هوس الشيطان

18

شهر تعدا مابين خدمة و الاوتيل زادوا تعرفوا على بعضهم صحيح هو قاعد يتصرف معاها مش علا طبيعتوا يمكن خاطر عجبتوا يمكن خاطر ماحبش يوراها وجهوا الحقيقي اما هو انسان معندوش الرحمة في قلبوا انسان خبيث وهذا يبان من عينيه اما قاعديحاول ما يبنش روحوا مالاول اما المتاكد منوا انو هو من الداخل اكحل رماد قلبوا مات ومش معناها عجبتوا معناها باش يحبها عندوا هو عجبتوا معنتها باش يعدي معاها ليلة كي الزفت ليلة لكلها عياط ووجيعة اذاكا مفهوم تعجبوا طفلة عندوا انسان عنيف لابعد الحدود .... اليوم اخر نهار الاوتيل تبنى مزالوا حاجات صغار اليوم النهار لي باش يتبدل فيه كل شي
هارون: تو ما قعد شي انا لازمني نروح
ملاك: للاوتيل
هارون: لا
ملاك: هاي باهي
ركب في كرهبتوا و ماشي للفيرما
______________
قامت الصباح ترد كي العادة و عندها الدوخة من اكا النهار ما خرجت من بيتها حتى الماكلة تتطلعلها لفوق عيناها محوقين مالبكا شعرها مشبشب حالتها حليلة
اريج: اففف ياخي كل يوم باش نقوم هكا انا
هي اكاكا و دخلت علاها الفام دو ميناج تلقا وجها اصفر مشتلها تجري
منار: مدام لباس نعيط لمدام سهام تكلم الطبيب
اريج: لا لا جوست تعب و اكهو
منار: قولي شنية يوجع فيك
اريج: خواطري دايرة و عندي دوخة
منار; ههه كان جيت معرسة راني قتلك راك حبلة
اريج: حبلة شتخرف يا بنتي انا حبلة متاعك لاااا مستحيل لااااااا
منار: مدام اريج لاباس
اريج: اخرررررررج
هي خرجت ولخرة قامت تكسر لي جا قدامها و تعيط شوي ومشت حلت البيسي و كتبت الاعراض لي عندها تلقاهم اعراض متاع حبالة هبطت لواحد ملي قارد( ههههه هي gard  اما انا معنديش لg بالعربي اذاكا علاش نكتبها قارد مشني اكا جموع شتقتيني راو  ههههه 😂😂 ايي طولت عليك باي)
طلبت منو يجيبلها تاست و مايقول لحد ( ايي تو ما يقول لحد جبتها و جيت)
رجعت لبيتها ما شيا جاية و تبكي نص ساعة و جابلها التاست خاطر هوما دارهم في وسط الغابة هي حسيلوا دخلت للسال دو بان تجرب في التاست دقيقتين تعداو  تقول ساعتين
اريج: اااااااااعع لا لا مستحيل انا منيش حبلة لااا هئ هئ
تبكي و تضرب في كرشها قعدت في القاعة تبكي و تنوح تعدات ساعة و هي اكاكا مبعد قامت تقول عبد اخر عيناها حمر ومركزين في نقطة وحدة مشات جابت مذكرة متاعها و قعدت تبكي و تكتب تكتب لامها لخوها باش ياخولها حقها ملي عمل فاها هكا لي وصلها للحالة هاذي .
وصل لدار عندو شهر ماجاش هو داخل جاه القارد
قارد: سي هارون جاك الجواب هاذا الصباح
خذاه معندو و بقى يشوف فيه
هارون: هيي و علاه ما دخلتوش
قارد: لي جابو قلك لازمني نمدهولك في يدك
هارون: باهي
دخل للدار ملقا حد طلع لبيروه قعد فوق الكرسي جبد الجواب يحل فيه لقا سيدي و ورقة  حلها يقرى فاها
"un bon cadeau a un bon ami "
جبد البيسي حط السيدي و حل الفيديو يتفرج و عقلوا مرفوع يرا في اختوا صغرونتوا لي رباها وكبرها وحبها كي اختوا واكثر يغتصبوا خرج من بيروه يجري ويعيط ارييييج اااارييج
وصل لبيتها حل الباب بقا واقف في بلاصتوا لا نجم يتحرك لا يقدم لا يوخر .