الفصل التاسع عشر
عشق الملاك
عدي اليوم علي ابطالنا بصعوبة
فالكل في حالة حزن علي سلمي وحالتها الغير مستقره
في صباح يوم جديد قرر عبد الرحمن الذهاب
للعميد الكليه لاقناعه بدخول ملاك الكليه فهو لم يذق طعم النوم بعد أن أقنع البنات ان وجودهم في المستشفي غير مستحب وكمان حالة نوران كانت سيئه جدا بسبب قلقها علي سلمي اتصل عبد الرحمن علي عميد الكليه واخد منه موعد في بيته لان اليوم هو الجمعه عطله من الكليه
بعد ما أستعد عبد الرحمن للخروج من المستشفي قابل ملاك واستغرب جدا من مجيئه بدري
عبد الرحمن ..صباح الخير يا ملاك خير ايه اللي جايبك بدري كدا وليه جايه النهارده مش دا يوم اجازتك
ملاك. ..انا قولت اجي بدري علشان اطمن علي سلمي انا منمتش من خوفي عليها
عبد الرحمن . ولا انا والله امبارح حالتها ماكنتش مستقره بس الحمد لله الوضع الوقتي بقاا تمام
ملاك...الحمد لله ربنا معها وتقوم بسلامه يارب
عبد الرحمن .. يارب طيب انا خارج مش هتاخر لو حصل جديد رني عليه
ملاك ...حضرتك رايح فين الوقتي هو مفيش حالات النهارده
عبد الرحمن بحب..يهمك تعرفي انا رايح فين
ملاك ..ها انا بسأل سؤال عادي يعني حضرتك براحتك
عبد الرحمن...افتكرتك حابه تعرفي او مهامه مثلا علي العموم مش هتاخر انا هروح البيت اغير هدومي علي السريع وارجع علي طول بس ماتنسيش ترني عليه لو حصل حاجه
ملاك..للاسف نمرة حضرتك مش معايا
عبد الرحمن..بجد مش معاكي دي كارثه انك مش محتفظه برقمي رغم أن رقمك معايا ومحتفظ بيه هرن عليكي وسجلي رقمي
رن عبد الرحمن علي ملاك وكان مسجلها بعشق الملاك
اهو ياستي سيفيه بقااا وابقي رني ومش هفتح علشان مغرمكيش شوفتي انا جدع ازاي
ملاك بإبتسامه..... شكرا انا معايا رصيد يا دكتور لو حصل حاجه هكلمك
عبد الرحمن ..ولو محصلش اكلمي بردوا مفيش فيها حاجه كأنك بجربي الرقم
ملاك ههههه .ماشي يا دكتور انا هروح لسلمي اشوفها وحضرتك روح مشوارك علشان متتعطلش
عبد الرحمن ..والله لما بكون واقف معاكي يا ملاك بنسي اي حاجه ومش بيفرق معايا اتعطل او لأ
ملاك..بإحراج وخجل طب يا دكتور بعد اذنك انا هطلع اطمن علي سلمي
عبد الرحمن ...ماشي ياملاكي اهربي بس هيجي اليوم اللي تعرفي فيه حقيقة مشاعري وأد ايه انا بحبك
خرج عبد الرحمن من المشفي وركب عربيته واتصل بليلا
ليلا بتأوب وكسل ..الو مين
عبد الرحمن ..اسف ياليلا اني قلقتك بس محتاجك ضروري في مشوار ممكن
ليلا..خير يا دكتور سلمي كويسه
ايه...... بفزع في ايه سلمي جرالها حاجه
تحط ليلا ايدها علي الهاتف معرفش لسه استني لما اشوف عوز ايه
ليلا ..ايوا يا دكتور سمعاك
عبد الرحمن ..سلمي الحمد لله كويسه بس انا عوزك في موضوع يخص ملاك انا هستناكي تحت قدام البيت بس ارجوكي متتاخريش
ليلا ..هنروح فين يعني افهم الاول
عبد الرحمن...... هنروح لعميد الكليه نقنعه بدخول ملاك الامتحان
ليلا...وهو معئول هيوافق
