فقت صباح على صوت المدابزة ديال جقلة د خوتي وعلاش كيدابزو على شي لعبة فتليفوني جديد نضت عندهم بصندالتي ديال الميكة واحد بواحد مخليت فيهم غير لي نساو... البراهش لوخرين باقي مولاه مسمح فيه وباغين يخرجو ليه المسارن ونا باقي كنسب فيهم صونا تليفون انا - ألوووووو مجهولة - رضا؟؟؟؟ انا - لا ألالة راك غالطة فنمرة المجهولة - لا اويلي هادي نمرة ولدي رضا وأنا متأكدة انا - آآآه دابا هاداك لي مكايتسماش سميتو رضا ممم وسميا عندو ديال كليميني على مقالش ليك ألالة راه سرقو ليه تيليفون ؟؟ ام رضا - أويلي ياكما طرات ليه شي حاجة؟؟ انا - لا معندو باس غير عمارو ليه يديه بشوك يكبر وينسى ام رضا - وشكون انتي؟؟؟ انا - ويلي على مقلتلكش أنا هي المسعودة لي سرقات ليه تليفون ام رضا - ومحشمتيش تسرقي لناس حوايجهم انا - لا ألالة سرقت ليه غي تليفون أما حوايجو ملقيت كي ندير ليهم ام رضا - هادشي كّاع مكيديروه بنات ناس انا - لا أنا ماشي بنت ناس كاملين أنا بنت عمر ورقية ام رضا - دابا مغترديش ليه تليفونو انا - إلى كان تيليفون لحلال غادي يرجع ليه والى كان حرام غيبقى عند بنت الحرام يالاه ألالة نخليك نمشي نوجد الفطور راه مغادي نبقى لا أنا لا تليفون ولدك ويلا عيط نقوليه راك عيطتي ييييخ مو كتر من مي سلامة جاب الله مكنتش قدامها كون نتفاتني وعلاش على تيليفون سلامة
