabbat Hai Main Tum Pe Mar Nahi Sakta

Mohabbat Ki Musafat Ne Bahut Zakhmi Kiya Mujh Ko

Abhi Yeh Zakhm Bharne Hain, Main Aahen Bhar Nahi Sakta

Bhale Tum Ne Nahi Chaha , Magar Mein Ne To Chaha Hai

Tumhari Yaad Ko Dil Se bhi Baahir Kar Nahi Sakta

Aray Oh Ishq !!! Chal Jaa Kam Kar, Kis Ko Bulata Hai ?

Husn Bazar Main Bikta Hai , Sooli Charh Nahi Sakta

Yahan Har Aik Chehray Par Alag Tehreer Likhi Hay

Meri Aankhon Main Aansoo Hain , Abhi Kuch Padh Nahi Sakta

Main Apni Raat Ki Zulfon Main Khud Chaandi Sajata Hoon

Main Uski Maang Main Waadon Ke Heeray Jarr Nahi Sakta

Main Us Ghar Ka Muqeemi Hoon Jisay Oqat Kehte Hain

Main apni hadd mein rehta hun, sou aagey barh nahi sakta

Muhabbat? aisa jazba hai jo jannat se utaara gya hai. yeh woh wahid jazba hai jo agr sacha ho toh woh khalla jissay insaan bharney kay lye saari zindagi safar krta bhatakta hai, usaay poora kar deti hai. mein aaj tk samjh nahi paayi loug muhabbat ko define ya explain kese kr sktey hain yeh toh aisa jazbaa hai jo bas rooh se rooh hi samjh sakti. yeh jarro ki trha apki raggo mein phailta hai aur khoon ki trha andar dorhta hai. insaan kay saath bas masla yhaan hua kay woh jannat ka jazba le kar duniya mein jannat bnaney chala hai. na mumkin! yhan takleef hai, dard hain, visaal hai, lekin jo asmaano pe likhay gye hotay hain woh ek dusrey kay hi rehtey hain, hamesha! bashart yeh kay muhabbat rooh se ho, shakal ya jism se nahi.