بيت القاصرات

الفصل التاسع

(غفران)

.ظلت غفران تمشي بلا هدي تعرف انها لن تستطيع اللجوء لخالتها رغم علمها بمكان البيت .. وقفت تنظر الي حشود البشر تنظر الي وجوههم ... اصبحت تبغض الجميع تراهم ذئاب مرتدين جلود بشريه من يصدق ان تلك الفتاه قبل مده قصيره كانت تحتضنها امها وتدللها هي واخيها ...
والان اصبحت بلا ام او اخ اما ابيها فقد مات في قلبها منذ ان تزوج ...
مر الوقت واتي المساء وهي جالسه علي احد الارصفه تنظر للماره
اقشعر جسدها بعدما ربت احدهما علي كتفها سألها قائلا :. انتي قاعده لوحدك ليه !

نظرت اليه وهي خائفه ثم تكملت :. انا بابا وماما ماتوا وانا قاعده في الشارع من الصبح
تصنع رقه القلب وسألها :. انتي اكلتي
غفران :. لأ

امسك يديها ثم قال :. خلاص انا هاخدك البيت عندنا لام محمود تاكلي وتشربي عشان كمان شكلك تعبانه ومحتاجه تنامي

فرحت غفران كثيرا بهذا العرض المغري فهي لم تكن تعرف انها خرجت من بين براثن الاسد لتقع فريسه بين انياب ليث غادر 

اخذها وسار بها حتي دخل الي بيته في حضور الجيران الذين لو يكلفوا نفسهم خاطر السؤال عن وجودها معه رغم انهم بالكاد اول مره يرونها !!

ما إن رأته زوجته ومعه غفران حتي انقبض قلبها وسألته متعجبه :. مين دي يا اسعد ؟ ....ياما جاب الغراب لامه ياراجل بدل ما تدخل عليا بدكر بط ولا  حتي بكيس فيه قشر موز داخلي ببت من الشارع

انقبضت غفران من كلام زوجه أسعد نظرت له وهي خائفه فابتسم لها ابتسامه خبيثه كي يطمئنها

اسعد غامزا لها بعينه :. دي بنت لقيتها في الشارع وشكلها بنت ناس مش وش بهدله قولت نكسب فيها ثواب يا وليه ايه مبتعمليش خير ابدا ايه مفكيش رحمه ولا انسانيه

همت زوجته ان تتحدث فأخذها من يديها ودخل بها الي غرفه نومهم

اسعد :. جرا ايه يا وليه مصلحه وجتلي من السما من فتره دخلت علي شبكه علي النت اسمها الديب ويب ودي شبكه خفيه بيبيعوا فيها كل شئ ممنوع ... الشبكه دي سهل نبيع فيها اثار او مخدرات او اعضاء عارفه انتي البت دي تساوي كام

نظرت له زوجته مشدوهه همت ان تعارضه فرغم قسوة قلبها إلا وانها ليست مجرمه
قاطع صمتها قائلا :. تساوي خمسه مليون دولار يا ينت الفقريه

تزعزعت زوجته من الرقم ثم سألته :. وهتعرف تبيعها وهتبيعها لمين وازاي ؟

اسعد :. الديب ويب ده بحره واسع اوي بصي الانترنت متقسم لجزئين ...جزء يعتبر 10%من الشبكه وده اللي كلنا بنستخدمه الجزء التاني اللي واخد 90% من النت وده مخفي بشفرات مش اي حد يدخله لازمله متصفح خاص  لا جوجل كروم نفسه ميقدرش يدخله ...اللي مسيطرين عليه المافيا وطبعا كل بلد الحكومه بتحاول تعمل تتبع لاي شخص يدخل بس في نفس الوقت هو صعب التتبع لان الدخول بيكون بشفرات برضه فهمتي يا ام محمود ؟

ام محمود :. طب وانت دخلته ازاي وازاي هتبيعلهم البنت دي وهيعملوا فيها ايه ؟

اسعد :. البنت دي شكلها كده  هربانه من اهلها خصوصا ان لبسها نضيف يعني هي اساسا كارهه عيشتها احنا هنوديها للي هيشتري والله هي وحظها يوديها لحد يربيها يبيعها اعضاء ملناش دعوه ...

