هوس الشيطان

21

تعداو 3 ايام بين الدفينة والفرق والدار بدات تفرغ ملي يعزيو (انا من عند ربي نكره الاجواء هاذي اذاكا علاه متعمقتش ...)
قام من فوق فرشواوهو 3 ايام معداها نوم وشراب ومضلم البيت قام ماشي للسال دو و يعرضو سروالوا لي كان لابسوا نهار ماتت اختوا دزوا بسقيه وكمل حل الباب وتحلوا عينيه معاه تفكر شلقا في بيت اختوا رجع يجري للسروال جبد منو اكا الخرم والكل حطهم فوق التابل دو نوي ورجع يدوش شوي وخرج لاف منشفة قري على نصو ووحدة اخرى صغيرة حاطها على كرومتوا ينشف فاها في شعرو و اكا البدن واكا الشعر لي هابط على عينيه يقطر اااااه حموت اححمم دخل لدريسين جبد شوميز كحلة وسروال اكحل حط بارفانتوا و لبس منقالتوا  وتعدى للتابل دو نوي هز اكا الخرم و هبط يجري يفحج تفحيج عرضتوا اموا في الصالة لابسة سروال اكحل و مريول اكحل وشادا فيداها بابي مشوار تمسح باها مرة مرة في دموع لي حازنين على فراق كبدتها
سهام: هارون ولدي ياخي وين ماشي سالتوا بنبرة فاها خوف خايفة لاتزيد تخسروا تبقى وحدها وقتها تهبل بالرسمي هاذا كان ما خلطتس علاهم 
قعد يخزرلها درا كيفاه وبعد قدملها وشد وجهها بين كفوف يديه وحكى بنبرة اول مرة تسمعوا يحكي باها نبرة حنينة وتححسك بالامان
هارون: سهام مدام انا معاك عمرك ما تخاف لي صار لاريج عمروا ماهوا باش يتعدى اكاكا لي عندوا ذرة دخل فلي صارلها الما نخليه يتمنى الموت و ما يلقاهاش
سهام: نعرف نعرف لي عندي راجل و سيد الرجال ونعرفك لي باش تاخوا حق اختك اما انا خايفا عليك خايفا لا نخسرك
هارون: ماغير ما تخاف نحب انتي بركا تكون قوية على خاطر روحك وعلى خاطري مش باش نقلك انسى اريج خاطر حتى واحد فينا ماهو باش ينجم ينساها اما كل ماتقبلت لي صار وتتعايش معاه اسرع كل ما كان خير قوم وبرا للجمعيات وارجع كيما كنت وتبرع على خاطر اريج باهي. سيبلها  وجها وباسها من راسها و خرج ركب في كرهبتوا و مشا للدبو
******************
قامت الصباح تحضر فالفاليز متاعها ليوما باش ترجع لتونس شوية تفكرت حاجة مشت هزت التليفون وقعدت تطلب ترن ترن ترن
ملاك: اوا تتا سهام
سهام: الوا عسلامة شكون معايا بربي
ملاك: ملاك شنوة فيسع نسيتني ولا اتلف باش ما تجيش معايا
سهام: اااا بنتي ملاك
ملاك: اييي تي وينك ما صحش باش تروح معايا اليوم شنوة حضرت روحك
سهام: سمحني بنتي ما نجمش
ملاك: علاه شفما
سهام: اريج بنتي ماتت عندها3ايام
ملاك: ااااااااه انا لله وان اليه راجعون سامحني انت تتا والله من فمك نسمع  البركة فيك
سهام :نشاالله فداك
ملاك: ابعثلي بربي الادراس متاع الدار خنجيك
سهام: باهي عيش بنتي والله ربي يعلم حاسبتك كي بنتي استنى خنبعثلك
ملاك: باهي عيشك بايي