هوس الشيطان

1

ملاك:صباح النور يا احلى واغز وأشب بو في تونس وفي العالم العربي وفي العالم الكل يا صليح يا غالي
صالح:اب اب مزعمك يا بنيتي في ضربان اللوغة
ملاك:امان papa تو هكا ولا الي يبشبش ببوه يضرب في اللوغة
صالح:ههههههه ربي يخليك ليا يا نور عينيا ويهديك ويصلح رايك
منيرة:قلتلهاشي شباها لبارح مروحا تتسلوس نصاص الليالي ولا فالح كان فالدلال وحلان العينين
ملاك: او بدينا عصباح افففف ماماتي يا غاليا يا عسولتي ماني قتلك راني باش نصهر انا والبنات و زيد قلت نخليكم راس راس تتفكرو ايام زمان و الحب ااا
منيرة: اسكت بركا مقل حياك متحشمش تحكي قدام بوك اكاكا لا حشمة لا جعرة تي انا بابا كنت راسي ما نهزوش قدامو وعيني عمرها لا قابلت عينو...و زيد تنفخ عليا ربي قلك "ولا تقل لهما افا ولا تنهرهما"
ملاك: شنو ما فيباليش بروحي عندي كور اسلامية وزيد لعباد تسال تقلي تفرهت البارح ولا لا شنوة عملتوا زايد ديما قامعتني يا ما لا نهار حنيت عليا ولا رحمتني اهئ اهئ😭😭(دموع التماسيح)
منيرة:او بدينا بدراما تو الي يسمعك يقول بلحق مسكينا ها الطفلة مظلومة يا بنت الكلب
صالح:عاالاقل كي تسب الكلب سبو وهو مش موجود هههه وسيبلي بنتي خليها تعيش حياتها كيما تحب اااا مش كيما تحب ياسر
منيرة:دبر راسك يا حاج
صالح:ايي خنمشي نخدم انا معاش بكري
منيرة: ايمان تنجم تلم الطاولة عيش بنتي
ايمان: حاضر مدام
صالح: ملاك وقتاه ناويا تجي لشركة تخدم على روحك هاك ترى بنتي العمر يجري انا معاش انجم جوجمة الخدمة و الاجتمعات و الصفقات و انت تبارك الله قاريا ادارة اعمال وتفهملوا الدومان ...
ملاك: باهي بابا
صالح: ربي يهديك اي في الامان
قامت مدام منيرة توصل في الحاج للباب
منيرة: اكبس علاها شوي راك راخفلها ياسر الطفلة ماشيا و تزيد على قدام
صالح: هاك نتي كابسا علاها وزيد نكبس انا ياسر علاها
منيرة: في وديعة ربي سايس روحك يا نور عينيا
خرج قصد ربي لشريكتوا فرحان والضحكة ماليا فمو اذيكا طبيعتواراجل ناس ملاح طيب يحب الخير لا عندو لا تخديم مخ لا وذني الناس الكل تحبو و تحب تتعامل معاه قرا و كون روحو بروحو وعمل شركة و خدم ووصل شريكتو للقمة خرج مالدنيا ببنية و مراة يحبها و تحبوا معاونتوا على هم الزمان.