العوالم الثمانية

-البداية-

-المقدمة-

بدأ يفوق وهوا بيحاول يفتكر ايه اللي حصله قبل ميغمى عليه, بيحاول يقوم بس مش عارف, جسمه تقيل حاسس انه متكتف, بيفتح عينه بتقل و هوا شايف المكان قدام عنيه مبهم ابيض.
الرؤية بتتضح براحة عشان يكتشف ان اللي قدام عنيه ده السقف و بدأ يحس باطرافه تاني و بيحاول يقوم بس مش عارف, بيحاول يبص جنبه يعرف فيه ايه بردو مش عارف, لحد مبدأ يفتكرتدريجيا
افتكر انه في المستشفي, في مستشفي الامراض النفسية و العصبية. افتكر انهم خدروه و اخدوه عشان يعمل جلسه العلاج بالكهربا, فاكرينه مجنون, فاكرينه آلف الكلام اللي حكاهولهم.
-"فكوني, انا مش مجنون, انا اقدر اثبتلكم اني مش مجنون"
-التمرجي1: "طبعا طبعا انت مش مجنون,انت عاقل و سيدي العاقلين"
-التمرجي2: *بيهمس لزميله* "حالته صعبه اوي, انتا سمعت الحكايه اللي بيفضل يقولها عن ال... اه الابواب ال7 دي".

-الفصل الاول-

-13/10/2011-

بيطلع ال موبايل بتاعه من جيبه و هوا بيمشي بسرعة و شايل حاجة ملفوفه و مداريها جوا المعطف بتاع الشتا ععشان متتبلش و اتصل برقم على الموبايل و بيقوله يجمع الشلة كلها ف بيت سامي ف خلال النص ساعة اللي جايه ف بيت سامي و هو هيحصلهم على هناك عشان فيه حاجة ضروري لازم يقولهم عليها, و قفل السكة.

اتصل شون بباقي صحابه و منهم سامي و قالهم ان كريم عايزهم ضروري فخلال نص ساعة يتجمعو ف بيت سامي.
مد كريم ف مشيه و بدأ يسرع خطواته لحد موصل لبيت سامي و فتحله سامي الباب و دخل و قلع المعطف و حطه علي كرسي جنب الباب و دخل باقي صحابه شايل اللفه اللي كانت معاه.

- كريم: فين ماثيو و زيد و ليام؟
- شون: جايين ف السكه خلاص قربو.

- سامي: خير يا كريم في ايه؟ و ايه اللفه اللي معاك دي؟
- كريم: استنوا ماثيو و زيد و ليام يجو و هفهمكو في ايه و ايه اللفه اللي معايا دي.

- أدريان: ادينا مستنيين يا عم كريم.

خبط الباب و سامي قام يفتحلهم, دخل ماثيو و زيد و ليام و انضمو للباقين جوا.
جمعهم كريم حولين طربيزه كبيره كانت موجوده عند سامي و طلع اللفه, اللفه كانت من قماش قديم من حاجة شبه الكتان و مربوطة بخيط معتق قديم, فتحها كريم و كان جواها كتاب قديم غلافه من الجلد و عليه نجمة غريبة و رسمة دايره و جواها 7 مفاتيح.

- كريم: انا اول امبارح كنت فبيت جدي و طلعت اتمشيت برا و لقيت بيت قديم كبير مهجور مكنش بعيد عننا و سألت جدي بيت ايه ده, قالي ان ده كان زمان وانا شاب لسه عايش ف المكان مجموعة صحاب كانو زيك انتا و صحابك كدا متهورين و بيحبو يدورو ف اي حاجة غريبه يلاقوها بس ف يوم من الايام العيال دول اختفو و محدش لقالهم اثر و البوليس دور كتير عليهم ولا لقى حاجة تقول حتى لو كانو اتخطفو مع ان مش منطقية ابدا ازاي 12 شاب يتخطفو فوقت واحد, الناس بيقولو انهم ممكن يكونو اتقتلو و اتقطعو و اتباعو اعضاء و فيه ناس بتقول ان اليوم اللي قبل اختفائهم سمعو اصوات غريبة زي مشاجرات بين ناس جوا بس محدش مصدق ده عشان مكنش كل اللي ف المنطقة حوليهم سمعوا الاصوات دي, البيت البوليس قفله و محدش قرب للبيت لفتره, بس حصل زي ما الطبيعي انه يحصل, ناس حاولت تسكن البيت وضع يد زي مبتسموها دلوقتي فزمنكو ده بس محدش منهم يبني كان بيكمل شهر ف البيت و يسيبه و محدش منهم ابدا اتكلم او قال سبب واحد حتى هوا سابه ليه,كانو بياخدو حاجتهم و يمشو و الغريبه انهم ولا حد منهم اخد حتى حاجة من البيت.

- أمجد: متنجز يبني كتاب ايه ده؟

- كريم: اصبر يحبيبي انا جي ف الكلام اهو, المهم كلكو عارفيني انا اصلا مباكلش بالكلام ده, امبارح قولت لامي اني رايح عن جدي و روحت البيت القديم ده, البيت من برا شكله كان فيه حاجة مميزه, وانا ببصله كان البيت كله من برا عليه نقوش و زخارف اول متشوفها تقول ان دي زخارف البيوت الاسلامية القديمة بس هيا مش كدا, و النقوش تحس فيها حروف قديمة و اشكال و كانت منقوشة بتفاصيل دقيقة اوي; دخلت, و من جوا البيت كان كبير و واسع و جزء منه كان مكشوف و فيه جنينه بس ميته و الجزء التاني في نصه كان فيه زي باحة كبيره و السقف بتاعها فيه قبه فيها رسومات و نجمة غريبه مشوفتش ابدا زيها, كانت فيها 12 طرف شبه اللي على الكتاب دي, و تحت القبه فيه طربيزة صخر مدورة و كان فيها نقوش و عليها لقيت الكتاب ده و ملفوف, اخدته حطيته ف الشنطه بتاعتي و طلعت من البيت قبل محد يشوفني و طلعت على بيت جدي عشان لو امي اتصلت متعرفش اني مروحتلهوش, و بعد مروحت دخلت اوضتي و اخدت قهوتي و قفلت عليا و قعدت اقرى اقرى اقرى ف الكتاب لحد مخلصته علي الفجر انهاردة و قررت اني اجمعكو اقولكو على الكتاب و بيتكلم عن ايه.

سكت كريم و بيتنهد...

- مراد: و لقيت ايه, انطق, منتا متشوقناش و تسكت كدا.
- كريم: حاضر حاضر, ملخص اللي كان ف الكتاب انه بيحكي حكاية, الحكاية ان من زمان من اول متخلق العالم اتخلق معاه سبع عوالم تانيين منفصلين بس مترابطين سوا عن طريق العالم بتاعنا يعني العالم بتاعنا ده حلقة الوصل بين العوالم الباقية, لكل عالم من العوالم التانية دي باب و لكل باب مفتاح, المفاتيح السبعة كانت مع حراس العوالم و من جيل لجيل لما الحراس القدام يلاقو اللي ينفع يحل محلهم كانو بيورثوله المفاتيح دي بعد ميعدوا على الاختبارات اللي الحراس بيحطوهم فيها و لازم يعدو الاختبارات كلها عشان ياخدو مكان الحراس دول, وانتو صحابي و فكرت ليه احنا مندخلش المغامرة دي؟ موافقين عشان نقرا الكتاب سوا و نبدأ؟