بيت القاصرات

الفصل الثالث عشر

( رحيل )

بعد الحادثه باسبوع

(قضيه رأي عام )

انتشرت بمواقع التواصل الاجتماع الاخبار عن اكتشاف عظام انسان في مقلب زباله قريبا من وسط البلد .. وكما اوضح مسئول ان تقرير الطب الشرعي اثبت الجثه لشاب عشريني  ولكن حتي الان لم يكتشفا المسئولين لمن ترجع الجثه ومن الذي سلخ جسده ...

ظهور الخوف علي الالاف من الناس علي مواقع التواصل الاجتماعي حيث يطالبان الحكومه بالبحث عن هويه المقتول والكشف عن ملابسات الحادث ...

( يوم الحادثه )

فتحت سماح الباب لتجد ظابط شرطه صغير السن  فوق  بدلته اسبلايت به نجمتين  وخلفين اثنان من العساكر نظرت له نظره مصطنعه ثم سألته :. خير ؟

الظابط :. جالنا بلاغ من السيده روحيه السيد احمد ضد زوجك الاستاذ راجح وبتقول انه هيحاول قتلك

ضحكت سماح ضحكه مصطنعه :. لا دي روحيه فهمت غلط انا كنت متخانقه مع جوزي خناقه كبيره الصبح وقولتلها انه قالي هقتلك  بس خلاص اتصالحنا ورايحه اقابله انا وبنتي وخارجين بره نتفسح

ابتسم لها الضابط ابتسامه وديه ثم التفت عائدا الي حال سبيله  وهو يتبادل نظرات متشككه للعساكر ما إن اغلق الباب حتي سقطت سماح علي ركبتيها وهي تبكي  بدون صوت

كانت رحيل تجلس علي الاريكه ترتعش فقد اصابهم الوجوم احست بأن مستقبلها قد ضاع الي الابد  ... قبل بضع اشهر كانت ترسم لنفسها علي خيوط بنفسجيه مستقبلا مشرقا  ... ذهب الامل كما ذهب كل شئ انطفأت الشمس كما انطفأ بريق وجهها ذبل الحلم كما ذبلت ملامحها لتموت طفولتها كما مات كل شئ حولها ...

فجأه وقفت سماح واستدارت في مواجهتها اقترب منها بخطوات متثاقله  حتى وقفت امامها ورحيل تتلاشي النظر إليها  وضعت يديها اسفل ذقن ابنتها ثم رفعت رأسها كي تنظر اليها

سماح بجمود :. احنا مغلطناش يا رحيل  لما قتلناه هو الغلط من البدايه كان مني انا اللي بيعت لحمي ولحمك لشاب معندهوش ضمير  ...انا اختياراتي اللي كلها غلط من اول اختياري لابوكي اللي باع لحمه لحد اختياري لراجح
انا عارفه انك ملكيش ذنب في كل اللي حصل وصدقيني لو فيها حبس يابنتي مش هتشيلي حاجه انا هشيل القضيه لوحدي

لم تتفوه رحيل ببنت شفه ظلت ناظره الي سماح والدموع تنهمر منها

صرخت فيها سماح وظلت ترجها من منكبيها  رجا :. يابنتي اتكلمي انتي مش مسامحاني انا اسفه انا فعلا حبيته ووالله يابنتي مكنتش مكدباكي انا بس كنت فاكره ان كرهك ليه خلاكي تتخيلي كده انا كنت مغيبه اعملي فيا اللي تعمليه بس ردي متسكتيش كده ...

رحيل ببكاء :. هنعمل ف جثته اللي اوضتك ايه وهنقطعها ازاي زي ما قولتي

شردت سماح قليلا ثم قالت :. هنزل دلوقتي اشتري  سواطير  كبيره ودي هتسهل تقطيعه