"သားသားရေ ခနနေ မေမေနဲ့ ဟိုဖက်အိမ်
ခနသွားရအောင်နော်"
မီးဖိုချောင်မှ မေမေ့အော်သံကြားလိုက်ရပြီး
သက်ပိုင်မှူးတစ်ယောက် လက်ထဲကဂိမ်းကို
ခနရပ်ထားလိုက်ပြီး မေမေ့ဆီ လျှောက်လာခဲ့လိုက်သည်
" မေမေ ဟိုဖက်အိမ် ဘာသွားလုပ်မလို့လဲ
သားဂိမ်းဆော့လို့မပြီးသေးဘူး"
" ကဲ နောက်မှဆော့ပါသားရယ် ဟိုဖက်အိမ်
ကို မေမေ့သူငယ်ချင်းမိသားစု ပြောင်းလာလို့
သွားနှုတ်ဆက်မလို့ သားရဲ့ မင်းမမက
ဖေဖေနဲ့ အပြင်လိုက်သွားလို့ သားတစ်ယောက်ထဲ အိမ်မှာကျန်ခဲ့မှာမို့ ခေါ်တာပါကွယ်"
"ဟုတ်ကဲ့ပါ လိုက်ခဲ့ပါမယ်"
မေမေနဲ့နှစ်ယောက်သား ဟိုဖက်အိမ်ကို
၀င်နှုတ်ဆက်ဖို့ထွက်လာခဲ့လိုက်သည်
"မေသက်ရေ အစ်မဟင်းချက်နေတာနဲ့
အခုမှအားလို့ လာရတယ်ကွယ် ပစ္စည်းတွေ
ကော ချလို့ပြီးသွားပြီလား အဆင်ပြေရဲ့လားကွယ် အိမ်မှာ ဘယ်သူမှမရှိကြလို့
အစ်မသားလေးပါ ခေါ်ခဲ့ရတယ် "
"ရပါတယ် မမစန္ဒာရယ် လာလည်တာကိုပဲ
ကျေးဇူးတင်နေပါပြီ မေသက်လဲအခုပဲ
ပစ္စည်းတွေရွှေ့လို့ပြီးတာလေ မေသက်
ကလေးတွေတော့ အပေါ်ထပ်မှာ သူ့အဖေနဲ့
ဆော့နေကြတယ် ထင်ပါတယ်
သားလေးက ချစ်စရာလေးကွယ်
နာမည်ဘယ်လိုခေါ်လဲအန်တီ့ကိုပြောပါဦး"
အန်တီမေသက်အမေးကို ပြန်ဖြေဖို့ မအားဘဲ
သက်ပိုင်တစ်ယောက် အိမ်ထဲက
Remoteကားရုပ်လေးကိုသာ ငေးကြည့်နေခဲ့တယ်
အသက်ဘယ်လောက်ရှိပြီလဲ မမစန္ဒာ"
" လာမယ့်နှစ်ဆန်းဆို၈နှစ် ပြည့်ပြီလေ
နာမည်က သက်ပိုင်မှူးတဲ့
သား အန်တီမေသက်ကို နှုတ်ဆက်လိုက်လေ"
"မင်္ဂလာပါ အန်တီမေသက် တွေ့ရတာ
၀မ်းသာပါတယ်ဗျာ့ "
"အေးကွယ် သားလေးက ချစ်စရာကောင်းလိုက်တာ မေသက် သားလေးလဲ
၈နှစ်ပြည့်ပြီလေ အရွယ်တူလေးတွေ
ဆော့ဖော်ဆော့ဖက် ရတာပေါ့
သားရေ ဖိုးစစ် အောက်ထပ်ခန
ဆင်းခဲ့ပါဦးကွယ် ညီမလေးရော ခေါ်ခဲ့"
YOU ARE READING
When the weather is fine
Randomငယ်ကတည်းက သွားအတူ စားအတူ လာအတူ ပေါင်းလာတဲ့ သူငယ်ချင်းနှစ်ယောက် အသက်တွေကြီးလာတဲ့အခါ တစ်ယောက်ပေါ် တစ်ယောက်ထားတဲ့ သံယောဇဉ်တွေကနေ တဆင့် ဘာတွေဆက်ဖြစ်ကြမှာလဲ အချစ်ဆိုတာ သူတို့နှစ်ယောက်အတွက် ဘယ်လိုခံယူထားကြလဲဆိုတာ ...
