عَشَقنِي جنِّي🔥!..

الثانية🖤

(2)
.
نسمع بالجن الكافر والجن المؤمن ،.. وقلبي انخض لما سمعت بأخطرهم "العاشقْ"!..
————————————-
ناضت واول شيء قابلها المراية.. وسُعقت بمنظرها، جسمها يرجف حوايجها امية فراشها امية ،.. "هذاا شنييي؟" نطقت وهي راكبها الرعب
خشت جري للحمام بدلت حوايجها نظفت كل شيء وقعمزت حاضنة روحها وقرينها وراحها لاف ايديه ومتمسك فيها!!..
ترننن ترنننن المكالمة الي زادت من خوفها
"تيم♥️" ردت وهي ترجف وتحاول تسيطر ع صوتها "الوو"
تيم"ها حبي وين اليوم "
افنان "قاعدة ،غر رقدت شوية"
تيم"خيرك؟ تبكيي؟؟! "
افنان تلفتت ايمين ويسار"لالا منبكيش غر مفيش تغطية "
تيم"اها تمام صليتي صلواتك؟"
افنان "اي صليتت"
تيم"الحمدلله ، شن الديري"
افنان"تييم اني خايفة 🥺"
"علاااش شن فييه افنان شن صاير" قالها بنبرة خوف ،وهي ردت"لاا شي غر هكي وخلاص خايفة"
"حبيبي انتِ تصلي وتقري ف قرآنك وف اذكارك وربك معاك ودعواتي معاك من شني بتخافي؟.. خلاص توا مدام صليتي بري قعمزي وارتاحي والصبح نكلمك تغطي كويس باهي فنو♥️"
قالها بكُل حب وطمئنان وهو ميندري ع شيء
"حاضر" وسكرت
لفت عروحها البطانية وقعدت فاتحة عيونها وتتخيل ف حاجات!!.
——————————————
"وصلنا..هديل نوضي بنيتي وصلنا خلاص "قالت مريم ونزلوا ،.. طقوا ع الباب وفتحتلهم حناهم "جنات" خشوا وطول للنوم كانت الساعة 1:00am
شوية وناضت هديل خشت للحمام غسلت وجها وتوضت وبدت تصلي "قيـام الليل🖤"
السلام عليكم ورحمة الله ،السلام عليكم ورحمة الله
تلفتت ونخلعت لما لقت حناها جنبها
هديل|ووه خلعتيني ،خيرك نايضة
جنات ضحكت| خلاص شوية وبيأذن الفجر 😂
هديل ضحكت وميلت راسها| تدكري زمان لما تحكيلي ف قصص وقلتيلي لما تكبري نحكيلك وحدة؟ تدكري وله؟ احكيلي هي
جنات ضحكت | كان اني مكان نسيت،..متأكدة تبي تسمعيها؟
هديل هزت رأسها"اي اي"
———————————————-
"ملل هفففف" نفخت جنات ووقفت اول ما جتها فكرة! تمشي لصحبتها هبة جارتهم!.
طلعت من الحوش وقعدت تمشي لين وصلت وخشت قعدت تناديي "هببةةة هبةةة "
"خنشوفها بالك ف دار الخزين" لادت وعاودت الضبح "هبة هببببةةة" وفجأءة طلعتلهااا !!..
——————————————
هديل| شن شبحتي ؟
جنات تنهدت | غولة!!
هديل ضحكت | غولة ي حناي؟
جنات بصوت رجفة|كانت طويلة سوداء عيونهاا كبااار حُمر ، عيطت وصوتهاا اغرب صوت ممكن نسمعه كانت تخوف!
هديل امتسحت ملامح الضحك لما عرفت انها تدوي حق!.
"منها بديت نحس وشفت ضي الحوش اللي مقابلنا ينفتح ويتسكر بروحه ، والحوش اصلاً مهجور!" قالت جنان
هديل رعشت "الله اكبر الله اكبر" والمؤذن كبر ..
(وقصة جنات حقيقة صايرة ف الجبل!..)
——————————————-
غفت ..
مبنى مهجورر الظلام مسيطر عليه وشخص واقف من بعيد يشوفلها خافت متبيش تقرب لكن هي تقرب رغم عن ارادتها .."يجبد فيهاا من بعييد"
تبكيي ومغمضة عيونها ومحاوطها همسات وهمسااات مش قادرة تركز ..
وتك توك تك توكك ولحظات لقت مراية قدامها والراجل عاطي ظهره ويباعد وهي تشوف للمراية لين وجها ولا اسود عيونها كبرواا ..
تعيططط تبييي تطللع من الكاااابوس لكن في حاجة مانعتهااا "العاشقْ!!"
——————————————
تنهد وكيف بيسكر اللابتوب جاه اشعار معلن وصول رسالة،.. ضيق عيونه وشد التلفون بيشوف الساعة
3:32am
استغرب وقرب كرسيه وساوى شاشة اللاب وفتح الرسالة...
(السلام عليكم كيف حالك، اسفة ع الازعاج بس اخر موضوع نزلت عليه حيرني وحابة نسألك،وشكراً)
لبس نظارته الطبية ومسح ع لحيته وبدي يكتب وبعت
(وعليكم السلام اختي ،تفضلي أسألي🖤)
(انتَ لابسك جن؟) بعتت أنفال بكل جرأة
(كان ايه جنيّة) رد عليها
أنفال( به قصدي مشعارف كيف بنسأل صعب ولا شن حسيت؟)
مهيب(مش لعبة هي اكيد صعب وترعب والحمدلله الجنية كانت مسلمة، لكن مهما كان حتقعد جنية!! والحمدلله قدرت نطلعها بأكثر من جلسة )
أنفال(كيف مسلمة؟)
مهيب (الجان فيه المسلم وفيه الكافر في العادي وفيه العاشق .. واني لبستني جنية وكانت مسلم قعدت شهرين وطلعت بعد عدت جلسات وبعد طلعت تقربت من ربي لأني كنت بعييد هلباا كنت مستهثر ! والحمدلله توا)
أنفال(فهمت تمام بارك الله فيك، تصبح ع خير)
مهيب(فيكِ بارك الله ، وانتِ من اهله🖤)
قام النظارة وحك عيونه بإستغراب ،سكر اللابتوب وخش غسل وجهه وتوضأ وبدي يصلي وبعدها أذكار النوم وللفراش ..
———————————-
-ولما تجيب شن يطلع ؟ جن ولا إنس
؟؟|مفيش حمل مفيش كيف
-حرام هو؟
؟؟| طبعاً حرام الزواج بين الإنس والجن حرام!
-امممم علاش قلتيلي منتلفتش امس؟
؟؟| لانه كان وراك!!
-منيييي!

يتبع