🎭في منفى الشيطان🎭
البارت36✅
نازين دابا كاتفكر.. واش تعتارف بشنو كاتحس.. واش هادشي بضبط لي باغي اعرف.. و لا كاين شي حاجة اخرة.. و كيفاش غايكون موقفها مني تعتارف.. و هو اش غايكون رد فعلو.. و اش غايكون جوابو... اسئلة بزااف فراسها.. و هي داخل تفكيرها... أمير محيدش عينيه عليها و كايشوف ملامحها المرتبكة و لي كتغير باستمرار.. عرف انها داخل فصراع مع عقلها.. انتضارو قرب اسالي... و رغم انها الا ثواني فقط جاتو طويلة.. باغي اعرف واش فعلا كلام امه صحيح او لا.. مبغاش اخبرها بسبب مجيئو و اكسر قلبها و كبريائها..
أمير: نادين.. بغيت نسمع جوابك
نادين: لا ممخبيا والو
أمير: واخ الالة... و ممكن نعرف علاش قبلتي تزوجي بيا؟
نادين: بغيت
أمير: و علاش غاتقبلي بواحد ماعندكش بيه علاقة قوية مجرد معرفة
نادين: عادي
أمير: لا معاديش وحدة بحالك مغاتقبلش بدون سبب بواحد معارفاهش مزيان
نادين: مكاينش شي سبب.. بغيتي شي جواب مكاينش
أمير ضحك باستهزاء: باينة فعينيك
نادين بهدوء : أمير هادشي لي كاينة مكايناش تاحاجة اخرى... علاش كتقلب
أمير: شوفي فعينيا و قوليها
نادين خرجو عينيها كيفاش اتكذب عليه و هي كتشوف ليه فعينيه من غير هادشي هي مفروشة بنظراتها
امير دار موازي ليها و شد وجها بطراف اصابعه و دور وجهها جيهتو
أمير: قولي الحقيقة ..اشنو سبب
نادين: منقدرش
أمير مراقب توسع عينيها و كيفاش كتشوف فيه : مكثيقيش فيا
نادين هايمة فعينيه: حيتاش.. ام(بلعات ريقها) حيتاش كنبغيك.. اه كنبغيك منيمتى و مقدرتش نقولها و خبيت مشاعري
أمير زير على يدهاو حط جبهتو علي جبهتها و غمض عيونو... هو مناسيش انه كانت بنت شاغلة بالو قبل.. و لكن هادي صاحبتها لي قدامو و هي كتعتارف بحبها ليه.. حس بشعور غريب كيدغدغ قلبو.. مناكرش انه عجبو الحال... تفكر سبب مجيئو و حل عينيه و بعد راسو ...حسات بيه و فتحات تاهي عينيها و شافت فيه و عينيها مغرغرين بالدموع
أمير: شكرا انادين.. شكرا (و زير على يديها)
نادين: ههه و علاش
أمير: مديش عليا
ضحكات عليه نادين... حتي شافتو جمع ابتسامتو
نادين: مالك
أمير: كاينة موضوع مهم بغيت نهضر معاك فيه و هو علاش جينا للهنا بالاصل
نادين: و اشنو هو
أمير: سمعيني انادين... انا واخة مكنعرفكش و لكن كنثيق فيك.. و هادشي لي غانقوليك مهم و بغيتك تسمعيني و مايسيق ليه حد الخبار
نادين: انا كنسمعك
امير: صاحبتك رغد
نادين: مالها
أمير: مختفي من نهار رجعات للمغرب ياك
مادين شافت فيه باستغراب : اه
أمير: ماشي بوحدها لي ختفت بديك الطريقة.. نهار جات كان معاها فنفس الطيارة صاحبي أنور.. مني وصلو اختفو من باب المطار فضروف غامضة ...أنا عرفت اش وقع ليهم بصدفة... و السبب هو شخص لي ضبر لزواجنا غير للتمويه علي هاد الجريمة
نادين: كييفااش.. و شكون هو
أمير: جدي... هو مسيفط شي واحد ممكن تقولي قاتل مأجور... باش اختطف انور و اخرجو برا المغرب لجزيرة مهجورة و اقتلو تم... و رغد غير شاهدة و تاهي داوها... انا لحد الان معارفش جدي علاش ايدير حاجة بحال هادي (امير شد راسو و من صوتو باينة نيران شاعلة داخلو) استغلني و استغلك باش اخبي جريمتو
نادين: أمير واخة هادشي جاني على فجئة و لكن واش نتا متأكدك هادشي مساهلش
أمير: أنا متأكدة سمعتو بوذني.. و أنا غانكشفو علي حقيقتو.. و بغيتك تعاونيني انتي لوحيدة لي تقدري
نادين: أنا معاك فلي درتيها... و لكن دابا ررر رغد باقا عايشة
أمير: أنا تسمعت لكلامهم هو و شي واحد و قاليه بأنهم هربو و لكن ماشي بعيد ارجعوهم ..و لهادا خاصنا نتحركو قبل ماتوقع ليهم شي حاجة
نادين: أنا معاك فلي غاديرها
أمير شاف فيها و ابتسم و شغل طوموبيل و تحركو من تم
.....يتبع 🌟
أنت تقرأ
في منفى الشيطان •{مكتملة}•
Adventureالقصة مشوووقة 🔥🔥سيناريو جديد 🎬بفكرة مختلفة 💡خيالية 💭ولكن بشكل زوين ،و ضروري من الحب ♥ لذا كونو علي استعداد لأول مغامرة معايا نتمنى تعجبكم و ماتبخلوش عليا برأيكم ضروري 💥 (بالدارجة المغربية) بعنوان: #في_منفى_الشيطان🎭 ✒بقلمي: #Oumaïma_Bou✒ ♣هاد...
