🍂 المهووس 🍂 (مكتملة )

الجزء 2

بقااا شحاااال وهو كيتأمل فيها .شادها هي بيد وهاز المضلة بيد مغطياهم بجوج . هزها بيد وحدة وداهة للطموبيل حطها اللور .مكااانش شافها مزيان خصلات من شعرها القصير الفازك هابطين علی عينيها
طلع للطموبيل .كسريا وساق .داااها لدارو كيتفتح الباب الكبير قدام الفيلا ديالو الضخمة .كيضربو ليه السلام البوديكارد اللي قدام الباب .دخل الطموبيل .وخرج من الطموبيل حل الباب هزها بين يديه بجوج .دخلها لوحد البيت وعيط للخدامة ومشافش فيها .وصا الخداامة تلبسها وتعطيها ماتاكل وتجيب ليها دوا راه باردة وغتمرض.هااادي اول مرة يدير هاكة مع شي مخلوق ولا يبقا فيه شي واحد .
هو ادم السفياني ورت الامبراطورية ديال الاب ديالو علی سن 18 سنة .من صغرو قاااسي محروم من الحنان بالمقابل مكيعطيهش لاي كان .هو متال للقسوة والتقة فالنفس ووخا مزال صغير فالسن .قدر يكبر اللمبراطورية ديال باه ورسخ الاسم ديالو .هو كان رجل اعمال صغير .ومزال عندو طموووح يكتاسح البلاد كاملة وخارج البلاد .هو عندو وااسطة في جميع المجالات .مكينش اللي مكيعرف الاسم ديالو يعتبر اتری واحد فالبلاد .اللي بغاها تحضر عندو .كان جاي فالطريق فالليل .حتی داز فشي دروبة ودخل فاحياء شعبية وبالصدفة بانت ليه .معرفش علاش وقف وبغا يعاونها وخا مشافهاش معرفش شكون هي .الشكل ديالها وهي كترعد بغا يعاونها ساع طاحت ومن تم داها لدارو .هادي اول مرة يبقا فيه شي واحد
ناضت جوري من بلاصتها مفزوعة .كانت لابسة لبس سخوون في غرفة زوووينة اول مرة تشوف هكاااك والتريا فوق راسها والشكل ديال الغرفة رااقي معمرها فاحلامها توقعات تجلس تما .وهي صغيرة محرومة من ابسط اساسيات العيش .مابالك فغرفة بحال هادي .
ناضت كتجري للبيت .حلاتو وعويناتها كيقلبو فالداك الرواق الطويل اللي قدامها .بقات غادة كتجري وهي صغيرة وشعرها القضير مخربق بطريقة زوينة ولويداتهی اللي كتمس بيهم الحيط وكتقلب بعينيها البريئة . حتی وقف عليها شاااف فعينيها شحاااال .معمرو شااااف بحالهم .مزال صغيرة وليني اكيد غتكبر .غادي تعرف علی ولاد غادي يطوال ليها شعرها غادي تلبس لبس متير .هادشي كامل داز فدماغ ادم هي كتهضر وتبكي وتمسح بيديها وهو مزال كيشوووف .بحال دازت عليه شي ريح زووووينة بحالة هو وياها اللي فهاد العالم .رجع للوعي ديالو .سمعها كتطلب فيه ترجع لدارهم .وهي قصيرة عليه واصلة لكرشو وكتشد ليه فرجليه .طفلة بريئة مزال مشافت والو فالحياة .عيط للشيفور يديها .نعت ليه فين ومشااا .نسااا اش وقع .
6سنين من بعد
ادم ولا الامبرااطور اللي مكينش اللي يخااف من سميتو حتی ينطقها مسيطر علی كلشي .شركاتو من اضخم الشركااات . كبر وكبرات معاه وسااامتو وعضلاااتو زادو بانو .عينيه كيبان فيهم القوة . كيتمشی كالرجل الحديدي معمرو كان فحالة ضعف فحياتو .معمر شي واحد عرف اش تحت راسو .انسااان غااامض .كلشي فيه غااامض .تصرفاتو ميمكنش ستوقعها شي حد .محبوووووب من طرف النساااء كيترماااو علی رجليه .هو زير نساااء كبير .كيعرف كيفاااش يخليهم يركعو علی رجليهم ليه .يكفيهم لمسة منو .معندووش الحب فالقاموس .مسمينو الحديدي .الحجري .صاحب القوة.عدة اسماء .اي مكان مشا ليه كيتاترو بيه الناس .وليني غتهز عرشو وغتهز كيانو وروحو وكل مافيه .بنت وحدة .معمرو يتخيل علی ملايين السنين انها تقدر تحكم فيه كما غيوقع .لو شي واحد يقولو دابة غيوقع ليه دكشي .يضحك ويقتلو .لانو معمرو يتخيل راسو يركع لمرأة فحياتو .ولا يخليها تحكم فتصرفاااتو .ويولي مهوس بيها لديك الدرجة وليني حتی هي مغتعرفش اش كدير فيه حنت قصتهم معقدة ....

هاادو هوما اجزاء ليوم نتمناا لبداية تكون عجبتكم متنساوش تصوتو على قصة و اكيد من تفااعل إلا بغيتو نزل ليكم اجزاء اكثر قراءة ممتعة 😘