Sinners 🪐
"ငါနဲ့အပြင်သွားမယ် လိုက်ခဲ့"
ဧည့်ခန်းလို့ခေါ်ရမယ့်အခန်းကျယ်ရဲ့ထောင့်မှာ မတ်တပ်ရပ်ပြီး သူ့ကိုလက်ပိုက်ကြည့်နေခဲ့ပေမယ့်လည်း Muriel Roseanne ဟာ တစ်စက်ကလေးမှ Priya ကို ဘောင်မသွင်း။ အခုမှ အပြင်သွားမည်ဟုဆိုသည်။ အတောင်ကိစ္စကို သူဘာမှမရှင်းပြသော်ငြား Priya သိတာနှစ်ခုရှိသည်။ Muriel Roseanne က သူမလို တမန်တော် သို့မဟုတ် နတ်ဆိုး။ တမန်တော်ဆိုလျှင်တော့ လူပြည်မှာရှိနိုင်မည်မဟုတ်။ Priya တောင် ခိုးဆင်းလာတာလေ။ ဒါဆို .. Muriel Roseanne က နတ်ဆိုးလား။ မဟုတ်နိုင်!!! တမန်တော်တစ်ပါးက နတ်ဆိုးနှင့်တွေ့လျှင် အလိုလိုသိတဲ့အာရုံရှိသည်။ Priya သူ့ကိုစတွေ့တည်းက နတ်ဆိုးနဲ့ပတ်သတ်လို့ ဘာမှမခံစားရခဲ့ရဘူးလေ။ သွေးနှောလား ...
"လာပါလို့ခေါ်နေတာကို"
"ဟာ ... ဟိတ် ပြုတ်ကျမယ်"
မတ်တပ်စုံရပ်ပြီးအတွေးလွန်နေတဲ့ Priya ကို Muriel Roseanne က ဆွေ့ခနဲကောက်ပွေ့ကာဖြင့် ကားပေါ်သို့ ပစ်တင်သည်။ အားကောင်းတဲ့သွေးနှောပဲ။
"ဘယ်သွားနေတာလဲ"
"ပါးစပ်ပိတ်ပြီးလိုက်ခဲ့"
သူ့အပြောကြောင့် Priya သူ့ကိုမျက်စောင်းတစ်ချက်ထိုးပြီးအရှေ့တည့်တည့်ကိုသာကြည့်နေလိုက်သည်။ ကားမောင်းမြန်တာကတော့ တော်တော်ကြောက်ဖို့ကောင်းသည် သို့သော် Priya မကြောက်။
ကားပေါ်မှာကြာလာသည်နှင့်အမျှ ဟိုဟိုဒီဒီစဉ်းစားဖို့အချိန် ပိုရလာသည်။ သူမဘေးကကောင်မလေးက ဘာဖြစ်နိုင်မလဲ ... အကြံတစ်ခုထွက်သွားလို့ Priya ဝမ်းသာအားရနဲ့ ခုံကိုမှီထားရာကနေဆတ်ခနဲခွါလိုက်တယ်။
YOU ARE READING
Sinners
Fanfictionစကြာဝဠာရဲ့အဆုံးကို သူနဲ့အတူရှာဖွေပြီး တွေ့ရှိတဲ့အခါ အဲ့အနားသတ်မျဉ်းလေးမှာ ပန်းခင်းလေးတစ်ခုစိုက်ချင်တယ် 🌸