فتح اسعد حاسوبه وادخل الشفره فتم الولوج للشبكه الخفيه ...
اتفق مع احدهم واعطاه مواصفات غفران  واتفق علي موعد للتسليم بمبلغ ثلاثه مليون دولار .....

بالخارج كانت غفران تستمع لكل ما يدور بين اسعد وزوجته فهمت انها لم تنجو من بيت ابيها الي ببيت اخر اشد قسوه  كالطفل الذي تاه من بيت اهله وظل يمشي في الغابه وما ان اختبأ من الذئاب ببيت حتي وجده بيت الغول ...
حاولت البحث عن مخرج حتي وجدت نافذه في صاله البيت ومن حسن حظها انهم ساكنون بالدور الارضي فتحت النافذه وقفزت الي الشارع ....
ظلت تركض لاكثر من ربع ساعه حتي وجدت مسجدا امامها دخلت المسجد لتستريح به ....

فتح اسعد باب غرفته ليفاجئ بأن غفران ليست بالبيت ...
ظل يندب حظه علي هروبها

خرج للشارع ليبحث عنها لاكثر من ساعه ولكن لم يجد لها طريق  رجع الي بيته ندمان أسفا فقد ضاعت من كانت ستدخل له ثروه ...

فتح حاسبه ليعتذر عن الصفقه ولكنه تفاجئ بتهديد من المشتري

اتته رساله غاضبه من المشتري :. نحن هنا لا نهزي او نمزح امامك ثلاث ايام لحين انتهاء الموعد المحدد وإلا سينال غضبنا منك ...

ظل يلطم وجهه وهو واثق تمام الثقه انه ميت لا محاله ...

في المسجد كانت صلاه العشاء تقام غفت غفران قليلا علي صوت القرآن حتي استيقظت مفزوعه عندما احست بأحدهم يرتبت علي كتفها

كان وجهه مبتسم وكأنه قطعه من القمر مزينه بلحيه بيضاء متلألأه ابتسم لها ثم جلس بجانبها وسألها :. انتي اسمك ايه

فاجابته وهي خائفه :. غفران

سألها عن اهلها ولكن رغم خوفها من الجميع وجدت نفسها تجاوبه حكت له ما حدث لها منذ كانت في بيتها مع ابيها ثم حكايتها مع اسعد

اغرورقت عيون الشيخ ثم تكلم اخيرا :. انا اسمي الشيخ محمد السيوطي وانا امام الجامع ده  انا عارف انك دلوقتي خايفه مني انا كمان لاكون زي بابا او اسعد بس انا  هعمل معاكي حاجه حلوه انا مش هاخدك البيت انا دلوقتي هجيب اكل واجي وننام انا وانتي في بيت ربنا ...عارفه يا حبيبتي البيت ده بيت ربنا اول ما تحسي بخوف تيجي هنا علي طول ...والصبح هخلي مراتي توديكي بيت خالتك

بكت غفران ثم قال بخوف :. لا خالتوا لا بابا قالها لو قربت مني هيقتلها والنبي لا يا عمو الشيخ هيموت خالتوا

رق الشيخ لحالها ثم قال :. خلاص دلوقتي ناكل بس وبعدها هنشوف موضوع خالتك ومتخافيش ياحبيبتي والله محدش هيقدر يإذيكي طول مانتي في بيت ربنا

ياتري الشيخ محمد فعلا هيوديها لخالتها !
ده اللي هنعرفه في الفصول اللي جايه من
#بيت_القاصرات
#عمرو_علي

لينك الالبوم للي حابين يتابعوها من البدايه💜👇
https://m.facebook.com/groups/609723733198301?view=permalink&id=676615113175829