(الفصل الرابع عشر)
عشق... الملاك
في صباح يوم جديد
اتصلت مريم علي ادهم لتخبره بموافقتها علي تنفيذ الخطه
ادهم...بجد يامريومه كنت عارف انك استحاله تتخلي عن ادهم حبيبك
مريم...انا اهم شئ عندي انك تكون مبسوط واللي انت عوزه هعمله بس اهم شئ بابا ميتأذاش في الموضوع
ادهم...مريم ياحبيبتي انا استحاله اسببلك اذي انتي او حمايا وليكي عندي مفجأه نخلص من شر ايه وبعدها نتجوز انا وانتي علي طول
مريم... انت بتكلم جد ياادهم انا مش مصدقه نفسي يعني هنتجوز
ادهم ...طبعا يقلبي بس اهم شئ عوز اشوفك علشان نتفق امتي ننفذ الخطه
مريم...انا مفيش ورايا حاجه بكرا قولي نتقابل فين وانا تحت امرك
ادهم بخبث...والله يامريومه انا عندي دور برد والدكتور منبه عليه مطلعش من البيت حتي الكليه مش قادر اروحها فلو ينفع تيجيلي انتي الشقه ونتفق علي باقي الخطه وكمان انتي وحشتني
مريم بقلق وخوف...لا طبعا يا ادهم ما ينفعش اجيلك الشقه لو حد شافني هيقول ايه
ادهم بمكر...يخساره يا مريم لدرجادي خايفه مني ومعندكيش ثقه فيه خلاص انا آسف وياريت تنسي اتفقنا خالص وصدقيني هنسي رقمك بس للاسف قلبي مش هينساكي انتي جرحتيني بكلامك كنت مفكر انك بتثقي فيه بس للاسف خيبتي ظني
مريم ...لا لا خلاص هاجي بس وحياتي عندك متزعلش واوعي تقول الكلام دا تاني ابعتلي العنوان وبكرا هكون عندك بس مش عوزه اتاخر
ادهم...عارفه يا مريم انا حبيتك ليه علشان طبتك دي واحلي حاجه انك بتسمعي الكلام هبعتلك العنوان بس ياريت يا قلبي متتاخريش عليه سلام يا زوجتي المستقبلية
اغلق ادهم الاتصال ويبتسم بخبث شكلها هتبقا ليله فله
حسام وينفث دخان سيجارته...بس الصراحه معلم هو دا الشغل التمام
دعاء بغضب... انت ايه مش عاتق حتي البنت اللي بتشتغل في الكافيه هتبقا من ضحياك لا وكمان بتعشمها بالجواز
ادهم....كل دا يا قلبي علشان متغدرش بينا لازم تطمن وتثق فيه وانا مش بحب ازعل حد احنا كلنا في مركب واحده هاتي بس العصير دا وظبطوا القعده كدا علشان نعرف نتكتك صح
____________________________
عند ملاك جهزت شنطتها علشان تسافر لان وجودها في القاهره بعد اللي حصل معتش له داعي
اتفجأت ليلا وايه الشنطه
ليلا ..ايه الشنطه دي يا ملاك.
ملاك بزعل ودموع ..خلاص معتش ينفع اقعد هنا انا راجعه المنصوره وربنا يصبرني واقدر اواجهه بابا باللي حصل
ايه.. دا اسمه هروب يا ملاك انتي تقعدي وتعرفي مين سبب كل المشاكل دي وايه هدفه واكيد فيه حل انا عندي احساس انك هتدخلي الامتحان وربنا هينصرك ان شاء الله بس اهم شئ الصبر ولازم تحربي علشان هدفك اوعي تتراجعي او تخافي
ليلا...ايه عندها حق مضيعيش حقك انتي كدا بهروبك دا بتثبتي انك ضعيفه وبتفرحي اعدائك فيكي طب احلامك وطموحاتك وحلم والدك كل دا عوزه تضيع علشان عقول مريضه
ارجوكي يا ملاك فكرى كويس مضيعيش كل شئ في لحظه انا لازم امشي دلوقتي عندي شغل ولما رجع لينا كلام تاني سلام
ملاك...انا تعبت ومش عرفه اعمل ايه حاسه اني مشلوله يارب قويني
___________________________
في الفيلا انتهي عبد الرحمن من لبسه
ونزل لتحت وقرر يروح علي المنصوره
احمد ...صباح الخير يا دكتور رايح الكليه ولا المستشفي
أنت تقرأ
عشق الملاك # بقلم شوشو
De Todoهي فتاه ملتزمه وبسيطه أحبت العلم كل ماتتمنه ان تصبح دكتوره ناجحه لكن للاسف سوء الظن دمرها وحطم أحلامها فهل هتستسلم للحقد والغرور ام تمشي ورا قلبها وتقع في حب استاذه
