وصل ليل يالله بغيت نحط راسي علمخدة وبدا كيصوني داك القجقال تفو عليه وعلى مولاه لي فرع ليا راسي انا - واش مبغيتيش تحشم كتعيط لبنات ناس فنصصات ديال ليل هو - انتي راه بنات الحرام يخافو منك الله يلكّيها ليك انا - مدعيش راه كيقولو دعوة المظلوم كتقر... دابا أش بغيتي وجيني من لخر راني كنعلب واحد لعبة فتيليفون وبغيت نكملها هو - غا تعطيني تليفوني ولا غنشريها ليك مع حسينة ديالك انا - هاهاها تفارقت معاه فعصر الجاهلية ويييلا بغيتي تدي لأجر عيط ليه متعرف تجيه الغيرة ونرجعو بحال يام زمان كان ولد ناس يبغيني ونبغيه غير عينونا ولاد الحرام هو - معرف أش عجبو فيك انا - داك شي لي عجبك فيا وخلاك عما متعرف تفرق الكّلاكسي من العظمة دابا غير تقطع غايعطيوني نكمل لعبة ولا نبدا من جديد هو - أنا بغيت ربي يقطع ليك الحس قولي أمين انا - أمييييين لي للمدعين هو - يااااربي أش درت فحياتي تتنزل عليا هاد المصيبة شوفي أداك الكارتة غتقلبي على نمرة صوفيا وتصيفطيها ليا انا - هاي هاي عل العفيريت ماريا وصوفيا وعلم الله شكون باقي زيد زيد هو - لي خلاتو ليا مك كمليه ليا نتي الله يرحم الوالدين عاااافاك صيفيطيها انا - والله تا كتقطع القلب صافي هانا نصيفطها ليك ولكن معنديش صولد هو - أويلي لفلوس كاملين خسرتيهم انا - وراه ختك لي خسراتهم هو - اختي ؟؟؟؟ انا - زعمة مي ياك عاد صباح كنتي كتقوليها ختي نكرتيها هو - صافي نقليها وانا نعاود نعيط ليك انا - وفين غنلقى ستيلو ولورقة إيخخخ شحال عزيز عليك تعدبني يالله قطع ّعاود عيط وعطيتو نمرة هو - واش دابا مكاين تا أمل تردي ليا تيليفوني؟؟؟ انا - ممم علاش منتفقوش على واحد الحاجة خود نتا داك تيليفون لي كتهضر منو دابا وانا ناخد تيليفون لي كنهضر منو دابا ومريضنا ما عندو باس ّ قطع عليا ولد الحرام يكون عجبو الإتفاق زعمة كملت للعبة وضربتها بواحد النعسة
