دازت سيمانا على داك نهار سيمانا وأنا غي ساهية كنفكر فداك زمر والله إلى ولفتو ولفت يحزرني ويدعي فيا أحياني على زمان ومدار فيا وأنا مزالا كنتفكر فاش نزلنا بجوج نلقطو لهندية بحال المسلسلات الهندية وهو يصوني تليفون انا - ألو شكون معايا؟؟؟ رضا - هاداك المنحوس لي لاقاه النحس بيك فطريقو انا - إينا واحد فيهم؟؟؟ رضا - رضا لي سرقتي ليه تليفون انا - مائة مرة كنقول ليك مسرقكتش تخالطو لينا تيليفونات وأنا ماشي شفارة رضا - يلاه ألالة ماشي شفارة ردي ليا كارط ميمواري انا - أويلي ياكما ناوي دير ليا حالة تاني على كارط ميموار ديال جوج جيكّا محالش واش كاملة فيها رضا - فيها تصاوري انا - مم داير فيهم كي بوعو رضا - حسن منك ألغولة ياكما بغيتي شي دعوة وخرى انا - لا هادي وتوبا فين نتلاقاو رضا - القهوة لي حدا لقهوة لي تلاقينا فيها انا - وعلى مال القهوة لي تلاقينا فيها العصير دلابوكا بنين رضا - على داك شوها لي شوهتيني فيها أخر مرة انا - داير كي العيالات مكتنساش السلامة وصلت البلاصة لقيتو كيتسناني رضا - السلام انا - الله من فمك خارجة كي العسل مدهونة بسمن رضا - على مالي ماشي بشر انا - انا مولفة من عندك غي القرطاس رضا - القرطاس هو لي غانتيري فيك إلى مرديتيش ليا كارط ميمواري كي بقيتي بعدا انا - لاباس الحمدالله ولكن ملي شفتك واقلة طلعات ليا سخانة هه أجي دابا غا نعطيك كارطك وأش غاتعطيني خصني يدي بيديك رضا - أش غانعطيك يعطيك .. انا - صافي سكتنا يخخ على زقرااام خلص بعدا واحد العصير ديال البوعويد ونتفاهمو بعدا أجي مكاينش لعصير ديال زعبول رضا - صافي شربتي ياك وخلصت إيوا أري؟؟ انا - ناري ربيت عليها الكبدة مسخيتش بيها زعمة متبقاش تخليها عندي كل احد يالله هاك رضا - دري صغير نخليه عند كل احد حط تليفونو كّلاكسي بحال هاداك لي تهرس فوق طابلة وقالي هاني جاي واحد راس كيقولي هزيه وهربي غير باش يعاود يحزرني وواحد راس كيقولي راه داير لي شي قالب باش ينتاقم مني وزايدون أنا ماشي شفارة بقا فيا لحال منعاودش نشوفو مرة وخرى واقلة وليت كنبغيه رضا - باقا جالسة انا - على مالي بغيتيني نتسناك واقفة رضا - لعجب انا - أشنو لي عجب؟؟؟ رضا - زعمة قلت نلقاك سرقتي تيليفون وزدتي انا - ألف مرة أنا كنقوليك أنا ماشي شفارة كنتي داير ليا شي مصيدة ياك رضا - لااا صراحة كنت بغيتك تاخديه باش نلقى لي شي حجة تنلقاك بيها انا - بصاح تا دابا مريضنا معندو باس اراه لهنا ولكن متعاود تقولي شفارة رضا - ودربيها ليا بنكرة فاعلة تاركة ياك انا - لا نقولك غير شكون نتا؟؟ رضا - صاااااافي ، شوفي نجيك من لخر انتي واحد شفارة منك مكاينش جوج شفرتي ليا قلبي زيادة على تليفون انا - شحال من مرا خصني نقولك باش تيقني راه مسرقتكش راه تبادلنا رضا - حتى فلقلوبا؟؟؟ انا - ممم رضا - إيمتا نجي نخطبك من داركم راه الواليدة عجبتيها فلخر انا - بصاح تأنا دخلات ليا لخاطري من نهاار قالت ليا ألو رضا - وأنا دخلتي ليا لقلبي نهار دخلات ليا أول شوكة فيدي انا - بصح ، شوووف نتفاهمو من دابا مع دهاز زيادة على جوج جوج من الحاجة جيب ليا جوج من الكّلاكسي رضا - جوج لاش؟؟ انا - واحد ليا واحد لميمتي عجبها كّلاكسي ديالك لول أجي بعدا شكون هاديك ماريا وصوفيا رضا - زعمة مقرتيش لميساجات انا - أه تفكرت وحدة بنت خالتك ووحدة بنت عمك نهار نتزوجو لقاك كتهضر مع شي وحدة نقجك رضا - وانا نلقاك كتجبدي حسينة على فمك نهرسو ليك انا - صافي تافقنا رضا - أجي بعدا شنو سميتك؟؟؟ انا - شفيفيرة هههه سميتي سناء عمري 21 سنة من هواياتي أكل لهندية ولعب فتيليفون ديال سي رضا... أجي شحال غاتعطيني فصداق؟؟؟؟ رضا - إيوا هانتي بديتي تخسري فالهضرة دازت ليام وجا خطبني مو ضريفة بحال ميمتي لي ولاو كيف تويميات نهار جاو يخطبو جابو ميكة ديال لهندية عامرة بلاصة الورد كيفهمني ولد الحرام... دازت 3 شهور على الخطوبة ودرنا العرس أنا وسي رضا لي تافقنا كل نهار احد نتبادلو تليفونات باش يبقى حاضيني هه زدت عرفتو وعرفت شحال كيبغيني وزدت بغيتو كتر وولينا بحال الفيديو كليب ديال عمرو دياب غير حنا ماشي 5 دقايق حنا العمر كلو إن شاء الله تمت بحمدالله
النهاية ❤❤❤