عبد الرحمن ..ان شاء الله انا علشان ملاك مستعد اعمل اي حاجه ولا اشوف لحظة حزن في عيونها
ليلا بإبتسامه ...طيب انا ثواني هلبس وانزل علي طول سلام
ايه بإنداهاش..ممكن افهم في ايه
ليلا..اولا سلمي الحمد لله وضعها استقر
ايه . الحمد لله .طب انتي راح فين ومشوار ايه دا اللي خرجه فيه مع الدكتور
حكت ليلا لأيه اتفاقه مع عبد الرحمن ومساعدتهم لملاك
ايه ...يخربيتك دي لو ملاك عرفت ان انتي ورا كل دا مش بعيد تولع فيكي انتي ازاي تفكري كدا في حد يجوز بالطريقه دي
ليلا...اهو دا اللي حصل بس الحمد لله ابوها طلع اجدع مننا وعرف يفكر كويس انا هقوم بسرعه البس واروح معها انا مش عرفه في حد يروح يزور الناس كدا علي الصبح مش كان خلها للغدا كنا اتغدينا ولا هو الفقر عارف اصحابه
ايه ..طول عمرك مفجوعه بس جدعه والله احلي حاجه فيكي بتحب تساعدي الكل وتسعديه حتي لو علي حساب سعادتك انتي انا بحبك اووي ياليلا
ليلا..لا انا هعيط وربنا كل دا ليه وربنا وانا بحبكوا اكتر بكتير بس ادعي ان العميد يطلع قلبه حنين ويوافق
ايه .. ان شاء الله هيوافق
انتهت ليلا من لبسها ونزلت ركبت مع عبد الرحمن وذهبوا للبيت العميد
ليلا ..مش كنا جبنا حاجه في ايدنا بدل ما حنا داخلين علي الراجل كدا ايد ورا وإيد قدام
عبد الرحمن ...هو احنا معزومين علي فرح يا مجنونه امشي قدامي
رن عبد الرحمن الجرس فتحت الشغاله
عبد الرحمن .. دكتور كمال موجود
الشغاله ايوا يا فندم نقوله مين
عبد الرحمن... قوليوا دكتور عبد الرحمن انا معاي موعد مع حضرته
الشغاله...اهلا وسهلا اتفضلوا
دخلت ليلا وعبد الرحمن وقعدوا في الصالون
ليلا بانبهار ..ماشاء الله بيته يجنن
دخل دكتور كمال ورحب بيهم
كمال. اهلا دكتور عبد الرحمن انت نورتني النهارده بجد زياره سعيد
عبد الرحمن ..انا اسعد يا فندم والله دا شرف ليه احب اعرفك انسه ليلا طالبه عندي في الكليه
كمال . اهلا يا بنتي شرفتني
ليلا. الشرف ليه ياسيت العميد
كمال . انا بقول نفطر الاول وبعدين نتكلم انا هقولهم يجهزو الفطار دي اول مره تشرفيني في بيتي
عبد الرحمن..مفيش داعي يا دكتور انا بجد مستعجل لان عندي حالات في المشفي انا كنت جاي لحضرتك في موضوع واتمني انك مانخزلنيش
كمال . اتفضل يابني
عبد الرحمن . بصراحه انا جايلك بخصوص البنت اللي كانت معايا في الصور انت عارف ان الامتحانات فاضل عليها يومين فحرام مستقبلها يضيع علشان لعبه قذره زي دي
كمال ..اظن انا اكلمت في الموضوع دا يا دكتور قبل كدا وحضرتك عارف راي
ليلا..ارجوك يا دكتور ملاك ملهاش اي ذنب في الحوار دا كله اقسملك ان دي مكيده من زميله ليها في الكليه هي السبب في دا كله واحنا عرفنا البنت بس للاسف مش قادرين نسبت اي شئ عليها في الوقت الحالي
أنت تقرأ
عشق الملاك # بقلم شوشو
Randomهي فتاه ملتزمه وبسيطه أحبت العلم كل ماتتمنه ان تصبح دكتوره ناجحه لكن للاسف سوء الظن دمرها وحطم أحلامها فهل هتستسلم للحقد والغرور ام تمشي ورا قلبها وتقع في حب استاذه
